Dena ez da wonderful

#1. Orain estreinatzen ari dira

Mikel Iturria ¦ 2009-10-06 ¦ 19:46

Gaizki jarri dut datu bat: ez zen atzo estreinatu, une honetan bertan ari dira lehen emanaldia proiektatzen. Urriaren 6an, beraz.

#2. Re: Dena ez da wonderful

Martin ¦ 2009-10-07 ¦ 16:56

Euzkitzeren testuak paternalismo lehenmundutar kolonialistaren kiratsa du:

"Askotan idatzi izan dut hirugarren munduko herritarrei gurean lekua egitearen aldeko naizela. Atzoko gertaerak, eta egunero jazotzen diren beste askok, gero eta ataka estuagoan jartzen du arrazoibide hori. Arazo handi bat dugu esku artean, izua eragiten duen arazoa".

Barka, Xabier, baina etorkinak gurera etortzea ez da zure apetaren araberako kontua. Gure bizimoduan den bezalakoa delako dago hirugarren mundua dagoen bezala. Eta, zuri gustatu ala ez, batzuk zintzo-zintzo etorriko diren bezala, beste batzuk haserre etorriko dira. Gu, gure enpresak, gure enpresarioak, ez dira Hirugarren Mundura bake-bakean joaten, lan baldintza miserableak eta esplotazioa eskaintzera baizik, eta lapurreta egitera. Beraz, ez etorri orain ongiaren eta gaizkiaren gainetik dagoen demiurgoarena egiten. Oso kuriosoa da zure bi mailako diskurtsoa: tolerante-demokratikoa azalean ("lekua egitearen aldeko naiz"); baina arrazista sakonean, horrelako gertaerak ez baitira etorkinen kontua bakarrik. Lau gazte zurik beste gazte zuri bat egurtzen dutenean (eta gertatzen da hori ere), ez zenuke idatziko integrazio arazo bat dagoela eta gazte zuriek "beren lekua" edukitzearen aldeko arrazoibidea ataka estuan dagoela. Ez luke zentzurik, izan ere, gazte zuriak integratuta daude eta izan daitezke biolentoak. Azala iluntzen denean berriz, ekintzak aztertu ordez ekintzaileen koloreari erreparatzen diozu. Eta "izua eragiten duen arazoa" dela esan. Zurea bezalako diskurtsoek ematen didate niri izua: eskuin muturra gurean zein natural sartuko den aurreikusi baitezaket zure hitzetan. Bejondeikela, Xabier.

#3. Arazoak

Mikel Iturria ¦ 2009-10-07 ¦ 21:05

Martin: eskuineko diskurtsoak, diskurtso, nik erreparatu nahi nion beste gauza bati. Oreka mantendu behar dela gauzak planteratzerako orduan.

Hau da, etorkinek gauza on asko ekarriko dizkigute (50eko eta 60 hamarkadetan gurera etorri zirenak gauza onak ekarri zituzten bezala), baina arazoak ere badaude. Eta hori ere esan beharra dago.

#4. Arazoak arazo

Huan Vélë ¦ 2009-10-08 ¦ 12:32

Etorkina naiz eta Martinekin guztiz ados nago, gainera kezkatzekoa da, zinez, sasi jatorra den diskurtso hori, bitan banatzen dena: "bai,... baina...." Bai esaten da "politikoki zuzena" izateko, eta bainarekin, berriz, benetako aurpegia edo ideiak adierazten dira.

Eta Mikel, arazoak daudela bistan dago, ez dago ukatzerik. Hori bai, aztertu beharko zen ea etorkinen inguruan dauden arazo guztiak beraiek sortuak direnetz. Eta beste arazo bat da denak saku berean sartzen ditugunean, hau da, etorkina izateak ez du esan nahi delinkuentea zarenik, euskal herriko delinkuenteak ere badagoelako eta inork ez du esaten euskal herriko gizartea delinkuentea dela (beno Garzónek eta konpainiak bai, baina hori beste gai bat da).

Zuk esaten duzu gauza onak eta txarrak ekarri ditugula etorkinok, eta bat nator zurekin. Gertatzen dena da gauza txarrak, besterik ez dira albiste, hizpide, mintzagai. Eta hori txanponaren alde bat besterik ez da.

Ez dut hemen kontatuko zenbat pasadizo bizitu izan ditudan andaluziar euskalduna izanda, baina bai esanen dut gauza gozoak eta mikatzak ere entzun behar izan ditudala. Adibide bat jartzearren: "Inmigrazioa eta euskara" lelopean zenbat hitzaldi, kongresu, mahai inguru etabar egin dira eta guztietan euskararekiko etorkinek duten jarrera axolagabea aipatzen da. Eta nire galdera, etorkin euskaldun bezala, noiz eginen dira hitzaldiak eta halakoak Nafarroako biztanleriaren %75ren inguruan, hau da, hemengoak direnak eta euskara ikasi NAHI ez dutenak????

Euskararekin gertatzen den guztia bortizkeriarekin, matxismoarekin, drogarekin eta gauza ilun guztiekin gertatzen delakoan nago eta horregatik ezin da inmigrazioarekin "BAKARRIK" lotu.

Euzkitzeri zer esan: bidean eongo gatxik!!!

#5. Baietz

Mikel Iturria ¦ 2009-10-08 ¦ 13:23

Eskerrik asko komentarioagatik, Huan.

Baietz, arrazoi duzuela planteatzen dituzuen kontuetan. Eta zu bezalakoek kristoren meritua duzue. Benetan diot.

Eta nazkatuta nago gizarte honetan dauden arazo guztiak kanpokoei botatzen dietenekin. Orain etorkinak dira arazo. Eta hori ez da.

Nik adierazi nahi nuena orokorkerien kontra nagoela. Ze onak garen euskaldunak! Porloskojones! Nik euskaldun kabroi anitz ezagutzen ditut.

#6. Erabat ados!!!

Huan Vélë ¦ 2009-10-08 ¦ 13:57

Erabat ados Mikel.

Hemen kabroiak baldin badago, pentsa Andaluzian zenbat daude, 8 milioi pasatxo pertsona garelarik.

Bai, eta gainera batzuetan beste joera bat agertzen da zeharo paternalista dena, etorkin guztiak onak garela adierazten duena, eta hori ere gezur borobila da, eta ez digu batere laguntzen.

Zuk diozun bezala orokorkeria da baztertu behar den gauza bakarra. Beno nik esaten dut.

Izan ongi eta ona eta ez kabroi!!

#7. Arraza berekoak ziren: lotura zuzena

Mikel Iturria ¦ 2009-10-11 ¦ 09:56

Noticias de Gipuzkoak, Noticias taldeko gainerako egunkariek bezala, aldatu egin du webgunea eta Euzkitzeren artikulurako lotura gaizki dago.Hona hemen zuzena: Arraza berekoak ziren