Patxi Lopezen euskara klaseak 36.000 euro ordainduko ditu Jaurlaritzak

#1. Re: Patxi Lopezen euskara klaseak 36.000 euro ordainduko ditu Jaurlaritzak

Edorta Agirre ¦ 2010-02-01 ¦ 10:51

Ez nau harritzen beste batzuek debalde ikasi behar izan duguna argi handirik gabeko tipo harroxka horri gure patrikatiko sei milioi pezeta kostatzeak.
Halaz ere, ezetz ikasi! Afaria jokatuko nioke Arzakenean edonori, hamabi urte pasata, berdin-berdin segitzen duela espainolez edo euskara mordoilo primarioan.
Zer esan lezake, gainera, euskaraz ongi ikasiko balu ere?
Ez horrek, ez Aresek, ez Ardanzak, ez... ez dute ikasiko hizketan, bistan da.

#2. Re: Patxi Lopezen euskara klaseak 36.000 euro ordainduko ditu Jaurlaritzak

aitzolpari ¦ 2010-02-01 ¦ 11:07

Ño! Astean hiru goiz igaroten baditu euskara ikasten (Correo taldeko albistea), eta eguneko 4 ordu ematen baditu... kalkulu azkar bat eginda, ordua ia 60€ ordaintzen ari da!

Jakingo al du badaudela euskara ikasteko dirulaguntzak?

#3. Re: Patxi Lopezen euskara klaseak 36.000 euro ordainduko ditu Jaurlaritzak

eneko ¦ 2010-02-01 ¦ 11:17

hori lehenengo urtea, ze datorren urterako beste horrenbeste gastatzeko aurrekontua dagoela dirudi. enekien nik horren garesti jarri zirenik euskaltegiak!?!?!? ea behintzat probetxurik ateratzen dio.
Gomendioa sustaturi, nik hizkuntza atalean baino masai ikastaroan sartuko nuke berri hau!

#4. Re: Patxi Lopezen euskara klaseak 36.000 euro ordainduko ditu Jaurlaritzak

itziar ¦ 2010-02-01 ¦ 12:19

Joan den astean entzun nion aspaldiko partez Ardanzari Euskadi Irratian egin zioten elkarrizketa batean, eta ederto batean aritu zen euskaraz. Ez dut uste zilegi denik aipatutako guztiak zaku berean sartzea; Ardanzak jakingo du ba, "asaben gomutaz" eta "asaben gomatuz" adierazpideen esanahaia, beste batzuek ordea, ondo ordaindutako eskolak beharko dituzte...

#5. Re: Patxi Lopezen euskara klaseak 36.000 euro ordainduko ditu Jaurlaritzak

Benito ¦ 2010-02-01 ¦ 13:35

Eman duzuen datuan zehaztapen bat egin behar da. Ikasleak ordaintzen duen matrikula gauza bat da, eta beste bat bere ikastorduen kostua. Adibidez, Bilboko ikasle batek AEKren euskaltegi batean ordaintzen duen hori 330 orduko ikastaroaren kostuaren erdia baino ez da ggb (ez dauzkat zenbakiak hemen orain), gainerakoa EJk HABEren bidez ematen dituen diru-laguntzekin finantzatzen da.

Era berean, ikasleak aurrera egin ahala eta mailakako azterketak gaindituz gero, bere gastuaren parte bat hartuko du bueltan HABEren bidez. Horri gehitu behar zaio lekuan-lekuan eta kasuan-kasuan izan ditzakeen laguntzak (udalak, enpresak, administrazioa...).

Hala, ere erraza da ikasi nahi duen hiritarrak euskara ikastearen kostuaren parte bat bere poltsikotik ordaindu behar izatea, eta hau guztia EAEko markoan jarrita, noski, Nafarroan edo Iparraldean gauza desberdinak dira, eta ez onerako.

Edozelan ere, ez dakit Lopezek azterketarik gainditu beharko duen, baina bistan dago "enpresak" ordaintzen badio, inbertsio horrek emaitzak eskatuko dituela.

