Aldiri, euskarazko lehen arkitektura aldizkaria aurkeztu du UEUk
Udako Euskal unibertsitateak (UEU) Aldiri. arkitektura eta abar aldizkaria aurkeztu du, kultura eta jakintza arkitektonikoa euskaraz hedatzeko.
Arkitektura euskalduna sustatzeko sortu da ALDIRI. ARKITEKTURA ETA ABAR. Aldi berean, iritzi eta kritiken banaketaren foroa bihurtzeko asmoa duen ekimena ere bada. Jorratuko diren gaiak, besteak beste, arkitektura, hirigintza, ekologia, energia berriztagarriak, diseinua, artea eta soziologia izango dira, beti ere euskal gaiei lehentasuna emanez.
Ezagutzera ahalik eta gehien zabaltzeko asmotan, ekoiztuko diren artikuluak eta idazkiak blog batean jarriko dituzte.
Aldizkaria hiruhilabetekaria izango da eta urteko harpidetzak 18 euro balio du. Dagoeneko 0 alea kalean da, Hasiberriak. Arkitekto gazteon komeriak izenburupean.
/cache/Udako-Ola-2024_1_small_content.jpeg)
Aldiriri esker argitaratzen diren eduki guztiak gainera lizentzia libre batekin argitaratzen dira, edukiak errazago zabaldu daitezen eta nahi izanez gero beste artikulu berriak sortzeko erabili daitezen. Bikain!
Aldizkari honen atzean, besteak beste, Ibai Gandiaga arkitekto getxoztarra dago. GAUR8 astekarian artikulu hau argitaratu berri du Aldiri aurkeztuz.