Interneteko albistegia

Poka-yoke bat behar zuen Madrilen hil den ume horrek

© cc-by-sa Gari Araolaza ¦ 2009-07-17 ¦ 06:27 ¦ osasuna

Industria sektorean lan egiten duen edonork ezagutzen du Poka-yoke kontzeptua . Hitz japoniarra da, eta Toyota fabrikan "asmatu" zen 70. hamarkadan.

Publizitatea

Erroreen aurkakoa

Poka-yoke hitzak, erroreen-aurkakoa esan nahi du. Ez da berez tresna konkretu bat, kontzeptu bat baizik. Kontzeptua Toyota fabrikan ezarri zen lehenengo aldiz formalki. Toyota fabriken ekarria handia izan da enpresa industrialen antolakuntzan. Gure industrian erabiltzen diren beste ehundaka prozedura, kontzeptu eta sistema handik etorritakoak dira.

Poka-yokeen adibideak:

Erabiltzaile batek mikrouhin labeko atea ireki eta uhinak kanpora atera daitezkeela? Orduan atea zabaltzean mikrouhina automatikoki itzaltzeko sistema jarri eta akabo arriskua. Horrela da labe guztiekin, ez da?
Sakeleko telefonoen SIM txartelek badute koxka bat ertz batean. Koxka horri esker erabiltzaile trakets batek ezin du SIM txartela alderantziz jarri.
Inglaterra eta Frantziako ospitaleetako kateter eta tresnak desberdinak omen dira beharren arabera . Ez dago janaria eta zainetarako sendagaiak nahasteko aukerarik, eta nik ere ez nuke oker egingo han.

Hegoaldeko ospitaleetan badago poka-yoke-rik?

Madrilen hil den haurraren kasuan badirudi ez zegoela poka-yoke-rik. Kolore baten arabera desberdintzen omen dira bi aukerak, baina hau ez zen nahikoa izan. Ez dakit Hego Euskal Herriko egoera berdina den (Iparraldean ba omen dute poka-yokea), pentsatzen dut baietz, baina ez litzateke asko kostako estandareak sistema hauetara moldatzea, berriz ere horrelakorik gerta ez dadin.

Erantzunak

#1. Toyotaren beste lan jokabidea

Bordaberria ¦ 2009-07-17 ¦ 08:47

Bost S, Poka-yoke eta beste hainbat kontzeptuaz gain, Japonian eta beraz Toyotak langile eta enpresaren artean fidelitate lotura dago, hau da behin enpresa baten lan eginez gero bertan finko zaude.
Zer gertatzen da Madrilen edo Osakidetzako "osasun enpresetan"? ba, seguraski erizain gixajo horren lehen aldia izango zela Pediatriako zerbitzuan, bakarrik geratu zen eta iñor ez zion laguntzarik eman, eta gaina aurreko egunean ebaketa gelan egongo zen, eta pasadako astean gaixo zaharrekin eta bestean...hori bai karrera bukatu bezain pronto lanetik lanera eta halan gaude...40-50 urtetako osasun langileria (erizain zein medikuak)lan postu fijo barik, kriston presioarekin eta erreta.
Inklan eta enparauek (osasun ardura duten politikoek) izan dira egoeraren erantzule, eta jokaera jarraituz gero halakoan gehiagotan gertatuko dira zoritxarrez.
Asko ikaski behar dute Japoniatik bai,..