#6. Re: Patxi Lopezen euskara klaseak 36.000 euro ordainduko ditu Jaurlaritzak

Luistxo ¦ 2010-02-01 ¦ 14:00

Neuri kontu honetan graziosoak iruditu zaizkit bi gauza.

• Prezioa kiloetan dago kalkulatua. 6.000 euroren multiploak ikusten dituzunean aurrekontu batean, seinale biribildutako kalkulu bat egin dela milioi pezetatan eta aurrera bolie.
• Gaztelerazko albistearen lekuan komentario honek grazia egin dit erantzunetan: Pues a mi me da que si me pagais un cursillo de 36.000 pavos aprendo a ser lehendakari!!

#7. Re: Patxi Lopezen euskara klaseak 36.000 euro ordainduko ditu Jaurlaritzak

Betiri Garmendia ¦ 2010-02-01 ¦ 14:11

Arazoaren muina ez da Lopezen euskara eskolengatik pagatu behar duguna, baizik eta 'jaun' horren lotsagabekeria, Lehendakari izateko postulatu duelako bere burua minimoak ere bete gabe; herritarrekin hizkuntza ofizial bietan komunikatzeko gabezia. Guztiok pagatuko dugu Lopezek berak bere patrikatik edo partiduaren poltsatik pagatu behar zukeena. Hori dago koxka!
.

#8. Re: Patxi Lopezen euskara klaseak 36.000 euro ordainduko ditu Jaurlaritzak

bisitari ¦ 2010-02-01 ¦ 15:15

Nik fisioterapeutara noanean, 75 euro ordaintzen ditut 45´ko saio bakoitzean. Podologoak 65 euro kobratzen dizkit ordu erdiko errebisioagatik. Estatistikako klase partikular batzuk behar izan nituen eta 55 euro ordaindu nituen orduko. Ni euskaltegiko arduradun banintz, ez nioke lehendakari bati 60 eurotik behera eskatuko orduko, inondik ere ez. Nork ordaindu behar duen diru hori. Neuk, bere larruan banengo, poltsikotik ordainduko nuke. Uste dut, berriro ere bere komunikazio-arduradunek ez diotela laguntza handirik eman.

#9. Re: Patxi Lopezen euskara klaseak 36.000 euro ordainduko ditu Jaurlaritzak

Unai ¦ 2010-02-01 ¦ 15:33

Zenbat denbora behar izan zuen Ibarretxek euskara ikasteko? Noiz eman zuen lehen hitzaldia irakurri gabe? Eta lehen elkarrizketa Euskadi Irratian noiz izan zen?

Ea inork datu hauek ezagutzen dituen, horrela bi lehendakarien arteko konparaketa egin ahal izango dugu.

#10. Re: Patxi Lopezen euskara klaseak 36.000 euro ordainduko ditu Jaurlaritzak

Xabier ¦ 2010-02-01 ¦ 19:01

Patxi Lopezen euskara klaseak 36.000 euro ordainduko ditu ¿¿¿¿¿¿¿¿JAURLARITZAK'??????????

EZ! Zuek guztiok ordainduko dituzue Vascongadas-etako presidente okupa horren klaseak.

Inuzentea behar du titularra idatzi duenak. Edo Francisco López hori uste nuena baino askoz listoagoa da.

#11. Lehiaketa publikoa omen da

Jabi ¦ 2010-02-06 ¦ 17:46

Irakurri dut Jaurlaritzako webgunean deialdia dirudien testua. Badirudi lehiaketa publikoa dela, epea oraindik irekia duena gainera. Baina "enpresa gonbidatua" dago eta gainera, baldintza zehatzagoak, klausula bereziak eta oinarri teknikoak "Gonbidapenarekin batera bidali da" dio inora ere ez daraman loturak (gonbidatutako enpresari, pentsatzen dut). Espero dut administrazioko lehiaketez dakien norbaitek argitzea zer demontre den hori.