#1. Re: Kanpaina aldatzen hasi dira: Ni Kaikukoa naiz

Nerea ¦ 2010-01-22 ¦ 13:39

Kritikek eragina izan duten froga. Oraingo mezuak hobeto ematen du belarrira. Ea kanpaina osoa aldatzen duten.

#2. Re: Kanpaina aldatzen hasi dira: Ni Kaikukoa naiz

Imanol ¦ 2010-01-22 ¦ 15:47

Ez nago ba hain ziur aldaketa onera izan ote den... Kaikukoa... K askotxo belarrira...

#3. Re: Kanpaina aldatzen hasi dira: Ni Kaikukoa naiz

xuriken ¦ 2010-01-22 ¦ 17:31

Ba niri eskertzekoa iruditzen zait, eta beren jokabidea txalogarria.

Euskaltzale (edo) batzuen kritikak entzun dituzte, aztertu dituzte, kontuan hartu dituzte eta aplikatu dituzte. Zentzu horretan, beraz, txapo.

"K" gehiegi dagoela? Txkikeria iruditzen zait niri hori. Gehiago esango nuke, egin duten aldaketa ez da nolanahikoa izan, hausnarketa dago atzetik, eta emaitza bikaina dela uste dut, lehenagoko leloarekin ze egoeratan zeuden kontuan hartuta.

Kirol kutsua ere hartzen zaio eta! Esaten duena Kirol talde baten jarraitzaile izango balitz bezala... Eta Kaikuk estropadetan irtetzen den traineru bat babesten duela ikusita... berriz diot: Irtenbide erraza dirudien arren, oso egoki deritzot egin duten aldaketari.

#4. Re: Kanpaina aldatzen hasi dira: Ni Kaikukoa naiz

Fernando ¦ 2010-01-22 ¦ 18:40

Ondo egin dutela uste dut.

Akaso, Kaikuren edo bere komunikazio departamentuaren aldetik azalpena falta da. Malgutasuna erakutsi dute baina, hobetzeko direnean kritikak eskertzen ere jakin behar da.

#5. Re: Kanpaina aldatzen hasi dira: Ni Kaikukoa naiz

Anjel Lertxundi ¦ 2010-01-22 ¦ 18:43

Neuk ere, kritiketan izan dudan erantzukizuntxoagatik, eskertzen dut Kaikuren jarrera: kritikatzerakoan eta zoriontzeko orduan izan nahi nuke neurritsu.

Ez dut esango "Ni Kaikukoa naiz" (ez naiz kontsumitzailea markarekin identifikatu behar horren aldeko), baina bai, orain pozikago hartuko dut nire goizeroko Kaiku katilukada.

On egin dagigula, bada…

#6. Re: Kanpaina aldatzen hasi dira: Ni Kaikukoa naiz

xuriken ¦ 2010-01-22 ¦ 23:51

Ze eskertza hoberik, kritikak kontuan hartu eta horien arabera jokatzea baino? ;)

Ez naiz ni bereziki Kaiku zalea baina... oraingoan ondo jokatu dutela uste dut. Aurrerantzean espero daitekeena da berriz ez gertatzea horrelakorik, hasieratik behar bezalako garrantzia ematea "euskararen merkatuari", eta euskaraz (ere) pentsatzea iragarkiak.

Gai honen inguruan, gaur etorri zait gogora nola Mitsubishi etxearen auto modelo berberak bi izen ezberdin dituen Euskal Herrian.

Iparraldean: Montero. Hegoaldean: Pajero.

(Egia da, hala ere, Britainia Handian Shogun esaten diotela eta AEBetan ere Pajero )

#7. Re: Kanpaina aldatzen hasi dira: Ni Kaikukoa naiz

xuriken ¦ 2010-01-22 ¦ 23:58

Nahastu naiz.

Iparraldean esaten diote Pajero; Hegoaldean Montero.

#8. Re: Kanpaina aldatzen hasi dira: Ni Kaikukoa naiz

Sustatu ¦ 2010-01-23 ¦ 12:44

Fernandok dioena (#4), Kaikuren azalpenak falta direla... Hemen ez badute erantzun edo mezurik utzi, horrek ez du esan ez denik azalpenik eman. Ez dakigu. Beharbada eman dituzte nonbait, publikoan edo pribatuan. Lema aldaketa ere, oraingoz domeinu-izen batean eta irratiko mezuetan nabari da. Webguneko irudietan lehengo lemak dirau.

