Itzuli orri nagusira Bidali hau

EITBren materialak, Euskaltzaindiaren Lexikoaren Behatokiaren corpusa osatzeko

© cc-by-sa  Sustatu ¦ 2009-04-29 ¦ 09:30 ¦ hizkuntza

Euskaltzaindiak eta EITBk hitzarmena sinatu zuten duela egun batzuk, Lexikoaren Behatokia deritzan egitasmoa garatu dezan Euskaltzaindiak. Asmoa ikerketarako testu-corpus etiketatu eta linguistikoki antolatu bat prestatzea. Euskaltzaindiak prosa arruntezko corpusa prestatu nahi du, bai lexikoaren erabileraren azterketak egiteko, bai eta lexikoari dagozkion arauak eta gomendioak dokumentatzeko ere.

Publizitatea

Corpus hori osatzeko, hainbat hornitzaile bildu nahi ditu Euskaltzaindiak, hedabideak bereziki. EITBri dagokionez, eduki hauek jarriko ditu Euskaltzaindiaren eskuetan, hitzarmen berriari esker:

  • ETBk bikoiztutako filmak, dokumentalak, marrazki bizidunak eta telesailak.
  • ETBk ekoitzitako programak
  • ETBren albistegiak
  • Eusko Irratiak ekoitzitako irrati-nobela guztien testuak

Lexikoaren Behatokia egitasmoa UZEI, Elhuyar eta EHUko Ixa taldearekin garatuko du Akademiak.

Erantzun (klik zabaltzeko)

Publizitatea

 Nabigatu euskaraz