Interneteko albistegia

Donustiarrak, Panricok debekatu dituen opilak

© cc-by-sa Sustatu ¦ 2010-03-04 ¦ 08:06 ¦ gastronomia

Txokolate zuriz estali eta kolorante urdin apur batez dekoratutako Panricoren Donutsak dira Donustiarrak, opil txuri-urdinak. Hilabete eman dute salgai Donostiako denda batzuetan, eta dagoeneko merkatutik erretiratu dituzte Panrico enpresak hala eskatuta. Panricok ekoiztutako Donuts opilak erabiltzen zituzten Donustiarrak egiteko, eta hortaz, Panricok ere dirua irabazten zuen ekimen honen bidez. Baina patentea dutela-eta, ez zaie gustatu donostiarrek produktua eraldatu eta saltzea.

Jatorrizkoa: Creative Commons Aitortu Partekatu © cc-by-sa: Pedro Layant

Erref.: Donustiarrak, Panricok debekatu dituen opilak (eibar.org)

Publizitatea

Erantzunak

#1. Re: Donustiarrak, Panricok debekatu dituen opilak

Aurrendakari Putierrez ¦ 2010-03-04 ¦ 08:40

Goxo-goxoak dira azukre inbertituz, hondakin-irinez, gilborrez eta maila goreneko beste lehengai batzuez eginiko opil eta harroskila industrial horiek, biziki sanoak.
Lastima jaki adiktiboak izatea -egia berdaderoa, amen-: azukreak eta, areago, azukre inbertituak, adikzio edo morrontza sortzeaz gainera, gozokia berez aperitiboa da. Bestela esateko, gosea harrotzen du gauza beretik gehiago kontsumitzeko.
Bestetik, inork ulertu al du behin ere donutsen etiketa?
Zergatik kriptografia hori?
Ñoñostiarrek badituzte pasteleria on asko, badute beren pantxineta gozoki nazionala, beren arrozkoletxea eta geste gauza asko, Kontxa inguruko bizi-pox. Utikan yankien zikinkeria zulodunak!
Portzierto, Euskal Herri osoak (Lapurdik, bereziki) ditu pasteleria onak, Euzkadik ez ezik, ETB2ko hitzontzi ezin espainol eta potoloagoak adierazi moduan.

#2. Produktua maite duten bezerorik kutunenak etsai izendatzea

Luistxo ¦ 2010-03-04 ¦ 09:07

Kasu honek gogoratzen dit copyright legeekin AEBetan gertatutako kasu absurdo bat:

BMC da klub bat Ford Mustang autoak maite dituztenak biltzen dituena. Egutegi bat atera zuten, Mustang-aren logoekin, eta hilabete bakoitzean, auto eder bat ageri zela (klubeko partaideen jabetzako ibilgailuak, zehazki). Ba, Ford konpainiak mehatxu gutuna bidali zien esanez harekin beren jabegoko irudiaren erabilera baimenik gabea egin zutela.

Beren produktua maite duen bezero/erosleen kontrako kanpaina, copyright-aren izenean!

Hemen kontatu zuten.

#3. Re: Donustiarrak, Panricok debekatu dituen opilak

Josu Mendicute ¦ 2010-03-06 ¦ 17:38

Nik animatu nahi ditut ekintzaile hauek, jarrai dezaten hau egiten. Agian ezingo dute Donuts markaren tipografia erabili, baina bai Donutsak erosi, berrerabili eta gauza berri bat egin. Hori debekatuko balute, izango litzateke Sagarrak saltzen dizkizun frutadendak debekatuko balizu bezala sagar-tarta egitea. Ez du zentzurik. Animo!