Kanpo kaiak izango duen itxura aurkeztu du Pasaiako Portuak

#1. Ekoportuari orain Ecoport deritzo

Luistxo ¦ 2009-04-23 ¦ 08:44

Iaz eko-portua saldu nahi ziguten, eta izenak eman zuen zeresanik. Orain ikusten dut, zuzendu dutela eta ez dela jada Eko-portua baizik eta Ecoport.

Oso interesgarria bideoan ikusten den Gipuzkoa 2.0 hau. Probintziaren modifikazio geografikoa. Hobetzeko eta zabaltzeko, noski.

#2. Ekoportua eta beste

Sustatu ¦ 2009-04-23 ¦ 08:49

Iaz Pasaiako ekoportu honen inguruan ere egon zen iruzkinik Sustatun. Pare bat lagunek beren irudi propioak sortu zituzten, Eko-Donostia proiektua eta Donostiako ipar eko-ingurabidea.

Argazkiak.org | Eko-Donostia 2010 © cc-by-sa: Patxitrapero

Argazkiak.org | Donostiako Ipar-ekoingurabidea © cc-by-sa: Unai_Fdz._de_Betono

Pasaiako proiektuak ere banatu ditu bere irudiak, ez txantxa asmoarekin noski, eta Oarsoaldeko Hitzak jaso ditu sarean.

#3. PNV, PSOE: ba al dakizue LIC/BGL-ak zer diren, zertarako diren?

Antton Alberdi ¦ 2009-04-23 ¦ 10:00

PNV, PSOE: ba al dakizue LIC/BGL-ak zer diren, zertarako diren?

Nik San Mames gainean aireportu bat egiteko proiektua proposatuko dut. Ziur min handiagoa egingo diela horrek jaurlaritzako sasijakintsu handiuste horiei, Euskal Herriko gune bitxienetariko bat (beste bat) porlanez betetzeak baino. Firmak biltzen hasiko naiz Hondarribiko aireportua San Mamesera eramateko eskatzeko.

Interesatzen zaionarentzat, EJ berak webgunean duen Jaizkibelgo Batasunaren garrantzizko lekuaren inguruko txostena:

http://www.ingurumena.ejgv.euskadi.net/r49-4975/eu/contenidos/informacion/enp/eu_1086/adjuntos/es2120017_e.pdf

PasaiaECOport: eta gainera barre egiten digute aurpegira pasaia eta portuan artean ekologiaren zigilua sartuta. Lotsagarria, penagarria eta iguingarria. Lotsa, pena eta nazka ematen didate ditugun agintari hauek.

#4. Re: Kanpo kaiak izango duen itxura aurkeztu du Pasaiako Portuak

Sustatu ¦ 2009-04-23 ¦ 10:31

Antton Alberdik dioen txosten hori ikusteko, hemen duzue:

#5. Re: Kanpo kaiak izango duen itxura aurkeztu du Pasaiako Portuak

asier ¦ 2009-04-23 ¦ 10:41

Hori da hori astakeria. Europako Batasunaren arabera Jaizkibelgo labarrak babestu beharra omen dago, eta guk portu erraldoia egingo bertan.

#6. Re: Kanpo kaiak izango duen itxura aurkeztu du Pasaiako Portuak

jaizkibel ¦ 2009-04-25 ¦ 14:24

izugarria bideoa, izutzekoa! negar egiteko jarri dioten musika hori litzake gauza on bakarra, lotsa, pena eta nazkaz negar egitea ez baitago besterik irudi horiek ikusita! jaizkibel bizirik!!

#7. Re: Kanpo kaiak izango duen itxura aurkeztu du Pasaiako Portuak

izengabea ¦ 2009-06-10 ¦ 20:43

Zer da hau ...


Musika polit horrekin jendea engainatzeko intentzioa, ala zer !!!!

Aurkezpen honi aurka egiteko, Jaizkibel ingurua orain nola dagoen aurkeztea besterik ez daukagu; oraingo zelai berdeak, kolore guztitako loreak, fauna ezin hobea, txorien txorrotxioa, suge eta anfibioen arrastoak, erbi eta untxien saltoak ...

Norbaitek horrelako bideo bat egiteko aukera badu egin dezala, eta porlan eta superbarku horiei hamar mila buelta nola ematen dion ikusiko dugu.

Ecoport izenari buruz, komentariorik gabe ...

Nola egin aurre goitik inposatzen dizkiguten proiektu hauei ???? Ez al gara espabilatuko ????

JAIZKIBEL BIZIRIK !!!