Interneteko albistegia

15.000 lagun Tuenti euskaratzearen alde

© cc-by-sa Sustatu ¦ 2009-11-10 ¦ 10:18 ¦ sare-sozialak

Tuentiko ebento batean 15.000 pertsona batu dira sare sozial hau euskaraz, katalanieraz eta gailegoz jar dezaten aldarrikatzeko. Horrelako ebentoak erabiltzen dira Tuentin aldarrikapenak egiteko: duela zenbait hilabete, adibidez, erabilera baldintzak aldatzeko presioa egiteko erabili zituzten ebentoak erabiltzaileek, eta lortu zuten.

Argazkiak.org | Tuenti euskaraz © cc-by-sa: sustatu

Publizitatea

Pasa den urteko abenduan Tuenti euskaratzea aztertzen ari zirela aitortu zuen Zaryn Dentzel Tuentiren sortzaileak:

Tiene un coste tecnológico, pero estamos mirando si podemos hacerlo.

Pasa den urteko abenduan esan zuen hori, El Diario Vasco egunkarian egin zioten elkarrizketa batean.

Erantzunak

#1. Re: 15.000 lagun Tuenti euskaratzearen alde

Facebook ¦ 2009-11-10 ¦ 17:01

Facebook euskaraz erabili daiteke, aspalditik! Erabiltzaileok itzulita...

#2. Re: 15.000 lagun Tuenti euskaratzearen alde

Aitor ¦ 2009-11-10 ¦ 18:43

Aurrekoari:

Beraz erabiltzaileok doanik lan egiten duzue mutinazional batentzat?

Harrigarria

#3. Re: 15.000 lagun Tuenti euskaratzearen alde

Josu Mendicute ¦ 2009-11-11 ¦ 10:06

Ez, Aitor, ez dugu doan lan egin. Facebook garaiz euskaraz izatea izan da jaso dugun ordaina, hori da onartu dugun prezioa. Gure lanaz aberastuko dira, bai; baina internauta euskaldunok lortu dugu sare sozial potenteena euskaraz goiz izatea. Eta benetan pozten nau Interneten euskararen alde lan egiteko prest dagoen komunitate bat dagoela ikusteak.

#4. Re: 15.000 lagun Tuenti euskaratzearen alde

Facebook ¦ 2009-11-11 ¦ 16:31

Erabat ados Josu Mendicuterekin.

Honako artikulu interesgarria gomendatzen diot Aitorri.

(Oker ez banago, Sustaturen bidez izan nuen artikuluaren berri). ;-)

#5. Re: 15.000 lagun Tuenti euskaratzearen alde

Sustatu ¦ 2009-11-11 ¦ 16:48

Bai, Sustatuk egin zuen erreferentzia hori urriaren 13an.

#6. Re: 15.000 lagun Tuenti euskaratzearen alde

Aitor ¦ 2009-11-11 ¦ 17:24

Neuk ere aritukolak jartzen badakit, hona hemen bat oso oso gomendagarria, facebook-en eskuetan zaretenontzat:

http://www.gara.net/paperezkoa/20090831/154255/eu/Facebook-en-zaude

#7. Re: 15.000 lagun Tuenti euskaratzearen alde

Facebook ¦ 2009-11-12 ¦ 16:28

Eskerrik asko, Aitor.

Batetik, irakurria nuen bidali duzun estekako artikulua. Bestetik, ez dut uste inork ipini duenik zalantzan estekak ipintzen badakizula.

Azkenik, gauza orok bezala, Facebookek baditu alderdi onak eta alderdi txarrak.Alderdi onen artean, nik bederen honakoa azpimarratzen dut: euskaldunok euskaraz aritu gaitezkeela.

Agur bat, izenkide.

Aitor

#8. Re: 15.000 lagun Tuenti euskaratzearen alde

Aitor ¦ 2009-11-12 ¦ 17:06

Izenkide agurgarri,

Euskaraz aritzeko Facebook.com behar al duzu? Ez duzu kalea nahiago? Hala ere, ziberespazioan beste leku asko eta asko esistitzen dira euskaraz aritzeko.

Nik esan nahi nuena zera zen, oso larria iruditzen zaidala kriston multinazional batetzat lan egitea eta nola eta dohanik, publizitatea egitea bere alde eta gainera justifikatzea, niretzat harrigarria da. Euskararatuko zenituzke dohanik cocacolaren iragazkiak (euskara bultzateko nahiarekin)?

Eta harrigarriagoa iruditzen zait batzuk "kontrol sozialaz" hitz egiten ikustea Facebook.com erabiltzen dute bitartean. Neuk behintzat ez dizkiot multinazional bati nire datuak oparitu nahi berak saltzen ahal izateko (Nondik ateratzen du Facebook.com-ek dirua?), gainera beraeintzat lan egiten dut eta gainera dohanik, eta gainera justifikatzen dut. Gero nire auzoan kamara bat jarri dute eta kexu agertzen naiz. (Ez dizut zuri zuzenki esaten, baina holakoak esistitzen dira).

Esnaolak esandakoarekin geratzen naiz: "Zu Facebook-en al zaude? Eta irakurri al dituzu pribatutasun politikak Facebook.com-en?"

Barkatu txaparengatik, nire iritzia baino ez da, noski, beti bezala, bakoitzak nahi duena egin dezala.

Izenkide 1

#9. Re: 15.000 lagun Tuenti euskaratzearen alde

Facebook ¦ 2009-11-12 ¦ 21:25

Barkatuta zaude zure txaparengatik. Zuk ere barkatu beharko nauzu neurearengatik:

Ez dut uste erabaki behar dugunik, euskaraz egiteko, Facebook ala kalea nahiago dugun. Facebook darabilgu, eta euskaldunak garenez euskaraz erabili nahi dugu.

Jakina, euskaraz aritzeko ez da Facebook behar. Ez eta langile euskaldunik administrazioko lehiatiletan... Etxean eta kalean darabilgun bitartean euskara ez da galduko... Nik neuk etxean, kalean, administrazioan, Facebooken, ... euskaraz jardun nahi dut.

Nahiz ez guztiz, bat nator multinazionalei leporatzen dizkiezun kontuetan. Hala ere, lehenagoko postean idatzitakoaren haritik, badiotsut gauzak ez direla zuri ala beltz. Alderdi txarrei ez ezik alderdi onei ere erreparatu beharko. Munduaren kontsolagarri.

Eta, egia esan, bideozaintzako kamerei onura gehiago ikusten dizkiet, kalteak baino. Kamerekin erabilera txarra egin liteke, eta egin egiten da, jakina...

Erantzun (klik zabaltzeko)