Itzuli orri nagusira Bidali hau

24 orduko itxialdia Hernaniko Langile Ikastolan

© cc-by-sa  HERNANIKO LANGILE IKASTOLA ¦ 2010-02-20 ¦ 08:34 ¦ irakaskuntza

Hernaniko Langile Ikastolako komunitateko hainbat kide, asteburu honetan 24 orduko itxialdia egingo dute Ikastolako egoitza nagusian, Hezkuntza sailak inposatu nahi duen fusioa salatzeko. Igandean, itxialdiaren ondoren, manifestaziora deitu dute eguerdiko 1:00etarako.

Publizitatea

Lerro hauen bidez jakinarazi nahi dizugu Hernaniko Langile Ikastolako komunitateak 24 orduko itxialdia egingo duela Ikastolaren egoitza nagusian (Laubidietan).

Itxialdia gaur hasiko dugu, eguerdiko 1:00etan, eta igandean eguerdiko 1:00etan manifestazioa egingo dugu herrian zehar

Manifestazioa

Langile Ikastolako komunitate osoa deitu nahi dugu:

  • Urte hauetan Langile Ikastola sortu, sendotu eta indartu duten guztiei.
  • Atzoko, gaurko zein biharko guraso, langile, ikasle eta irakasle.
  • Eta, noski, proiektu hau amestu, maitatu eta sinesten duten hainbat lagun.

Otsailaren 21ean, eguerdiko 1:00etan Plaza Berrian elkar ikusiko dugu.

Gure seme-alabak 2-16 Langile Ikastolan

Erantzunak

#1. Langile Ikastola Legebiltzarrean

la ¦ 2010-03-03 ¦ 15:18

Hernaniko Langile Ikastolako gelaburuen ordezkariak, Eusko Legebiltzarrean agerraldia egingo dute goizeko 11:30etatik aurrera

Honekin batera jakinarazi nahi dizuegu batetik; bihar hilak 4 ostegunez, elkartaratzea egingo dugula Hernaniko Langile Ikastolako kideok Atsegindegin arratsaldeko 5:00etan (Urbieta kalean).

Eta bestetik, ostiral honetan, hilak 5, Langile Ikastolako gelaburuen ordezkariak EUSKO LEGEBILTZARREAN AGERRALDIA egingo dutela goizeko 11:30etatik aurrera.

Agerraldi honetan Langile Ikastolak aldarrikatzen duen 2-16 urte bitarteko proiektua mantentzea eskatuko du.

Gure seme-alabak 2-16 urte bitartean Langile Ikastolan nahi ditugu!!

Langile Ikastolako Organo Gorena.

#2. Hernaniko Langile ikastolaren proiektua babestu du Legebiltzarrak

Hernaniko Langile ikastola ¦ 2010-04-19 ¦ 16:31

Eusko Legebiltzarrak babesa eman zion joan den astean Hernaniko Langile Ikastolari eta bere proiektu propioa garatzeko aukera ematea eskatu du. Eusko Abertzaleak (EAJ), Talde Popularra, Aralar eta Mistoa-Ezker Batua Berdeak taldeek aurkeztu dute Langile eskolaren inguruko legez besteko proposamena: Langilek bere proiektuari eutsi ahal izango dio.

Erantzun (klik zabaltzeko)

Publizitatea

 Nabigatu euskaraz