Interneteko albistegia

Donostiako metroaren metro bakoitza 163.000 euro kostako da

© cc-by-sa Sustatu ¦ 2009-07-13 ¦ 17:18 ¦ garraiobideak

Odon Elorza Donostiako alkateak eta Iñaki Arriola Eusko Jaurlaritzako Garraio sailburuak Donostian metroa egingo dutela iragarri dute.

tagzaniapaste
Donostiako metroa

Publizitatea

Ibilbidea Tagzanian.

Elorza, Arriola eta Ernesto Gasco Garraio sailburuordeak gaur iragarri dute Donostiako Udalak eta Eusko Jaurlaritzak metroa egin nahi dutela Donostian. Euren esanetan "gipuzkoarren %70ari onurak ekarriko dizkio" proiektu honek. 700 milioi euro inguruko aurrekontua iragarri dute.

Tagzaniako mapak 6 kilometro inguru markatzen dituen arren, 4,3 km izango omen ditu. Ondorioz, bataz beste 162.791 eurokoa izango litzateke metroko metro baten prezioa, edo 1.628 eurokoa metroaren zentimetro bakoitzarena. Gipuzkoar biztanleria 680.000 pertsonaren bueltan baldin badago (Eustat, 2006), gipuzkoar bakoitzeko 1.000 euro inguru balioko du proiektuak. Beste modu batera esanda: zentimetro bakoitza garestiagoa irtengo da biztanle bakarragatik jarriko den diru kopurua baino. Kalkulu hauek, baina, ez dute kontuan hartzen geltokiek kostatuko dutena.

Anoetatik hondartzara, eta handik Lugaritzera

Ibilbideak Tren eta Topoaren sareekin bat egingo du. Anoetako futbol zelaian izango da lehenengo geltokia, Amaratik Kontxara hurbiltzeko. Hondartzatik gertu Ondarretaraino joango da, bertatik Unibertsitatera bidea hartzeko. Unibertsitatetik Lugaritzeko tren geltokira joango da metroa.

Beraz, trenbide berri honek Anoeta eta Lugaritz batuko lituzke, tarteko geltoki batzuekin:

Ibaetako campusa Benta Berri eta Lorea inguruetarako.
Antiguo: Matia kalea, Miramar jauregiaren ondoan.
Kontxa-Erdialdea: San Bartolome eta San Martin kaleen artean.

Horrez gain, Amarako geltokia eta Herreratik Galtzarabordara doan Topoaren ibilbidea lurperatu nahi dute. Arriolaren esanetan, garraiobide hau urtero dituen 7 milioi erabiltzailetik "23 milioira" pasako litzateke, infraestruktura hauei esker. Proiektua bideragarria den ikertzeko 2,6 milioi euro inbertituko dituela esan du Arriolak. Tranbiari dagokionez, Odon Elorzak urtebeteko epean "eztabaida sakona" egin eta erabakia hartua egongo dela aurreratu du.

Erantzunak

#1. Proposamen zaharra

PNMLC-EDKA ¦ 2009-07-13 ¦ 18:27

Donostiako metroaren proiektu proposamena 2007 urtean aurkeztu zuen PNMLC-EDKAk ( Partido de No Me La Cuentes – Ez Didazu Kontatzen Alderdia).

Horrela zioen:

*"Si votáis al PNMLC-EDKA ( Partido de No Me La Cuentes – Ez Didazu Kontatzen Alderdia) en las elecciones del 27 de Mayo, pondremos Metro en Donosti. (Tiembla Odón…!!!)"*

"Promesas electorales: Metro en Donostia – San Sebastián":http://nomelacuentes.wordpress.com/2007/05/12/sobre-promesas-electorales-y-el-metro-en-donostia-san-sebastian/

#2. Re: Donostiako metroaren metro bakoitza 163.000 euro kostako da

ihoritz latasa ¦ 2009-07-13 ¦ 20:30

Metroaren metroa. Oso ona paradoxa lexikoa!!! Zenbat metro neurtzen du Metro batek?

#3. Re: Donostiako metroaren metro bakoitza 163.000 euro kostako da

tzalo ¦ 2009-07-13 ¦ 23:12

Noski donostiarrak ez dira ba bilbotarrak eta gasteiztarrak baino gutxiago izango!!!!! ez alajaina!Nortzuk ordaindu beharko dute, gipuzkoarrok ala donostiarrek?

#4. Ia, ia, Bilbotarren moduan...

erral ¦ 2009-07-13 ¦ 23:24

Lehenengo mailako futbol taldea bakarrik falta zaie Bilbotarren modukoak izateko... ;)

#5. Re: Donostiako metroaren metro bakoitza 163.000 euro kostako da

Josu Mendicute ¦ 2009-07-13 ¦ 23:58

Ihoritz, Metro honek 4.300 metro.

Tzalo, Momentuz Udala eta Jaurlaritzaren ekimena da. Aldundiak, oker ez banabil behintzat, ez du honi buruzko ezer esan. Donostiar bakoitzeko kostua kalkulatu beharko bagenu, 3.500 euroren bueltan egongo litzateke.

