Teknologia albisteak

Zaldieroaren letra tipoa instalatu zure ordenagailuan

Zaldieroa

2009-05-28 : 10:05

Interneteko zerbitzu bat ezagutu nuen lehengoan Sustaturen bidez. Funtsean zure letrarekin tipografia berri bat emateko aukera ematen zizuten (10 euro ordainduta). Nire lanerako baliagarria delakoan Zaldieroatipoa sortu nuen. Norbaitek erabili nahi badu hementxe du eskura.

Ez dago oso ongi garatua baina graziosoa suertatzen da teklatuan pikatu eta zure letrarekin pantailan idaztea eta zinten zuzenketak egiteko oso ongi dago.

Fitxategia: zaldieroa.zip

Mac batean instalatzeko deszipatu eta letratipoa klikatu... Instalatu nahi duzun galdetuko dizu.
Windows PC batean, deszipatu. Ireki kontrol panelean Letra Tipoak eta deszipatutako zaldieroa.ttf fitxategia bertara eraman. Aurrerantzean, idazteko programa bat irekitzen baduzu, adibidez, OpenOffice, letra tipo hori ere izango duzu aukeren artean.

Ubuntun, deskargatu zipa mahaigainera. Ireki terminal bat eta idatzi:

  $ cd ~/Desktop
  $ unzip zaldieraofont.zip
  $ sudo cp zaldieroafont.ttf /usr/share/fonts /truetype
  $ sudo fc-cache -f

Zaldieroaren letratipoa agertuko da aplikazioetan erabiltzeko.

Erantzunak

Sustatu

2009-05-28 : 11:18

Eskerrik asko Zaldieroa.

Argazkiak.org | Zaldieroa Font © cc-by-sa: sustatu

Tranpa txiki bat: baimenarekin ekarri ditugu Zaldieroaren hitzak eta letratipoa bere blogetik hona. Bere azalpenetan Mac batean nola instalatu esplikatzeraino iritsi da marrazkilaria: geuk osatu dizkiogu Windows eta Ubunturako jarraibideak.

Instalatu eta probatu!

Joseba

2009-05-28 : 12:42

Mila Esker guztioi!

edorta

2009-05-28 : 13:43

Tahoma, Verdana, Garamond......ALAPORAI!!!

iturrizar

2009-05-28 : 14:23

Ikusi dudanez sustatukoak hasi dira zure letrak 'osatzen', "!" gehituz.

Nork gehituko ditu azentudun bokal guztiak, eta chapeaudunak, eta "ç"? (kontuan hartu behar duzu bloga katalanez duzula...)

Zaldieroa, lana pilatzen hasi zaizu!

Jozulin

2009-05-28 : 14:37

Euskalcomicsans! Ikusiko ditugu Txosten eta Emendakin potolo eta serioak Zaldieroafont(TM) erabiliz!? ;-)

100000000000000000000000000000 esker Zaldiero!

Sustatu

2009-05-28 : 14:52

Iturrizar: ez, Sustatuk ez du ezer osatu. ! zeinua berez dator letra tipoan. Probak egin ditugu, eta bai, diakritikoak ez daude, baina beste karaktere berezi batzuk bai. Diakritikoetan Ññ faltan botatzen da, dena den. Ezin andereño edo Beñat idatzi!

Horra adibide batzuk irudian:

Argazkiak.org | Zaldieroa karaktere bereziak © cc-by-sa: sustatu

Bestalde, ^ zeinu zirkunflexua eta edozein tekla sakatuta, Zaldieroaren sinadura berezi bat irteten dela ikusi dugu. Behintzat emaitza hau lortu dugu Windows ingurunean OpenOffice Write aplikazioarekin:

Argazkiak.org | Zaldieroaren sinadura bere letra tipian © cc-by-sa: sustatu

iñaki olano

2009-05-28 : 15:59

Zaldieroa

2009-05-28 : 16:55

Blogean idatzi nuen bada: letratipoa ez dago oso ongi garatua. Egia esan letratipoa egiteko prozedimentua nahiko itxua da, ezin dezakezu zuzenketarik egin. Nire asmoa, dena den, letratipoa hobetzea da, hortarako nire Mac-ean Windows jarri beharko dut eta Windows-erako bakarrik egin duten aplikazio txatxu bat erabili beharko dut.

Hau da: abentura bat.

Letratipoa 100%-ean osatua dagoenean blogean jarriko dut.

Bide batez, mila esker letratipoa probatu duzuen guztiei. Ohorezko "Betatester" izendatuko zaituztet.

(Sarien klasifikazioan "Principe de Asturias" sariaren pareko zer edo zer da, Nobel saria baino guttiago baina "Principe de Viana" baino pittin bat gehixeago)