Fake edo feik ote? Dudan jartzen zaituzten sareko sorkuntza horiek
Fake bat, Interneteko folklorean, faltsua ala berdaderoa ote den zalantzan jartzen zaituen zerbait da. Euskal Herriko eta Espainiako adibide banarekin ilustratzen saiatuko gara.
Faltsua edo faltsifikazioa da ingelesez fake, ingeles arruntean. Baina esan liteke Interneten adiera zehatzagoa hartu duela: oso ondo disimulatutako bideo eta irudi faltsutuak adierazteko balio duela. Eta adiera horrekin, itzulpenik gabe entzun izan dugu euskaraz zein gaztelaniaz, feik ahoskatuta.
Fake bat, beraz, faltsua ala berdaderoa ote den zalantzan jartzen zaituen zerbait da. Agian zalantza argitzen da, eta fake segurutzat jotzen duzu hausnarketa apur baten ondoren, baina, hasierako puntu intrigante hori sortzean du grazia feik-ak.
Josu Lezameta Jozulin-en atzoko Egurkaria sorkuntza bikaina agiri-agirikoa da faltsua dela. Baina bere blogean duela gutxi agertutako beste hau, Patxi Lopezek Ruper Ordorika miretsiz El Pais-en idatzitako artikulua... Euskal artistarik aipatu izan du Patxi Lopezek lehenago, Kirmen Uribe adibidez. Hortaz, Ruperren ezagutza ere ez litzaioke horren arrotza izan behar.
Tamaina handian irakurtzeko, egin klik hemen.
Beste hau ere e-postaz hau ere iritsi zitzaigun Sustatura. Zapateroren alabak berriro sarean.
Gay harrotasunaren egunaren inguruko Madrilgo desfile-jaian egindakoa omen. Jose Luis Rodriguez Zapatero gobernuburuaren bi alabak ezkerretara dauden biak dira. Benetakoa dela esan daiteke. Baina feik bada? Konparazionerako, hona Zapateroren alaben argazki gehiago.
Erantzunak
Zabaldu.com-en beste txantxa pare bat zabaldu ziren atzo, inuxente egunean:
Lasarte-Oriako EAJak Patxi Lópezi "Principe de Astturias" Fundazioak saria emango diola.
Eta Patxitraperok 2010eko egutegi bat prestatu duela egutegiko argazkietan biluzik agertzen delarik.
Gorka Bereziartuaren Boligorria blogean ikusita, jakin dugu Patxi Lopez - Ruper Ordorika konexioaren beste adibide bat, atzoko inozentada baten harira.
Zera izan zen atzoko txantxa, Patxi Lopez atxilotu zutela terrorismoaren apologiatik.
Zergatik atxilotu lehendakaria? Terrorista baten hitzak, kantu bat, goraipatzeagatik. Eta froga, agerikoa, Lopezen blogeko 2008ko sarrera bat, non Ruper Ordorika miresten duela dioen, eta bideo bat jarri ere bai, Zaindu maite duzun hori, hitzak Joseba Sarrionandia iheslariarenak direla gehituta. Izatez, hitz horiek ez dira Sarrionandiarenak, baina hala ere, idazle hau ere aipatu izan du lehendakariak inoiz, Legebiltzarreko inbestidura saioan zehazki.
Irakurle batek ohartarazi zidan erantzunetan Patxi Lópezek bere blogean aipatua zuela abestia.
/cache/Udako-Ola-2024_1_small_content.jpeg)
Egia esan Patxi Lopezena fake bat den edo ez esatea zail egiten zait. Erraza dena da jakitea behintzat originalik etzuela entzun edo behintzat letra ez zuela diskaren liburuxkan idatzita irakurri edota interneten bilatuta irakurri. Nik behintzat ere ez dut originalik baina interneten begiratuta Ruperrek dioena ez da "Zaindu, Maite, duzun hori" baizik eta "Zaindu maite duzun hori". Edozein euskaldunentzat esanahi oso desberdina duena, ez da berdina duzuna zaintzea edo maite duzuna (nahiz eta zurea ez izan) zaintzea. Patxik argi utzi du bere euskararen ezagutza nahiko fake lotsagarria dela euskaldunontzat.
Beste baterako utziko ditugu testuan agertzen diren beste perla batzuk: "Tóma frase lapidaria, cada vez escribo mejor". Hori pentsatzea ondo edo gaizki egon liteke baina idatziz jartzea lehendakari batek egunkari batean denek irakur dezaten...