Itzuli orri nagusira Bidali hau

Zer du Brad Pittek nik ez dudanik?

xme ¦ 2009-09-18 ¦ 10:10 ¦ zinemaldia

Donostian jende guztia zoraturik dabil, eta gaitzaren uhinak abiada bizian zabalduz doaz, pandemia arriskutsuenaren moduan. Sekta bateko petzeroek bezala, bi silabako mantra bat errepikatzen dute guztiek uneoro: brad-pitt, brad-pitt, brad-pitt.


Creative Commons Aitortu Lan eratorritik gabe © cc-by-nd: Keith Baggett

Publizitatea

Haren biografia errepasatuz, Felix Linares izan gabe ere, berehala ikusi dut Pitt jauna eta biok urte berean jaioak garela: 1964an. Orduan, tentazioa izan nezake galdera inozo bat egiteko: zer du Brad Pittek nik ez dudanik? Hala ere, lan handirik gabe erantzunak pilatzen hasi zaizkit buruan, eta hobe izango dut, barregarri geratu nahi ez badut, gaia aldatzea.

Gaurtik aurrera, eta Donostiako Zinemaldiak irauten duen bitartean, filmen komentarioak aurkituko dituzu Sustatu-n. Troiako jainko-jainkosak gutxi agertuko dira bertan, baina bai hainbat iritzi zinemaz, historiaz, gizon-emakumeez, bizitzaz.

Ea pelikula onak ikusten ditugun. Laster arte, agur bero bat.

Erantzunak

#1. Re: Zer du Brad Pittek nik ez dudanik?

jmr ¦ 2009-09-18 ¦ 10:21

Pittekin egon ezkero, Angelinarekin aukera ere baduzu. xme-rekin egon ezkero? Baina tira, beste batzuek ez dute Angelinarekin egoteko interes handirik: zinemaldi 09

#2. Re: Zer du Brad Pittek nik ez dudanik?

Elena L.  ¦ 2009-09-18 ¦ 10:27

Lehen aldiz Donostiako Astorian ikusi genuen Brad, Thelma eta Louisen estrenaldian, pantailan noski. Kamiseta barik irteten den irudi horretan, txokolatina guztiak bistan. Geena Davisi lantxo on hori egin zionekoa.
Hori parekatzea baldin badaukazu, Bradek daukan guztia daukazu, xm- brad!:-)

Gustora jarraituko ditugu zure zine komentarioak.

#3. Re: Zer du Brad Pittek nik ez dudanik?

Jozulin ¦ 2009-09-18 ¦ 10:34

Ilea? ^_^

#4. Re: Zer du Brad Pittek nik ez dudanik?

xme ¦ 2009-09-18 ¦ 10:49

jmr: nire inguruko emeak ez dira jolie andereņoa baino makalagoak, barkatu harrokeria.

elena: txokolatinetan uste dut bastante eskasago nabilela (horra, hark bai eta nik ez dudan gauza); lantxoari buruz, berriz, igual bai, aizu.

#5. Re: Zer du Brad Pittek nik ez dudanik?

leire narbaiza ¦ 2009-09-18 ¦ 11:45

Xabier, asko gura dizut, baina....enfin! Konparazioneak gorrotagarriak dira!

Dena dela, Bradek ez ditu kontatuko zuk afarietan kontatzen dituzun anekdota barregarriak, seguru!

Zinemaldi on, wapo!

#6. Re: Zer du Brad Pittek nik ez dudanik?

jmr ¦ 2009-09-18 ¦ 12:02

xme, hori lehenago esaten da!

#7. Re: Zer du Brad Pittek nik ez dudanik?

leire narbaiza ¦ 2009-09-18 ¦ 13:34

Argazkian, gainera, dotore asko zaude, Matrallako irratiko kamiseta fashion horrekin!

Erantzun (klik zabaltzeko)

Publizitatea

Zinemaldia

Zinemaldia 2011. Xabier Mendiguren Elizegi idazle eta editoreak blogari akredituta bezala jardun izan du, Sustaturen izenean, Donostiako Zinemaldian azken urteotan. 2011ko edizioan ere bai.

 

 Nabigatu euskaraz