#9. Re: Kanpaina aldatzen hasi dira: Ni Kaikukoa naiz

Ana Morales ¦ 2010-01-23 ¦ 12:44

... Ez dakit beste inori gertatu zaion, baina protesta idatziz bidali zien nire lagun bati etxera deitu zioten telefonoz (behin baino gehiagotan gainera, mezua utzita erantzungailuan...).

Pozten naiz Kaikuk hartu duen bideagatik. Gaur goizean armairua zabaldu dut eta esne barik geratzen ari naizela ikusi dut... Agian Kaikukoa egingo naiz... Azken batean, zer nahi duzue, euskalduna naiz, eta, beraz, sentimental hutsa...

#10. Re: Kanpaina aldatzen hasi dira: Ni Kaikukoa naiz

Iñaki Olano ¦ 2010-01-23 ¦ 14:19

Bertako esnea geure abeltzainei erosteko arrazoi sendoak daude nire uste apalean. Sentimendu edo abertzaletasun kontua hauta dezake norberak, baina jasangarritasuna ere ba da, kalitatea zer esanik ez, eta gure baserri munduarekiko ardura, elkartasuna.

Zuzenean eurak ere hasi dira esnea saltzen, produktu freskoa beirazko botilan eramateko espendedore automatikoak jarriaz adibidez, Nafarroan eta Araban, kasu. Eta eurei zuzenean erosterik ez dagoenean, dendan bertako marka bilatzen dut... hornitzaileak gure abeltzainak bait dira, litroko mozkin irrigarria hartzen badute ere.

Hau bera dendetako, azoketako... beste produktu guztiei aplika dakieke ahal dela ekoizpen lokala erosiz, edo bestela, idealismoak baztertu, alter-mundializazioa goratu, soilik norberaren patrikari begiratu eta.. badakizue, MediaMarkt, Lidl, IKEA style, "yo no soy tonto, compro lo más barato"... Badakigu krisia dagoela baina ez dut uste inork lurra joko duenik bertako produktuak "ere" erosteagatik.

Eta honek guztiak inor gutxi konbentzituko duen komentzimenduaz, akabo sermoia. Amen, zu hor ta ni hemen.

#11. Re: Kanpaina aldatzen hasi dira: Ni Kaikukoa naiz

Pruden Gartzia ¦ 2010-01-23 ¦ 16:35

Kuriosoa egitean ari zait kontu hau. Izan ere, gogora ezazue "hortik zehar" euskaldunok (uler bedi euskaltzaleok) proiektatzen dugun irudi orokorra: taliban kuadrila bat, Bin Laden baino biolentoagoak eta fanatikoagoak.

Eta gero, ze gutxirekin konformatzen garen! Nahikoa da norbaitek (kasu honetan, Kaikuk) gu errespeto minimo batez tratatzea, errespetu minimoa, besterik ez, eta prest gaude konformatzeko.

Ezen kasu honetan, adibidez, ni ere pozik nago oro har. Ez slogan honekin edo harekin, ez, beste honegatik baizik: entzun egin digutela sentitu dudalako, entzun eta, jakina, neurri batean kasu egin. Alegia, goian aipatzen nuen errespetu minimoa.

Ikasiko ahal dute Euskal Herriko agentzia publizitarioek! Ez dugula eskatzen oso zaila den ezer, beste hau baino: errespeto minimoa.

Agian hortxe dago une honetan (eta, ziur aski, urte luzerako) gure asmo eta ametsen muga praktiko-faktikoa. Zeren hori, nekez, baina lor daiteke... hortik gora, hots, berdintasuna... sortuko dira berriak.

#12. Re: Kanpaina aldatzen hasi dira: Ni Kaikukoa naiz

Iñaki ¦ 2010-01-23 ¦ 17:47

Oker ez banago, Sustaturen kolaboratzaile batek lan egiten duen publizitate-agentziak egiten dio publizitatea Kaikuri. Orain dela gutxi erantzun dezente sortu zituen artikulua argitaratu zuen orri honetan. Bere iritzia interesgarria litzateke.

#13. Re: Kanpaina aldatzen hasi dira: Ni Kaikukoa naiz

Luistxo Fernandez ¦ 2010-01-24 ¦ 08:24

Hemen #12 erantzuna utzi duen anonimo honek... Lastima da troll zitalekin katramilatu beharra, baina zer egingo diogu. Sustatuko kolaboratzaileen artean, ez dago lanbidez publizista den inor.

