Bertsolari txapelketako babesleei babesa

#1. Re: Bertsolari txapelketako babesleei babesa

Unai ¦ 2009-10-01 ¦ 10:01

Silveirak GARAn idatzi zuen, eta oso oker ez banago GARAk Kutxaren, BBKren eta Euskaltelen publizitatea dauka.

Beraz hurrengo txistua GARAri botako dio Silveirak, ezta?

#2. Txapelketa eta jeltzaleen desioak

ptx ¦ 2009-10-01 ¦ 10:53

Ba nik ezberdin ikusi nuen kontua. Txapelketa nagusia Euskaltzaindiaren egoitza nagusian aurkeztu zutenean, gehiago ematen zuen Alderdi egunaren aurkezpen ofiziala, bertsolari txapelketa batena baino. Kontuak egiten hasi eta zaizkit ateratzen, aizu! EAJ-PNVren EBBko kargudun gehiago zeuden Bertsozale elkarteko kideak baino. Bertsolaririk bez... Euskaltel, Kutxa, Diputazioak.. nahi duzunena. Argazki honetan jelkideak dira nagusi. Beste kezka bat ere sortzen zait niri: Eusko Jaurlaritzako Kultura sailak ez du babesten txapelketa? Zergatik ez dago Blanca Urgell edo Ramon Etxezarreta aurkezpen argazki horretan? PNV-k boterea galdu duenetik, argazki gosea du, EITBren kudeaketa eskuetatik joan zaionetik itxura euskaltzaleagoaren beharra duela otutzen zait niri. Eta kontestu horretan dakusat gehiago Xabier Silveiraren gogoeta.

Unairi esan azkenik, gura badu egiteko GARAren publizitate neurketa. Zoritxarrez, PNVk lehen eta PSOEk orain gobernatzen dituzten sail, instituzio eta abarrek ez dute txakurtxikirik jartzen publizitate bezala.

#3. Re: Bertsolari txapelketako babesleei babesa

Pablo ¦ 2009-10-01 ¦ 10:54

Bertsozale elkarteko kidea naiz ni. Eta noski, elkarte honek beste edozein elkartek bezela egin ditzake hutsegiteak. Baina klaro... "egiten duenari pasatzen zaio" hori.

Zorionez, Bertsozale elkarteak azken urteotan "egin" asko egin du. Eta ni behintzat, asko poztu naiz antolatu, prestatu, sustatu... dituen saio eta egitasmoekin.

Silveira idazten du bere talaiatik "Uste dut ez dugula asmatu, ez dugula asmatzen". "Dugu"...
Hanka sartzeko arriskuarekin, baina jokatuko nuke kritika egin duenak ez dituela ordu asko pasa elkartean lanean...

zorte on txapelketan

#4. Re: Bertsolari txapelketako babesleei babesa

Amaia ¦ 2009-10-01 ¦ 13:09

Aurkezpen ekitaldian Eusko Jaurlaritzakuak faltan egotia ta PNVkuak ikuste hori...

Ba gonbidapenak mundu guztixai bielduko iakozen, baina gero holakuak izeten die kontuak: Eusko Jaurlaritzakuak agertu bez.

Euskaldunok gauza berezi asko egiten doguz: Korrikan igaroten dogu Euskal Herrixa bi urterik behin, pilo bat alkartzen gara egun oso bat bertsuak entzuten egoteko... baina beste berezitasun eskas bat daukogu: Beti gabiz bata bestiai harrixak botetan.

Kulturia ta politikia nahastiak tristura sortzen doste. Danek erabiltzen dabelako euskeria eta euskerian inguruko ekitaldixak politika eitxeko. Dirua daukenei dirua eskatu beharrean aurkitzen die gero euskalgintzako alkartiak. Euskaldunok batzen gaitxuzten kontuetan lanean dabizen horreik oraingoz ez dauke beste biderik.

#5. Re: Bertsolari txapelketako babesleei babesa

xalba ¦ 2009-10-01 ¦ 15:11

Silveirak zer uste du, erretzen dituen kanutoen kearekin ordaintzen dela Txapelketa Nagusia bezalako espektakuluak sortzen dituen gastuak?
Kritiko izatea ongi dago eta beharrezkoa da baina oraingo hau guztiz tokiz kanpokoa dela iruditzen zait.
Esandakoak esanda, Zarauntzen oholtzara irtetzeko po...rik izango al du?

#6. Re: Bertsolari txapelketako babesleei babesa

unai ¦ 2009-10-01 ¦ 19:02

Hau da hau! Berriz ere Diarioren doinura dantzan denok. Felix Ibargutxik idatzi du Muruak Silveirari erantzun ziola eta denok hari horri tiraka, Jangoiko potoloa!, ez dugu espabilatzen!

Baga) Iñaki Muruak ez zuen izenik eman.
Biga) Silveirari erreferentzia inplizitua dela ezin ukatu eta hala ere…
Higa) Inork ez al du Muruak esandakoa bi aldiz irakurtzeko lanik hartu? Zergatik ulertzen da "…inork ez diezagula biderik markatu…" Silveirari erantzunez eta ez, adibidez, babesleei edo erakundeei "ere" eginiko aipamen moduan?

Diariok 1- Besteok 0 (berriz ere).

#7. Re: Bertsolari txapelketako babesleei babesa

Gaztelu ¦ 2009-10-05 ¦ 11:49

Gureak ez du galbiderik!!! Ez al dugu sekula, elkartzen gaituena kontutan hartuko eta ez banatzen gaituena? Bertsolaritzak elkartzen gaitu, zer esanik ez Txapelketak, eta eutsi diezaigun horri, eta ongi etorriak izan bitez, hori aurrera eramateko batzuek (zihur nahi luketenak baina gutxiagok) egiten duten lan askoren ostean, lortzen diren bide guztiak.

#8. Re: Bertsolari txapelketako babesleei babesa

joseba ¦ 2009-10-22 ¦ 23:47

gako bat dago hor, babesleen bila Elkartea bera joan dela eta ez alderantziz.

baina bestalde, horrek ez du esan nahi Elkartearen nondik norakoak seko baldintzatuko dituztenik babesleok. Elkarteak bere autonomiari eusten badio eta babesleek dirua eman nahi badute, autonomia hori errespetatuz, ongietorria bedi babesa; maila horretako elkarlana.

ariztondo anderea beste mila gauzagatik kritikatu daiteke agian, baina argazkiko une horretan aldundiaren ordezkari gisa dago hor eta bizkaiko aldundiak babesten du txapelketa. eta hori eskertzekoa da. nahiz eta aldundi horrek berak supersur egiten jardun eta zenbaitentzat hori oso kritikagarri izan. proposatu ditzala silveira berak babesletarako onargarriak gertatzen zaizkionak, label gisa.

oxala nafarroako kutxak, sanz edo beste norbaiten bidez, babesa eta sosak agertuko balitu.

edota txapelketa Elkartearen egitasmo osoarentzat diru iturri ere badenez, horri uko egiteko prest legoke silveira diru hori gustoko ez dituen iturrietatik datorrelako? tamainako gorrotoa al die gutxiasko gure erakundeoi? eta erakundeon langileei ere bai? eta euren bezeroei ere bai? segapotorik ba al du silveirak? ohartzen al da erretzen duen tabako edo gasolioaren zergak estatu espainiarrari doazkiola?

ejem. hau da, eztul.