Itzuli orri nagusira Bidali hau

Euskitze eta Tolosaren arteko pilota partida ETB1en

© cc-by-sa  Urtzi ¦ 2009-08-05 ¦ 17:52 ¦ kirola

Euskal Telebistako prentsa bulegotik atzo bidalitako akatsa hainbat egunkaritan azaldu da gaur argitaratua. Eta Tolosa-Euskitze partida erakargarria iragarri digute: 

 22:20  PILOTA: ANDRE MARI ZURIAREN FERIA.
 “OLAIZOLA I-OTXANDORENA/ GONZALEZ-ARRUTI”
 ”RETEGI BI / BEROIZ”
 “EUSKITZE/ TOLOSA”.

Eguneraketa, osteguna: Horra, Patxitraperok egindako argazkia:

Publizitatea

Hala bidali zuten, baina hirugarren partida horren ordez Arretxe II.a-Urrrutikoetxea da Gasteizen jokatuko dutena. Pentsatzen dugu Xabier Euzkitze eta Josean Tolosa komentarioak egiten ibiliko direla. Baina nork daki?

El Diario Vasco, Correo, Noticias de Gipuzkoa eta Gara egunkarietan ETB1eko programazioa begiratzen duenak Euskitze-Tolosa partida topatuko du.

Egunkari horiei itsuan sinesten dienak (ETBko prentsa bulegoari egunkariek sinesten dieten bezala) gogo biziz jarriko du gaur telebista bertsolari-kazetaria eta pilotari erretiratuaren arteko partida ikusteko.

Wazemank-ekoei behintzat jarri diete esketxerako gaia.

Erantzunak

#1. Re: Euskitze eta Tolosaren arteko pilota partida ETB1en

lau t'erditik ¦ 2009-08-05 ¦ 22:28

EITBko zuzendari nagusi barriak zein zuzendariak oraindik ez dakite zeintzuk diren euren aurkezleen programak.
Aldaketen garaian dabiltza.

#2. Baina nola??

Patxitrapero ¦ 2009-08-06 ¦ 00:21

Partidua jokatu egin da ordea!

 

#3. Re: Euskitze eta Tolosaren arteko pilota partida ETB1en

Josu Torre ¦ 2009-08-06 ¦ 09:56

Txiste modura hartzea zilegi litzateke udaro eta hedabide gehienetan utzitasunaren ondoren hainbeste aldiz gertatuko ez balitza. Errua ez da, dena den, iragarki hori bidali duen bekadunarena, EuSSSkitze bezala 20 urtetik gora etxe nagusi hortan dabilen norbaitena baizik. Kasu honetan gaitzerdi, protagonista biak ala biak iragartzen den partida hori gustora jokatuko luketelako

#4. Euzkitzeren deklarazioak partidaren ondoren

Patxitrapero ¦ 2009-08-06 ¦ 10:40

Xabier EuZkitzek (despistatu peto hau ere etsita zegoen EuSkitze zala, eneeee... ), emandako iritzia hemen partidaren ondoren. Euskadi irratiko Faktoriak lortu du esklusiba.

#5. Re: Euzkitzeren deklarazioak partidaren ondoren

Sustatu ¦ 2009-08-06 ¦ 11:08

Eskerrik asko albistearen jarraipena egiteagatik, Patxitrapero. Adierazpenok zuzenean entzuteko, egin klik:

#6. Re: Euskitze eta Tolosaren arteko pilota partida ETB1en

Karloto ¦ 2009-08-07 ¦ 09:10

Guk bagenekien Tolosarena ez zela egia, Joxan ordu horietan eta sieta garaian lo dagoelako beti-beti. Inoiz entzun al diozue iruzkinik pilota partidetan?

Erantzun (klik zabaltzeko)

Publizitatea

Tropeltxoa Tourrean!

Tourrarekin batera, Sustatuzaleon artean ere lehiaketa izan dugu, Sustatu tropeltxoan Iban Lizundia Durangokoak irabazi du, eta sari txiki bat du zain. Hortik badabil Iban, jar dadila gurekin kontaktuan, mila esker.

Tropela.net-en zerbitzu bikainari mila esker!