Interneteko albistegia

Emakumeentzat soilik diren taxiak Bartzelonan, bilbotar baten ekimenez

© cc-by-sa Sustatu ¦ 2009-12-28 ¦ 11:28 ¦ garraiobideak

"Linea arrosa" taxi-zerbitzua eskeiniko dute aurki Bartzelonan, bertan lan egiten duen taxi-gidari bilbotar baten ekimenez. Taxiak ez dira arrosak izango, beste hiri batzuetan bezala, baina "bereizgarriren bat" eramango dute.

Publizitatea

Emakumeentzat esklusiboki diren taxiak jartzea ez da ideia guztiz berria: Mexikon "emakumeek seguruago ibiltzeko" propio eurendako eta emakumeak gidatutako taxi sarea inauguratu dute duela gutxi:

Argazkiak.org | Taxiak emakumeentzat Mexikon © cc-by-sa: goioarana

Bartzelonakoek "bereizgarriren bat" izango dute, baina ez dakigu zertan datzan bereizgarria. Mexikokoak bezain ekipatuta baldin badaude, "edertasun kit" eta guzti izango dute.

Erantzunak

#1. Txarto dabil mundua!

leire narbaiza ¦ 2009-12-28 ¦ 11:47

Txarto dabil Bartzelona, emakume batek taxi bat ezin badu trankil hartu. Horrelako berriek txundituta lagatzen naute. Hau ez da berdintasunerako bidea, ezta gutxiagorik ere! Ghettoak sortzea da, harem-aren filosofia: emakumeak emakumeekin ondo gordeta egon daitezen, gizonezkoek eraso ez diezaieten! Haluzinantea!
Mexikoko taxiek gainera edertasun kit bat daukate, izan ere, emakumeok ezin dugu makillaje barik bizi. Gainera, arrosak dira!!!
XXI.mendean gaude, noizko normaltasuna? noizko emakumeenganako errespetua? Kokoteraino nago!

#2. Re: Emakumeentzat soilik diren taxiak Bartzelonan, bilbotar baten ekimenez

Josu Mendicute ¦ 2009-12-28 ¦ 15:53

+1, Leire. Ados. Ez da ona ez emakumeentzat, ez gizonentzat, ez inorentzat. Gainera linea rosa izena jarri diote. Puaj!

#3. taxi arrosa, "emakumeen gauzetaz" hitzegiteko

sapi ¦ 2009-12-28 ¦ 19:22

Harrigarriena, Radio Euskadin egin zioten elkarrizketa bat neska honi eta zera esan zuen, Bartzelonan berak dakidala ez dela inolako arazorik egon taxista-gizonekin, eta "seguruago sentitu" sentimenduarekin batera (guztiz arrazoi konkreturik gabea, gizon-taxistek Bartzelonan ez baitiote eraso egiten bezero emakumeei, baina guztiz ulertzekoa, ez baita txantxetakoa emakumeek jasan behar dutena) taxi arrosa hartzeko aipatzen zuen arrazoi nagusia zera zen: horrela emakumeek "beraien gauzetaz" hitz egin zezaketela.
Pentsatzeko (eta nire neskarekin eztabaidan hasteko) asko eman zidan....

#4. Emakumeen gauzak?

leire narbaiza ¦ 2009-12-28 ¦ 21:36

Harrigarria benetan, Sapi. Bartzelonako taxista gizonezkoa banintz, minduta sentituko nintzateke. Euren profesionaltasuna jartzen dute zalantzan, baita gizatasuna ere.
nik nire gauzez berba egiteko ez dut taxista batengana jotzen, lagun batekin egotea nahikoa dut. Gainera, zer konta lekioke ezezagun bati? Hain garrantzitsua da hori?
Betikoan jausten gabiltzala uste dut; segurtasunaren aitzakian, emakumeon mesede delakoan beste produktu bat saldu nahia. Beeriro ere produktu bihurtuta!!