Marketinaz idatzi izan du, izen-deiturekin sinatuta, beste lagun batek, Iñigo Fernandez Ostolaza publizistak, artikuluak kargatzeko aukera baliatuta. Adibidez, Euskaltelen kanpaina batez idatzi zuen Fernandezek. Agian horrek erresuminduko zuen Iñaki faltsu hau.

Gainera, honako honetan ere ez da isildu, eta Kaikuren kontuaz idatzi izan du lagun horrek: bere blogean. Ganorazko profesionalak eta troll ganorabakoak desberdintzea oso erraza da. Lehenaren adibide gisa, Euskalteli buruzko artikulu haren lehen ahapaldia har ezazue; ganorabakoaren adibidetzat, hemen goiko 12. erantzuna.

Luistxo Fernandez, editorea, Sustatu.com

#14. Re: Kanpaina aldatzen hasi dira: Ni Kaikukoa naiz

Iñaki ¦ 2010-01-24 ¦ 10:09

Agian ez dut asmatu nire mezua idazten. Iñigo Fernandezen iritzia interesgarria izango litzatekeela esan nahi nuen baina, benetan, ez nuen gaiztakeriaz esan nahi.
Barkatu gaizki azaldu badut.
Nire izena Iñaki da. Ez naiz azaldu-zalea eta ez dut abizenik jarri, besteak beste, ez naizelako inor. Iritzi bat eman nahi nuen eta Iñigoren iritzia jakin baina, berriro diot, gaiztakeriarik gabe.
Barkamena Sustaturi eta Iñigori minik sortu badut.

#15. Re: Kanpaina aldatzen hasi dira: Ni Kaikukoa naiz

Iñigo Fernandez Ostolaza ¦ 2010-01-24 ¦ 19:32

Nireak/gureak ez diren kanpainei buruz plaza publikoan iritzia ematea gustatzen ez zaidan arren, gai honen inguruan hemen ere utzi nuen nire iritzia.

Baina ez, haserre, urteak direlako Kaikuk ez gaituela kontratatzen, euskara eta publizitatea kezkagai dudalako, penaz, baizik.

#16. Re: Kanpaina aldatzen hasi dira: Ni Kaikukoa naiz

rak ¦ 2010-01-24 ¦ 21:52

Kaikua ez al da ba esnea jezteko egurrezko ontzia? Ze izen polita esne marka batentzat... Desasgertzear dagoen tresna baten izenak gure artean bizirik jarraituko du marka batengaitik.

Euskarari errespetu bat???
Benetan taliban hutsak eginak gaude. Ez al da nahiko errespetu publizitatea euskaraz eta gaztelaniaz egitea?

Baserritarrak iraintzen direla?
Zer dira baserritarrak? defenditzeko gai ez diren gixajo hutsak ala? Ez ote gaude gu kaikuak deitzen baserritarrei?

Benetan polemika honek harrituta utzi nau, beti liskarrean, ez al dago garbi Kaiku letra larriz idatzia dagoela? Ez zenuten Kaiku marka ezagutzen?

Ez dela publizitaterako egokia? Orain zer gara denok publizistak? http://www.diesel.com/be-stupid/

Umore pixkat! Erlaxatu ipurtzuloak!

#17. Re: Kanpaina aldatzen hasi dira: Ni Kaikukoa naiz

Oier Gorosabel Larrañaga ¦ 2010-01-24 ¦ 23:32

Umore pixkat, zelan ez. Horregaittik egin netsan nik esne-kajiari pintadatxua, mezu-kate luuuuuze honen hasieran doian erretratua etaratzeko.

Baiña ez neban uste halako zalapartia sortu zanik. Seiñalia jentiari ardura detsana, eta horri be kaso egin biharko jako.

#18. Re: Umore piska bat KAIKUrena dela eta

Iñaki Olano ¦ 2010-01-25 ¦ 06:44

Esfinterrak lasaitzeko eskatzen du RAKek, eskerrak eman behar ditugu eta hemengo firma batek publizitatea euskaraz ere (!??!!) egiten duelako, nola egiten duen kontuan hartu gabe... Gaztelaniaz edo frantsesez horrelako hitz jokoei bide ez emateko aski trebatuak daude publizistak... baina euskaraz jakin ez eta.. bost axola.

Ze ipurtestuak eta probintzianoak garen. Eta hankasartzeak beti euskaraz etortzeak majo lasatu beharko ditu bai ipurtzuloak, hartzeaz sobera ohituta egon behar genuke, bai.

