Interneteko albistegia

San Blas opila

© cc-by-sa Sustatu ¦ 2010-02-03 ¦ 11:33 ¦ gastronomia

Gaur otsailak 3, San Blas eguna. Eibarren, sanblas opilak bedeinkatu eta jateko eguna. Eibar.org-en bada errezeta bat, baina gaur bereziki argitaratu du beste bat Irinak eta Urunak blogak, lehengoan aipatu genuen blog gozo horrek. Izatez, sanblasak Eibartik irten eta hainbat okindegi eta gozotegira zabaldu dira, bereziki Gipuzkoan. Eta baita data hauetatik kanpo, urteko edozein sasoitara. Eibarren, bereziki, urte guztian zehar sanblas primerakoak erosteko, Zabaleta okindegian, Bidebarrieta kalean.

Sanblasak egiten etxean. © Elena Laka (baimenarekin)

Erref.: San Blas opila (irinaketaurunak.wordpress.com)

Publizitatea

Erantzunak

#1. Re: San Blas opila

leire narbaiza ¦ 2010-02-03 ¦ 13:27

Ummm! Ez dakizue ze edarra dan San Blas aurreko egunetan peora (atari) batzuetan egoten dan usaiña! Sanblasak egitten hasi diran seiñale!
Aurten be egin dogu eta nekagarrixa dan arren, benetan disfutau egitten dogu. Tira, egunotan gehixago, batez be kafitesniakin. Zoragarrixa da!!
A! eta ez zaittie fixau Eibar-Ermua-Plaentzia-Bergaratik kanpora egindako opillekin. Ez dake zerikusirik benetakuekin-eta!

#2. Sanblasera andereinoari

Iban Arantzabal ¦ 2010-02-03 ¦ 14:31

Herri inportante bat, behintzat, falta jatsu usaindun atarixak aittatzerakuan. uuujjjuummmm!!!!!!!!

Gaur hori usaiñoi erredakziñora be ekarri dogu, Arrasatera. Gaur atsaldeko kafia San Blasekin akordau barik, baiña sanblas opillakin. :-)

#3. Re: San Blas opila

Elena Laka ¦ 2010-02-03 ¦ 16:00

Eguerdian jende piloa zegoen Eibako posta bulegoan. Harritu egin nau, ze azkenaldian tallerren krisisa dela-eta, jende gutxi ibiltzen da. Galdetu dut zergaitik hain beste jende, eta bertako langileak esan dit jendea sanblasak bidaltzen ari zela, oso tradizio zabaldua dela postaz sanblasak bidaltzea, batez ere San Blas egunean, behin opilak bedeinkatuta daudela. Europa osoara bidaltzen omen dituzte eibartarrek sanblas opilak.

#4. Re: San Blas opila

Josu ¦ 2010-02-03 ¦ 16:34

Guadalajaran (Espainiako Guadalajaran) bizi den lagun eibartar batek urtero egiten ditu Sanblasak. Behin semearen lagunei etxera eramateko egin, eta hurrengo egunean semearen lagun horietako bati galdetu zion ea gustatu ote zitzaion... eta umeak erantzun zion ezin izan zuela probatu. Etxera eraman eta amak osorik jan zuela! Hain da ona!

Orain urte osoan zehar egiten dira Sanblasak, baina otsailaren 3a hurbildu ahala herrian sumatzen den giroak (usaina etxeetan, sanblas opilak eskaparateetan, okindegietan) eta lankideren batek bulegora opila bat ekartzen duenean denoi jartzen zaizkigun alaitasun aurpegiek ez dute preziorik!

#5. Barka bekit berorrek, Arantzabal jauna!

leire narbaiza ¦ 2010-02-03 ¦ 21:20

Dudan egon nok, Iban. Pentsau juat Elgetan be egingo zirala. Horren aurrian, nahixago izan juat ezer ez esatia. Eta azkenian hankia sartu!
Domekan egindakuak ez jittuadaz ondiok probau! Hori dok markia, gero! Bixar be egongo dok aukeria, eztok?
Herrixen arteko dastaketa mundiala egin geinkek. Baiña bakotxan etxian egindakuak izan bihar dittuk opillok.
Nor animauko litzake?

#6. Re: San Blas opila

Mikel Lizarralde ¦ 2010-02-04 ¦ 12:16

#3 Elenak dioena ezagun egin zait. Erasmus programa dela eta Glasgow-en nengoela amak San Blas mordoxka bat bidali zidan.

#7. Re: San Blas opila

Josu Mendicute ¦ 2010-02-04 ¦ 23:53

Facebooken San Blas Opilak orria sortu dut, gozozaleontzako.

Erantzun (klik zabaltzeko)