Playa Gris: izenak, ezizenak eta ezin izanak toponimian

#1. Azalpen gehiago

Xabier Azkue ¦ 2009-11-26 ¦ 14:16

Getariako mapa toponimikoaren arabera "Aizpurupe" da toki horren izena. Zumaiako arrantzaleek "Planeixa" esaten diote ahoz, eta Zumaiako mapa toponimikoan "Planeria" jaso genuen.

Argazkiak eta xehetasun gehiago blog honetan

#2. Re: Playa Gris: izenak, ezizenak eta ezin izanak toponimian

ni ¦ 2009-11-26 ¦ 17:11

Surflari batek olatu bat hartzen duenean izena jartzen dio, eskalatzaile batek bide bat egiten duenean bezalaxe. Playa Gris ez da lekuaren izena, olatuari ematen zaiona baizik. Ez dakit zergatik harrotzen duen hainbeste hauts gai honek.

#3. Re: Playa Gris: izenak, ezizenak eta ezin izanak toponimian

ateki ¦ 2009-11-27 ¦ 07:31

Komunikabideetan izena erabiltzen denean, gehienetan lekuari egiten diote erreferentzia, eta ez olatuari: "Olas XXL en Playa Gris", "Olas espectaculares en la costa, entre Getaria y Zumaia"... Orduan, bidezkoa izan beharko luke berezko leku-izena kontuan hartzea hori izendatzeko, ezta?
Beste "olatuek" lekuaren izena hartu baldin badute (Mundakak, adibidez), zergatik honek ez? Are gehiago jakinda olatu hau lehen aldiz hartu zuenak zergatik jarri zion izena, eta aitortu duenean orduan ez zekiela zein zen izena.

#4. Re: Playa Gris: izenak, ezizenak eta ezin izanak toponimian

Slater ¦ 2009-11-27 ¦ 08:11

Begi bistakoa ere azaldu behar dela ematen du: "Playa gris" delako hori ez da olatu izena, hondartza izena baizik ("playa"). Ika mika hau ez da berria, dena den. Australian eta leku askotan jasan behar izan dute bertakok kanpoko pijo ilehoriak etortzea eta ezjakintasunez eta harropuzkeriaz euren leku izenak aldatzen hastea, eurek "deskubritu" izan balituzte.

Horregatik, esaterako, sentsibilitate apur bat duen batek ez du "Ayers Rock" esango, baizik eta Uluru. Mendizaleen artean gauza bera, Espainian ere: "Naranjo de Bulnes"-ek ez du frutarik ematen, Picu Arrielu mendi bat delako.

"Fuenterrabia"-n ez dago iturri amorraturik, bai, ordea, hondarrezko ibia, Hondarribia.


Lagun, ez da horren zaila ulertzen, El Diario Vasco irakurtzen baduzu ere.

#5. Re: Playa Gris: izenak, ezizenak eta ezin izanak toponimian

gorka ¦ 2009-11-27 ¦ 10:14

Surflariek eskubide osoa omen dute olatuei nahi duten izena jartzeko, eskalatzaileek bide berriei bezalaxe. Hala aitortuko badiegu, izena aukeratzerakoan arduraz jokatzeko eskatu beharko genieke, gutxienez. Playa Grisena adibide esanguratsua da: atzo arte Aizpurupe edo Planeria zena, gaur Playa Gris da. Berdin zait izen hori olatuari jarri ote zaion, surflarien arteko kontu bat ote den... Ondorioa begi bistakoa da. Leku horri izena aldatu diogu, betirako. Beraz, surflariei ere dei egin beharko zaie arduraz joka dezaten izen bat aukeratzerakoan, informa daitezela aldez aurretik inguruko toponimoetaz, eta, txiripaz, bataiatu gabeko leku batekin egin badute topo, pixkat gehiego saia daitezela izen berria asmatzen. Playa Gris jartzea ere horrelako olatu eder bati... Moby Dick, gutxienez...

#6. Re: Playa Gris: izenak, ezizenak eta ezin izanak toponimian

Karloto ¦ 2009-11-27 ¦ 16:43

Arrazoi du surflari erdaldun (ez dakit nongoa den) horrek. Erdaldunak etxea egin eta bere izenarekin bataiatzen du: "Villa Lolita". Euskaldunak, orain arte, tokiaren izena hartu du etxea egitean ere: "Etxebarri Txiki", "Aixtondo", "Oianguren Barrena". Hortik aurrera bertako nagusia ere Etxebarri, Oianguren edo Aixtondo izango da, lurrak eman diolako izena berari, eta ez alderantziz.

Baina gurean, betidanik, kasakristotik etorri direnek ezarri diete izena gureei: Fuenterrabía, Villafranca, San Juan de Luz, Alegría, Vistalegre, Estella, La Rhune, La Runa, La Rubia y La Morena...

Orduan, Ni, konparazio soilez, eskalatzaileak, surflariak eta Eliza, bere burua jaun eta jabe ikusirik, euskalduntasuna ezaba dezakete, ezta?

Agian beste batek esango du "Amildutako ausartegiaren labarra", "Itsasoak irentsitako txoropitoen atsedenlekua" edo "Korrupzioak ezabatutako tenplu zibileko liburutegi handia" nahiago dituela, aukeran.