EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

#1. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

Jozulin ¦ 2010-01-26 ¦ 15:37

Zer egingo genuke Maite eta Jakintza ikastolako ikasleak gabe?
Enpin, 1000 esker. Berriro.

#2. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

Josu Mendicute ¦ 2010-01-26 ¦ 15:48

Ni Maiteren lekuan egon izan banintz, uste dut desobedientzia praktikatu eta debekuaren gainetik, publikatu egingo nuela bideo hori. Baina berak hartu duen erabakia, debeku horren aurrean lan paralelo librea egitea, txalogarria da. Eskerrik asko.

#3. Desobeditu ala sortu?

xiber ¦ 2010-01-26 ¦ 16:23

Nik uste dut eraikitzaileago dela sortzea, eta bide batez, sortze hori ez al da desobeditzea?

#4. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

Josu Mendicute ¦ 2010-01-26 ¦ 17:05

Sortzeak denbora eskatzen du, eta diru publikoz egindako dokumentu publikoak denok erabiltzeko moduan behar dute. Maite Goñik ez du denbora alperrik galtzen, bideo hori egin behar izan ez balu, beste zerbaitetan inbertituko zukeen denbora hori, eta hori ere eskertuko genion. Sorkuntza bikoitza, horrela. ;-)

Nik debeku publikoen aurrean desobeditzeko intentzio osoa daukat. Kasu batzuetan ezin dugu materiala berregin, antzinako argazkiak adibidez (hori da Eibarko Egoibarraren kasua), eta hauekin bezala jokatu nahi dut beste instituzioekin ere. Funtzio publikoaren mesedetan, desobeditu ezazue. Dokumentu publikoak, denonak eta denontzat.

#5. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

Maite Goñi ¦ 2010-01-27 ¦ 01:02

Aitortu beharrean nago zalantzez betea nagoela auzi hau guztia hasi zenetik. Zein da nire ikasleei helarazi nahi diedan mezua, helburuak bitartekoak bidezkotzen dituela ala benetan sinesten baduzu helburu bat bidezko dela ahal duzun guztia egin beharko duzula helburu hori erdiesteko?

Ni bigarren hari horretatik tiraka nabil azkenaldi honetan. Dena den, ika-mikak gorabehera, garbi daukadan gauza bakarra hauxe da: diru publikoarekin egindako oro (izan ikerketa, izan material didaktikoa, izan estatistikak, kontsultarako edozein txosten edo beste zerbait) denon eskura ipini beharko litzateke. Hori errealitate bihurtzen ez den bitartean, guk geureari eutsi eta lanean jarraituko dugu.

Sustatu, mila esker aipamenagatik. ;-)

#6. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

himikel ¦ 2010-01-27 ¦ 12:17

Oso ideai ona, honela lortu duzue materialari zuku guztia ateratzea eta gainera inor erabilia sentitu gabe, mila esker sormen baliogarri hau elkarbanatzeagaitik ;)
PD: Captcha euskalduna guztatu zait... :), spammerak Euskaraz es dakite oraindik :P

#7. Re: EGAren simulazio baten bideoa egin dute Jakintzan, bideo ofiziala erabiltzeko debekuaren aurrean

iñaki olano ¦ 2010-01-27 ¦ 13:55

Nik jada neure zoriontze kupoak gastauta dazukat Maite eta EuskalJakintza.koontzat, oseake barkatu filosofiko jartzen banaiz ... baina kezkatzen nau kontu baten harira jo nahi nuke, "por komentar"... eh?

Irakaskuntzaz gaindi, gurasoen mundua ere barruan sartuaz, hau noski ez da Maiteren aurkako salaketa, "zin akritú" mesedez:

Ez al gara gure neska-mutikoak gehitxo babesten, "plangintzatzen" ari, azterketara edo beste edozertara urduri joaten direla eta?

"Negutegi" efektua dakusat nik hemen, perfekzioaren, asepsiaren, "zero akats"en helburuz. Obsesioa inprobisazioari, norberaren gaitasunei zirrikiturik ez uzteko. Horrek ekimena, sormena, nork bere erara jokatzeko askatasuna ez al du pittin bat itotzen?

Eskuak nola garbitu ere azaltzen diguten manualak ikusi ditut berriki, eta helduontzat ziren...

Baina ur garbiegiek "kretinismo"a sortzen omen dute, eta Negutegiek berriz, zaporerik gabeko barazki itxurosoak... Zailtasunei sekula aurre egin gabekoak estualdiak bere kasara gainditzen jakingo ote du?

Enfin, Bush.ek amerikar tropekin afaltzeko "trintxatu" zuen indioilarra bezala... etzen jateko, argazkia egiteko baizik. Itxuraz dena oso polita, baina ze mami dago barruan? Edo axola ote dio mamirik inon izateak?