Itzuli orri nagusira Bidali hau Inprimatu

Google Wave-ko olatuak probatzen

© Baimenarekin, cc-by-nc-sa  Txus Sanchez ¦ 2009-07-22 ¦ 08:15 ¦ internet

Google Wave erabiltzeko eskatu nuen kontua aktibatu egin didate. Ikusi eta segituan hasi naiz jolasten. Hona hemen iritziak.


Argazkiak.org | Google Wave, erabiltzaile euskaldun bat © cc-by-sa: sustatu

Publizitatea

Nola izango litzateke e-posta gaur egun asmatu izango balitz?

Lehenengo eta behin, ez dakienarentzat, Google Wavek izan nahi du posta elektronikoaren hurrengo pausua. Google Wave (hemendik aurrera Wave) EZ da e-posta, EZ da txat bat, EZTA Facebook, Tuenti edo parekorik. Txat bezala erabiltzen ahal da, baita email bezala, baita sare sozial bat balitz bezala. Horretarako eta askoz gehiagorako balio du.

Interneteko erabiltzaile aurreratua bazara ere, hasieran nahastuta ikusiko duzu zure burua. Itxura polita duen arren, zer demontre egiten dut orain? zenbait alditan galdetuko diozu zure buruari.

Pantaila nagusiak 3 alde ditu: ezkerreko framea, non ikusten duzu zure hasierako datuak eta kontaktuak. Erdikoa, wave guztiak ikusten den framea, eta eskubikoa, no ikusiko duzu wave bakoitzan zer pasatzen den. Idatzi, etabar bertan ere egin ahal izango duzu. Klik egin beheko irudian, osorik ikusteko pantalla.


Argazkiak.org | Google Wave © cc-by-sa: sustatu

Lehenengo iritzia

Pare bat wave hasi ondoren, ikusi dut honen potentziala. Nahi duzuna egin dezakezu, bai online, eta bai offline moduan. Denetarik ikusi dut: mapa bat ekitekatu/aldatu bi pertsonen artean eta momentu berean, foro baten bezalako flameak (baina denbora erralean, askoz ikusgarriagoa dela), eta jendea txateatzen txorakeriei buruz.

Erabiltzaile bezala, oso pozik nago honek eman dezakeen potentziarekin, eta hainbat bot/gadget, etabar garatuko direlakoan nago.

Momentu hontan ere, wavetiketa definitzen saiatzen ari dira zenbait erabiltzaileek, zeren komunikatzeko era berria denez, modalak ere adostu behar izango dira, waveekin lan egiterakoan kaos bat gerta ez dadin. Hau da, besteak beste, ikusi ahal duzun gaiak.

Eta gauza berri bat bezala, orduak eta orduak eman ditzakezu pantaila aurrean waveak ikusten eta.

Olatu bezala itzuliko zenukete euskarara?

Beste kontu teknologiko batzuk

Wave frogatzeko wave sandbox delakoa erabiltzen da, eta bezeroa HTML5an egina. hau da, Internet Explorer erabili ezkero, kanpoan zaude: Chrome, Firefox, eta Safari onartzen baino ez du.

Bestalde, badago implementazio aske bat Djangon egina (plas plas plas) garatzaile batzuei esker. Iturria hemen.

Robotak, pluginak etabar, beste egunen batean...


Jatorrizkoa: cc-by-nc-sa: Baimenarekin, © Txus Sanchez

Erantzunak

#1. Re: Google Wave-ko olatuak probatzen

Euskalseo ¦ 2009-07-23 ¦ 10:51

Ea noiz aktibatzen didaten niri! erabiltzen hasteko irrikitan nago. Ikusitako demostrazio bideoak txundituta utzi ninduen.

Erantzun (klik zabaltzeko)

Facebook bidez erantzun