|
Itzuli orri nagusira Bidali hau Tweet Gerrako eszenarioak berrikusi ditugu Eibarko mendietan© cc-by-sa Luistxo Fernandez ¦ 2009-06-10 ¦ 09:58 ¦ historiaIganderako iragarritako txangoa egin genuen, eta argazkiak atera ere bai: 1936-37ko gerrako fronte bateko eszenatokietara bisita. Ez bakarrik reketeen posizio matxinatuenak, Indalezio Ojanguren argazkilari eibartarrak gerra amaitzean ateratako defentsa errepublikarren argazkiak ere eraman genituen, eta bien eszenarioak topatu genituen Eibar inguruan dauden Akondia, Garagoitti eta Kalamua mendietan. Gerrako kontakizunen testuak ere lagungarri izan zitzaizkigun.
Txangoen egindako irudi bildumak ageri dira hemen eta hemen. Baina argazki zahar eta berrien konparazioko pare bat jarriko dizkizuet hemen.
Hemen ikusten den tontorra, han goian, Kalamua mendia da. Goian erreketeak zeuden, eta trintxera honetan, Ubegiburu izeneko lekuan, errepublikarrak. Zaku zahar horiek honezkero konpostatuak daude terrenoan, baina aurkitu genuen puntua argazkirako. Leku honetan, besteak beste, Kalamua gainetik banzai eraso bat egin zuten Lakarko Tertzioko errekete nafarrek: malda zuzen eta irekia da, eta ez dakit espero zuten behekoak lo harrapatzea edo zer, baina txikitu egin zituzten errepublikarrek, han amaitu zen tertzio hura.
Beste irudi honek erreketeen argazki bat berregiten du, Akondia mendian zuten gotorleku batetik, errepublikarren lehen trintxera bistan, gaur zaldien bazkaleku. Trintxera hori baino beheraxeago beste hau aurkitu genuen, errepublikarrek egiten saiatu ziren tunela: asmoa zuten tontor azpiraino joan, eta han azpitik lehertu mendiaren gainaldea, sumendia balitz bezala. Plan zoro hori praktikan jarri baino lehen posizioa galdu zuten, eta tunela amaitu gabe dago han, 32 metro sakon. Ez genituen eszenatoki guztien irudiak berregin. Erreketeen puestomandoa zein maldatan egon zitekeen susmatu bai, baina gaur pinudi itxi bat da hura, Garagoittiko tontorretik gertu. Irteera honen antolatzaile nagusia Oier Gorosabel blogista izan da, Eibartarrak zerrendaren bidez Interneten egin zuen deialdia. Gorosabelen berba batzuk grabatu nituen bideo honetan: Erantzunak#1. Eta "Puesto de Mando" ren lekua aurkitu duzue???flap ¦ 2009-06-10 ¦ 11:14Kalamuako fronteko argazki guztien artean "puesto de mando"rena ezin dut kokatu leku konkreto batean... #2. GaragoittiMikel ¦ 2009-06-10 ¦ 11:24Flap, puesto de mando delakoa Garagoitti inguruan zegoen eta errepublikarren artilleriak txikitu zuen. Bila ibili ginen, baina sasi eta piņu artean ezin aurkitu. Piņu horiek kentzen dituztenean aurkitu ahal izango da. #3. Re: Gerrako eszenarioak berrikusi ditugu Eibarko mendietanoier g ¦ 2009-06-10 ¦ 23:07Akatsa: Garagoittikua (argazkikua) ez dok puesto de mandua, polboriņa baiņo (horregaittik lehertu zan). Puesto de mandua Tomas Meabe refujixo onduan jeguan. Interesa dakana, doiala hona: http://frentesdeeuzkadi.foroactivo.net/forum.htm Erantzun (klik zabaltzeko)Itxi |
Albiste gehiagohistoria gaia duten albiste gehiago
Portadan orain
Pil-pilean!Erantzun gehien izan dituzten albisteak
Sustaturen inguruan
|
RSS jarioak: 
