Itzuli orri nagusira Bidali hau Tweet

Manhattan Short Film Festivala EITBn

© cc-by-sa  EITB ¦ 2009-09-20 ¦ 10:24 ¦ zinema

Ekitaldia hilaren 25an, arratsaldeko 20:00etan izango da eta Félix Linaresek aurkeztuko du. 10 lan finalistak ikusiko dituzte ikus-entzuleek eta, ondoren, gustukoen duten film laburraren alde bozkatzeko aukera izango dute. Izan ere, 173 hiritako milaka lagun artean aukeratuko dute aurtengo irabazlea.

Mundu osoan egiten diren film labur onenen isla da Manhattango Film Laburren Jaialdia. New Yorken ezarrita, hainbat herrialdetako 500 film labur baino gehiago jasotzen ditu urtero. "Mundu bat, aste bat, jaialdi bat" lelopean, film laburrak, zein sortzaileak, bultzatzeko asmoa dauka, planetako ikus-entzule guztiei proiektu komun batean parte hartzeko aukera eskaintzeaz gainera.

2007tik, abentura zinematografiko honetan ibili da Bilbo; orain, Bartzelonan, Madrilen, Salamancan eta Vicar herrian ere izango da jaialdia lehenengo aldiz.

 Nabigatu euskaraz