Interneteko albistegia

Joxemiel Bidador hil da

© cc-by-sa Sustatu ¦ 2010-03-02 ¦ 15:24 ¦ dantza

Joxemiel Bidador dantzari, dantza ikertzaile, idazle eta euskalari iruindarra hil da, joan den ostiralean izandako buruko odol isuri baten ondorioz, 39 urterekin. Filologoa ikasketaz, Joxemiel Bidador dantzari eta dantza ikertzaile garrantzitsua izan da. Dantzaren erreforma Euskal Herrian izan da haren lanik sendoena.

Erref.: Joxemiel Bidador hil da (www.dantzan.com)

Publizitatea

Erantzunak

#1. Re: Joxemiel Bidador hil da

arribeltzeta ¦ 2010-03-02 ¦ 16:15

Agur Joxemi... bahenki zenbat galdu dugun hi joanda!

#2. Re: Joxemiel Bidador hil da

Patxi ¦ 2010-03-02 ¦ 16:28

Zer berri tristea, gogorra eta bapatekoa. Benetako kolpea.
Pertsona maitagarria eta jakintsua.
Bere ondoan gustora egon gara, eta faltan sumatuko dugu.

#3. Re: Joxemiel Bidador hil da

Hasier Rekondo ¦ 2010-03-02 ¦ 17:38

Sinestea latza denean hitzak ez zaizkigu baliagarri. Agur Joxemiel. Eskerrik asko. Gogoan dut Gironako Galeuscan sortutakoa.

#4. Re: Joxemiel Bidador hil da

Jon Abril ¦ 2010-03-02 ¦ 23:58

Hotzikara sentitu dut. Euskal Herritik kanpo zenbait egun egin ondotik, oraintxe jakin dut berria. Badira ia 10 urte elkar ezagutu genuela. Beti umorez, lanerako prestu. Ekarpen haundia eginda joan zaigu. Zure lana eta zure irria gordeko ditugu. Agur, Joxemiel.

#5. Re: Joxemiel Bidador hil da

Juan Luis Zabala ¦ 2010-03-03 ¦ 00:43

Hasierrek bezala, nik ere gogoan dut Gironako Galeusca hura, 2005ekoa, eta Galeusca hartan Bidador. Bere adiskide egiteko erraztasun guztiak ematen dituzten horietakoa zen. Ondo esan dute Jon Alonsok eta Patxi Larrionek Bidadorri buruzko blogean ( www.blogari.net/joxemiel ): Bidador ikusi eta gelditzeko gogoa handitzen zitzaizun. Eta egin zuen lanak ere argi erakusten du haren bihotz-zabaltasuna.

#6. Re: Joxemiel Bidador hil da

Nafar penatu bat ¦ 2010-03-03 ¦ 01:51

Galera izugarria, benetan.
http://www.blogari.net/joxemiel/2010/03/02/bidador

#7. Joxemiel Bidadorren omenezko webgunea

Sustatu ¦ 2010-03-03 ¦ 07:28

Gorago aipatu duzue Joxemiel Bidadorren aldeko webgune hori. Hemen duzue estekatua:

www.blogari.net/joxemiel
Biba Bidador artikulua.

#8. Joxemiel Bidadorri agurra

Sustatu ¦ 2010-03-05 ¦ 13:17

Joxemiel Bidadorren omenezko blogean material hunkigarria ari dira pilatzen haren lagunak. Egin zitzaion agurra ere han da. Eta horretan, bideo honetan Joxe Angel Irigarai mintzo da.

Erantzun (klik zabaltzeko)