#6. Re: Donostiako metroaren metro bakoitza 163.000 euro kostako da

Inaki Irazabalbeitia ¦ 2009-07-14 ¦ 12:22

Itxura batean politikari batzuekin Faraoien garaira itzuli gara eta gerorako obra handi bat beren jardueraren lekuko moduan utzi behar dute. Higikortasunaren ikuspegitik Donostiaren tamaina eta biztanle-kopurua duen hiri batean metroa jartzea ez du zentzurik. Tranbiaren eztabaida zela eta, aditu guztiek bat egin zuten tranbiak ez zuela zentzurik nahikoa bidaiaririk eta populaziorik ez dagoelako. Metroaren kasu are gehiago. Autobus-erraien irtenbidea egokiena zen ikuspegi guztietatik, ekonomikotik hasi jasangarritasunarekin buka.

Hobe lukete milioikada hori Kostako trena hobetzen usatzea, lotsagarria baita tren horren egoera. Ia-ia duela 50 urte bezala dago azpiegituraren ikuspegitik. Gipuzkoa ez da Donostia soilik.

Gezurra dirudi Sailburua Eibartarra izatea!

#7. Re: Donostiako metroaren metro bakoitza 163.000 euro kostako da

eneko ¦ 2009-07-14 ¦ 14:44

erotu al gera? Abenduak 28 al da (edo apirilak 1 iparraldean) eta ni ez naiz konturatu? nola xahutu dezakete dirutza hori donostiarrok eta diotenez gipuzkoarron %70 horrek behar ez dugun kirtenkeri batean? eta hasieratik 2.5 milioi behar omen dituzte ikerketa egiteko. zer ikertu behar dute? proiektua ez al dute diseinatua gutxi gora behera geltokiak eta guzti?

azken aldian naturari eragiten dioten eraikuntza erraldoien berriak bata bestearen atzetik datozkigu eta zoritzarrez Donostia horretan nahiko "buruan" dugu, hortxe dago eta Monpaserako pasabidearen asmoa (Odon, Pasabidearen hasieraraio ere metroa jartzea elegoke gaizki (ah zera! asmoa kostaldeaz gozatzea da eta?!?!?).

Egitasmo honi bi helburu ikusten dizkiot (ez dudalako uste egingarria denik ezta gutxiago ere): EAJk aldunditik emango duen erantzunari etekina ateratzea eta metroa "baztertu2 ostean esatea, "ados metroa agian gehiegizkoa zen baina orduan tranbia beharko dugu ezta?" eta tranbia "sartzea" donostiarroi behar ez dugunean.

EHUko ikasleek Euskotren dute Anoeta-Amaratik Lugaritzera iristeko (zenbat ikasle dago Mirakontxan?) Antiguatik kanpusera joateko ez dute metroa hartuko ezta? Antiguatarrek zer nahiagoko dute kontxa ikusten joan autobusean edo metroan joan Londresera iristeko?

Dirutza erabili dezatela bidegorri gehiago egiteko, bizikleten mailegua hobetu, zabaldu eta, sobratuko denez, merketzeko!

Altzak behar du geltokia, bai noski, aspalditik eta askoz diru gutxiagorekin askoren beharra asetuko litzateke baina ez dezatela guztia pakete berdinean sartu esanez dena edo ezer ez. Eta hobetu dezatela kostako trena ere, dirutza horrek eta AHTrena horretarako eta askoz gehiagorako ematen duelako.

#8. PP, EA eta EB-Aralar alde

eneko2tz ¦ 2009-07-14 ¦ 15:48

Euopapress-ek dioenaren arabera, Donostiako PP, EA eta EB-Aralar metroaren alde agertu dira, aldiz EAJk propaganda baino ez dela dio.

#9. Re: Donostiako metroaren metro bakoitza 163.000 euro kostako da

Imanol ¦ 2009-07-14 ¦ 21:06

Ederki orduan. Autobus geltoki duinik ez, baina metroa bai. Trenbide sare kaxkar baino kaxkarragoa, baina metroa moderno eta zoragarria, zentroa zentroarekin lotzeko.

#10. Re: Donostiako metroaren metro bakoitza 163.000 euro kostako da

Josu Mendicute ¦ 2009-07-15 ¦ 14:13

2007-2012 urteetan Euskotren hobetzeko aurreikusita zeuden inbertsioak Donostiako metroarentzako baino 100 milioi gutxiago ziren.

#11. Re: Donostiako metroaren metro bakoitza 163.000 euro kostako da

zubieta ¦ 2009-07-15 ¦ 16:55

Normala. Jarri hormigoia, horrek zulo, poltsiko eta aho asko estaliko ditu eta. Esker oneko materiala, hormigoia.

Gasteizko ustelkeriak era bateko tresnak darabiltza: AHT, superportua, Pasaia eta muga arteko zortzigarren bidea (kontatu, kontatu...).

Donostiako korrupzioak, beste bat, finagoa: gauzak eraiki eta desegin: kaleak asfaltatu eta altxa, Bretxako Canovas espazioa edo San Telmo museoa egin eta eraitsi, Zurriola zubia konpondu eta erabat desegin, berriro egiteko... eta ikusten ez ditugunak.

Donostiako Trafiko zinegotzia beti doa auto ofizialean, guk ordainduta. Horregatik Donostiako kaosa. Horregatik ezin aparkatzeko tokirik bilatze hori. Trafikoa mantsoago doa, gehiago kutsatzen du, denbora gehiago dabil martxan...

Baina horrek Donostiako horiei sosak ematen dizkie. Sos asko. Salatu gabe utzi behar oraingoan ere?

Ze metro eta ze hostia, Zubietari autobusa aurreko hilean jarri diotela!

Erantzun (klik zabaltzeko)