Borsalinoa, edozein herri(ta)ko jai(x)etan

Nik aldarrikapen bat egin nahi dut. Buru pentsalariak, alegia, tamainokoak dauzkagunok borsalino handiagoak behar ditugu edozein herritako jaixetako merkatuan. Ez dut borsalino eleganterik topatu nire buruan erridikulu geratzen ez denik.

Zuzenketa bat. Borsalino [en] kapelak egiten dituen etxe bat da. Kapela mota horren izena berriz fedora [en] da, hortik dator linux distribuzioaren izena.

Eskerrik asko zuzenketarengaitik, gauzak diren moduan azaltzeagaitik.

Guk borsalino moduan ezagutzen genuen, hain zuzen moda erreportaietan-eta kapel hori izen horrekin ateratzen delako ia gehienetan, hain da famatua fabrikatzailea (honetan ere, sarritan gertatu ohi den lez), fabrikatzaileak eman dio izena produktu guztiari)

Kontutan izango dugu hurrengo baterako

bueno, "albel papera" ere ez dago txarto esana. ez dago txarto borsalino deitzea, nik uste, baina ondo dago benetako izena zein den jakitzea



baina udako moda horiena... duela bi urte izan zen megafonoena? ea datorren udako modazko produktua garaiz detektatzen dugun!

James Cagney, zinema eta gangster moda aipatu dituzularik, duela aste batzuk gogora etorri zitzaidan, Johnny Depp Public Enemies filmeko kartel eta trailerretan ikusita, pelikula horrek gehiago dirudiela Emidio Tucci traje eta osagarrien iragarkia, benetako gangster filma baino. Gero kritika onak izan dituela entzun dut... Agian jaitsi eta ikusiko dugu.

Senegaldarrek udan saldu dituzten borsalinoak (edo fedorak) Public Enemies filmean agertzen diren kapelak baino hegal piska bat motzagoak dauzkate.

Dena den, filme hori ikusten bauduzu,itxurari begira, ez diozu Johnny Deppi begiratuko, Maion Cotillardi baino. Hain guapa agertzen da 30 hamarkadako gangsterraren neska estetika horretan!

Sanfermiñetan ikusi nitxuan lehenengoz uda honetan holako kaperak; hantxe erosi neban neuk, beltza, marra zuriekin. Elegante askua! Baina 58 tallakoa ta, haundi samar geratzen jaten. Hala ta be, etekina atara jau udan: ohe-lagunak erabili dau hondartzarako.

Ganster itxurako sonbreroa eta jaietan saldu dena ez da berdin-berdina. Nik badaukat ganster itxurakoa, aspaldi erositakoa eta erabili izan dut neguan. Hegoa zabalagoa du nireak, jaietan saldu dituztenekin konparatuta. Ea argazkirik ateratzen diedan!



Jaietan saldu dituztenak pasa den urtean Frantzian kalean ikusten ziren, mutil gazte "enrollatuak" janzten zituzten, prakak ipurdi azpian zituztela. Aurten gutxiago ikusten dira, baina ikusi ditudan mutil guztiak bohemio itxurakoak dira. Hortaz, guretako sonbreroak beti dira barre egiteko, zoritxarrez...



Sonbreroen gainean badago zer idatzi. Igual hurrengo baten animauko naiz!

Gangster txapelaren eta modan dauden horien artean egon liteke desberdintasunik, bai. Fedora eta Borsalino izenekin bilaketak eginez gero, berriz, ematen du gangsterrena dela borsalinoa, eta azken modakoa berriz fedora.

Hona fedorak parrandazale parearen buruan:

Creative Commons Aitortu © cc-by: Cesar Bojorquez

Argazkiak.org | Jokin.en "Borsalinoa", SUSTATUrako © cc-by-sa: axiomaxio

Ezin ahaztu gure mementuko euskal gazterik "internasional"ena, nor den asmatu duzue? Senpertarra eta telebisiboa bera... sarri askotan darabil kapelu hori: Borsalinoa buruan ibili munduan. (Agur bero bat hemendik!).

Jokin Etxeberria Blurp eta Chiloekoaren borsalinoarena... ez ote da, gorago Leirek dioen bezala, itxura frantsesa emateko? Aurkezle honen izena Etcheverria grafia okerrean idazteko tema hartua du EITBk eta ez dakit zergatik.

Atal honetako beste kolaboratzaileetako batek, Amodio Jaunak, borsalinoa maite du. Bere irudi ttipian, holako batekin ageri da, hemendik aterata dago irudi hori:

Nire txapelaren erretratua jarri dut. Hau da gehiago ganster sonbreroa, modako borsalino hori baino:

Argazkiak.org | ganster txapela © cc-by-sa: txargain