Hori esan ote zien Lazkao Txikik Goardia Zibilei? Bere pentsu kamioioan baserriz baserri zihoala alto eman zioten... Norbaitek "PIENSOS COMETA" errotuluari ezabaketa txikia egina zion gauez... "PIENSOS ETA" bihurtuz. Ta Goardia Zibilak hori zer zen galdetu, haserre... "un poko de humor, señores, encima ke está en kastellano" esan ote zuen Joxemiel Iztuetak..? Noski, ta Goardia _Zibilak barrezka bialdu zuen Abalin baserrira, barre-algaraka. Bai, bai...

#19. Re: Kanpaina aldatzen hasi dira: Ni Kaikukoa naiz

rak ¦ 2010-01-26 ¦ 00:37

Eskerrak eman ez, baina errespetua duenaren seinale bada bai nere ustez.

Nik benetan ez det hankasartzea oraindik ikusten, grazia egin zian esne-kaxako pintadak, bere garaian pintada honek egin zidan moduan: http://www.eldemonionegro.com/gallery2/v/fotos-arte-grafiti-urbano/arte+urbano_plantillas_LETIZIA+correos+en+mi+cara___.png/
Gaztelaniari errespetu falta posta konpainiak?

Hitz jokoz eta zuzenean iraintzen duten publizitateak daude hizkuntz guztietan, adibidea ere jarri det, "izan ergela" diesel-ena: http://www.diesel.com/be-stupid/

Euskeraz "Gu Kaiku gara" ez det iraina ikusten, erderaz "Soy Kaiku" bai, baina nahita egina badago ere zer? Euskaraz pentsatutako publizitatea erderaz! Dieselen modukoa eta Euskaldunok bakarrik ulertu dezakeguna.

Probintziano hitza nik ez det erabili, eztet munduko hiritarra izan nahi patxi bezela, baina "euskerak hori baino gehigo merezi du"entarren pulpituak ez ditut gogoko.

Beti atzetik eman nahi diguten ustetan estu estu ibili nahi degu gorputzaren malgutasuna zurrunduz, keinu ximple bat eraso moduan hartuz.

#20. Re: Kanpaina aldatzen hasi dira: Ni Kaikukoa naiz

Iñaki Olano ¦ 2010-01-26 ¦ 12:03

Ez da "euskarak hori baino gehiago merezi du"... tamalez ez dakit zein konplexu diglosikoren erruz... edo gehiegitxotan gertatzen delako, Tio Tom baten gisara ohitu egiten gara horrelako tratu txar eta mespretxuetara, baina inongo pulpitura igo gabe lasai asko esan dezakegu "euskarak beste hizkuntzek aina merezi du"..

Progresistago eta esentzialismo etnizistarik gabe adieraziz akaso ulertuko zaigu hobeto: Hizkuntzen erabiltzaileak gizakiak garenez, hizkuntzak ez baina pertsonak direnez eskubideen hartzaile, hizkuntza harremantzeko, bizitzeko komunikazio tresna denez gero... euskaldunok beste edozein herritarrentzat guztiz normala dena merezi dugu; adibidez errotulazio publikoan, foiletoetan, publizitatean... zeozer irakurtzen dugunean tajuz idatzita egotea, ez hiru urteko haur batek edo robot ergel batek, edo analfabeto batek idatziko balu bezala.

Hori dena geure herrian eskatzea neurriz kanpokoa bada, orduan herritar kolonialak gara, oso unibertsalak eta toleranteak, baina erdipurdiko eskubideak dituzten subdito kolonialak, aspaldi esan zuten moduan: "iya guriak egin du, badegu zeñek agindu".

#21. Re: Kanpaina aldatzen hasi dira: Ni Kaikukoa naiz

rak ¦ 2010-01-26 ¦ 19:03

Azken idatziarekin ados nago Iñaki.

Kaikuren kasuan ordea ez nuke sartuko aipatzen dituzun kasuetan, baina bueno, sentsibilitate kontuak izango dira.

#22. Kanpainako irudiak "Ni Kaiku naiz" esaten jarraitzen du

Sustatu ¦ 2010-02-14 ¦ 17:08

Domeinu eta irratiko mezuak aldatu eta hilabetera ia, egia esanda, Ni Kaikukoa Naiz dioen domeinuan klikatuta, Ni Kaiku naiz diote irudiek, lehen bezala.

Kontuaz gehiago idatzi dute Amatiñok bere blogean (jendearen protestak okerrak iruditzen zaizkio), eta Haritz Rodriguez Xuriken-ek berean.