Interneteko albistegia

Apurtu.org itxi dute

© cc-by-sa Sustatu ¦ 2009-04-25 ¦ 09:08 ¦ politika

Legez kanporatutako ezker abertzalearen ildoko webgune bat, Apurtu.org, itxi egin dute aste honetan Apurtu Telebista bideo kanala aurkeztu ondoren. Telebista ekimen horren berri jakitean, Vocento taldeko ABC egunkariak gogor ekin du egun hauetan Apurtu.org-en aurka, eta orain webgunea desagertu egin da. Gara-k dio "blokeatu egin dutela", nork blokeatu duen azaldu gabe. Eta ABCk dio Apurturen bultzatzaileek beraiek kendu dutela webgunea saretik. Apurtu Berriak ekimeneko bideoak, dena den, Youtube-n daude oraindik. Horra azkena, hain zuzen ere zentsuraren aurkakoa (Nafarroako liburutegi batzuetako kasua, agindu politikoengatik Berria eta Gara erosteari utzi dioten liburutegiena):

Publizitatea

Apurtu.org eta Apurtu Berriak bideo-ekimena "Nafarroako Amnistiaren Alde eta Errepresioaren aurkako ekimen" gisa egon izan da sarean bideoak eta informazioak ekoizten, 2007. urtetik. Bideoak, beraz, hasieratik izan dituzte, baina orain webgunean integratuago zeuden, ez Youtube-n integratuak, horixe zen Apurtu TB-ren nobedadea, ABCk eskandalu handiz detektaturikoa.

ABC-ko informazioak:

Gara-n, itxieraren berri, Zabaldu.com-en jasoa eta

Erantzunak

#1. Legezk kanporatutako ezker abertzalearen ildoa, horra hor

ptx ¦ 2009-04-25 ¦ 09:23

Jamaika ikusteko! Ez da desagertu antza. Apurtu.org definitzeko, kazetaritza espezializatuaren (etologiaren) antza daukaten hitzok irekitzen dute albistea.
Legez kanporatutako ezker abertzalearen ildoko webgunea, ondo ulertu bedi, itxi beharrekoa beraz.
Apurtu.org presoen inguruko albisteak eskaintzen dituen webgunea izan zitekeen, errepresioaren kontrako bideoak plazaratzen dituena. Blog bat, multimedia gune bat.. baina ez, ilegalizatutako ezker abertzale gaiztoenaren ildoko panfletoa baizik ez da.
Estiloa.