Itzuli orri nagusira Bidali hau

Fuck you esateko hamaika modu euskaraz

© cc-by-sa  Sustatu ¦ 2010-06-27 ¦ 11:53 ¦ hizkuntza

Lehenago ere hitz egin da Sustatun euskaraz irainak egiteko moduetaz. Duela holabete batzuk Zuzeuk atera zuen Fuck you esateko 100 modu beste hizkuntza batzuetan, baina euskaraz esateko hamaika modu ere badaude, joan zaitez popatik hartzera ezagunaz gain. Zerrenda bat egin dugu antzeko mezua euskaraz esateko 11 modurekin.

Publizitatea

  1. Bermeon, "sakotik hartzen juen"
  2. Eibarren "junari Tutuluko estratara"
  3. Arrasaten "Fuen zaittez txakurran salara"
  4. Joan zaitez tutunera mantatan (Tutun delako baten etxera omen, manten bila)
  5. Joan zaitez zingan isla atzera
  6. Pikutara joan/bidali
  7. Antzarak ferratzera joan/bidali
  8. Pikulittara joan/bidali
  9. Izorrai!
  10. "Juan hari Lekeitxiora" esaten zuen eibartar batek
  11. Txupaiztak beko miembru (Ondarrutar batek esana)

Egon, badaude gehiago. Batzuk beste hizkuntza batzuetatik ekarriak, eta beste batzuk propio euskaraz sortutakoak. Zerrenda hau osatzeko beste formularik ezagutzen?

Erantzunak

#1. Re: Fuck you esateko hamaika modu euskaraz

Joseba A. ¦ 2010-06-28 ¦ 09:40

Pasaia Donibanen
potroximel (koldar)
hanka mehe (eskaxa)
amolai (izorrai)
junai portzulo hartzera!

#2. Re: Fuck you esateko hamaika modu euskaraz

aitzol ¦ 2010-06-28 ¦ 10:06

Ondarrutzaindiak ez dut uste Txupaiztak onartuko lukeenik (hika gutxi Ondarrun), horren ordez hobetsitako forma txupastaxun edo bestela jastaxun izango litzateke. Hortaz esaldi zuzena:

  • Txupastaxun behiko mienbru, edo
  • Jastaxun behiko mienbru

litzateke. Gainera sarritan behiko mienbru erabiltzea ez da derrigorra (guztiok dakigu zertaz ari garen :) )

#3. Re: Fuck you esateko hamaika modu euskaraz

irati ¦ 2010-06-28 ¦ 10:45

Horiek guztiak FUCK OFF, esateko balio dute, FUCK YOU baino...

#4. Re: Fuck you esateko hamaika modu euskaraz

jaio ¦ 2010-06-28 ¦ 11:49

Ingelesa gutxi dakit, baina, izorrai, junai portzulo hartzera eta txupastaxun gauza bera direnik ez nuke esango ba...

#5. Re: Fuck you esateko hamaika modu euskaraz

Elizabeth ¦ 2010-06-28 ¦ 17:59

Fuck off i./e. uxatzeko esanahiarekin erabiltzen da. Fuck you, berriz, edozein kasutan. (NYen, behintzat;) Igoal izorra-ren kide da. ...(Joan/bidali ez daramatenak berdintsu...?)

#6. Re: Fuck you esateko hamaika modu euskaraz

joxefe ¦ 2010-06-30 ¦ 09:37

Arrasaten "fuen" erabiltzen den ez dakit. Arrasaten "juen" bai eta "fan" ere bai, biak erabiltzen dira. Beraz, Arrasaten honela esaten dela esango nuke nik: "Fan zaittez txakurran salara" eta "Juen zaittez txakurran salara".

Erantzun (klik zabaltzeko)

Publizitatea

 Nabigatu euskaraz