Itzuli orri nagusira Bidali hau Tweet

Jaurlaritzatik datuak askatzeko laguntza bila

© cc-by-sa  Gari Araolaza ¦ 2009-07-28 ¦ 09:54 ¦ herri-administrazioak

Alberto Ortiz de Zarate (Alorza) da Herritarrenganako arretarako zuzendari berria. Proiektu interesgarri batekin hasi da: datu publikoen berrerabilpena martxan jarri nahi du, eta laguntza eskatu du bere blogean:

Solicito ayuda para definir el proyecto de apertura de datos en Gobierno Vasco

GoogleDoc bat jarri dut Albertok denon eskura eta han idatzi daitezke gaiaren inguruan dauzkagun proposamenak.

Datuak? baina zein datu?

Kasualitatea izan da duela hilabete inguru AskatuDatuak ekimena martxan jarri genuela. Helburua, honelako erabakiak bultzatzea zen. Wiki moduan antolatu genuen eta hor zehazten genuen pixka bat zein datutaz ari ginen:

Orokorrean, erakunde publikoek denon diruarekin sortu eta biltzen dituzten datuez ari gara. Adibidez (baina beste asko izan daitezke) meteorologia, informazio geografikoa, toponimia datu soziologikoak, zentsua, informazio ekonomikoa, garraio publikoa, turismoa, hiztegiak eta abar.

Zertarako?

Ez dakigu ziur, baina gureak dira. ;-)

Datu batzuekin garbi dugu zer egin (Adibidez, Euskalmeteko aurreikuspenak zenbait webgunetan gustora aterako genituzke, ez?), baina zerbitzu onenak imajinatzen ere ez ditugu egiten oraintxe bertan.

Gaia interesatzen bazaizu eta gehiago jakin nahi baduzu:

• Solicito ayuda para definir el proyecto de apertura de datos en Gobierno Vasco
• Askatu datuak ekimena

 Nabigatu euskaraz