Interneteko albistegia

Euskal kostaren %80a, arriskuan

© cc-by-sa Sustatu ¦ 2009-07-07 ¦ 17:24 ¦ natura

Greenpeacek salatu duenez, euskal kostaren %14,2a baino ez dago babestua, Estatuan dauden portzentaiak baino gutxiago. Elkarte honek ikertutako 10 gunetik 8 arriskuan daude, argitaratutako oharraren arabera. Arriskuaren adibide jarri dute Pasaiko portua egiteko Jaizkibelek jasango duen hondamendia edo Urdaibaiko paduran egin nahi dituzten industrialdeak. Greenpeacen txostenen arabera, arrisku handian daude Artibai eta Barbadun ibaiak, eta Gaztelugatxeko San Juan.

Erref.: Euskal kostaren %80a, arriskuan (www.greenpeace.org)

Publizitatea

Erantzunak

#1. Mutrikun gauzak geldituta apur bat

Gari Araolaza ¦ 2009-07-07 ¦ 18:19

Mutriku aldetik gutxienez esperantza pixka bat dator:

El Paisen arabera, Eusko Jaurlaritzak proiektua berraztertzeko denbora hartuko du
Mutrikuko Berde+Independiente taldeak, horixe bera proposatzen du: Pentsa dezagun, ez gaitezen okerrera joan

#2. Euskal kosta ala EAEko kostaren %80 ?

berkues ¦ 2009-07-07 ¦ 18:25

Hondarribi Baiona zatia hartzen du kontutan Greenpeacek, ala beste batzuk bezala Euskal kostaren mapa mugatu egiten du EAEko kostaren mapara?

Txinguditik Baionako barraraino deus ez?

#3. Re: Euskal kostaren %80a, arriskuan

Sustatu ¦ 2009-07-08 ¦ 09:35

Arrazoia, Berkues. EAEko kostaren %80a. Greenpeacek albiste hau sinatzeko "Euskadi, España" jarri du. Estatutik kanpoko daturik ez dago, txosten honetan. Greenpeacen Frantziako webgunean ez dugu antzeko txostenik aurkitu.