Itzuli orri nagusira Bidali hau

Lost, Leioako komunean plost

© cc-by-sa  Goio Arana ¦ 2010-02-02 ¦ 09:41 ¦ telebista

Gaur estreinatuko du AEBetako ABC telebista kateak Lost telesailaren azken denboraldiko lehenengo atala (Lost edo Galduak, Perdidos izenarekin bota dute Hegoaldeko telebistetan eta Lost, les disparus izenpean Iparraldean). Gurean ere sekulako eragina izan du gaur mundu osoan ia aldi berean estreinatuko den telesail iparamerikarrak.

Publizitatea

Aurrekoak bezala, Espainian, seigarren denboraldia Cuatro telebistak emango du otsailaren 9tik aurrera. Atal berriak orain artekoak baino atzerapen txikiagorekin hasiko dira botatzen ikusleen galera saihesteko asmoarekin, izan ere, zale askok Lost-en aurreko denboraldiak AEBetan estreinatu orduko deskargatu izan du bertsio originalean eta gaztelerazko azpitituluekin, horretara, Espainiako telebistan atal berriak botatzen hasi orduko zale amorratuek jada ikusita zuten denboraldi osoa.

Telesailaren izena dator protagonistak hegazkin istripua izan eta gero ezustez betetako irla exotiko batean galdutako daudelako. Mundu osoan arrakasta itzela izan du bizi-iraute nahiak, azpijokoak, fenomeno paranormalak, amodio kontuak eta abenturak nahasten dituen fikziozko telesailak. Lost-ek, nola ez, oso eragin handia izan du Interneten ere, esandakoren erakuslea da Lospedia enziklopedia moduko makina bat webgune propio dituztela zaleek eskura sarean.

Gurean, ikusle asko pantaila aurrera bildu ez ezik Galduak-en gaia "Euskal Herriratzea" nahi izan duena ere egon da, ikusi besterik ez dago Leioako EHUko komun bateko atean utzitako Dharma ekimenaren eta Benjamin Linusen aztarnak, artikulu hau gorago ilustratzeko jarriak.

Erantzunak

#1. Re: Lost, Leioako komunean plost

mai ¦ 2010-02-02 ¦ 11:38

Seigarren denboraldiko lehen kapituluko minutu batzuk filtratu dira youtuben. Orain, Cuatrok jakinarazi du, kapitulu guztiak sarean jarriko dituela doan jaisteko, emititu eta hurrengo egunerako.

#2. Re: Lost, Leioako komunean plost

Superandoni ¦ 2010-02-02 ¦ 13:11

LOLst

Ordu gutxi batzuk besterik ez da falta!

#3. Re: Lost, Leioako komunean plost

Goio Arana ¦ 2010-02-02 ¦ 14:41

Telefonoekin grabatutako azken denboraldiko lehenengo atal osoa omen dago sarean baina, artikulu honen arabera zaleek kalitate eskasean ikusi barik, estreinaldi ofizialera itxoitea erabaki omen dute. Egia ote da hori ala estreinaldiari eusteko marketin estrategia ?

Hemen daude, nahi izanez gero, atal berriaren hasierako sei minutuak. Nik ez ditut ikusi.

#4. Lost, azken denboraldiko lehen bi atalak euskaratuta

Sustatu ¦ 2010-02-08 ¦ 11:25

Azpitituluak Euskaraz webgunean, seigarren denboraldi honetako lehen bi kapituluen euskarazko azpidatziak jarri dituzte.

#5. Lost-en atalak deskargatzeko pazientzia behar da gero!

Goio Arana ¦ 2010-03-13 ¦ 21:28

Lost-en atalak deskargatzeko pazientzia handia behar da gero! Azken atala jeisten begira zenbat denbora eman dudan:
Argazkiak.org | Lost deskargatzeko pazientzia behar da © cc-by-sa: goioarana

Erantzun (klik zabaltzeko)

Publizitatea

 Nabigatu euskaraz