Interneteko albistegia

Eguraldia eta mapak, irrati parodia

© cc-by-sa Sustatu ¦ 2009-04-22 ¦ 12:18 ¦ eguraldia

Postontzian jaso dugu erdarazko parodia hau mp3 formatuan. Eguraldi iragarpena Radio Euskadin, Patxi Lopezek lehendakari denean EITBn ezarriko omen duen eguraldi maparen muga berrien arabera.

Iruditu zaigu ahotsak ondo imitatzen duela Radio Euskadiko esatarien doinua. Eguneraketa, asteazkena: Normala aurrekoa iruditzea, jakin baitugu Radio Euskadin egina dela parodia.

Publizitatea

Eguneraketa, asteazkena: Jakin dugunez, Radio Euskadiko Graffiti programan duten Parlabarato izeneko tartean (umorezko hamar bat minutu), Roberto Mosok eta Mikel Ibañezek asmatu zutela parodia hau. Lokuzioa Cristina Ardantza kazetariarena da.

Audio pieza lortzeko, Euskaltuben dago.

Erantzunak

#1. Re: Eguraldia eta mapak, irrati parodia

Imanol ¦ 2009-04-21 ¦ 12:32

Esango nuke ahotsa Radio Euskadiren promozioetarako erabiltzen den berbera dela, ez? Ez ote da bertan egindakoa?

#2. Re: Eguraldia eta mapak, irrati parodia

Markos Gimeno ¦ 2009-04-22 ¦ 00:53

Ahots hori ez dut, bada, "la jungla sonora"-n entzun?

#3. Re: Eguraldia eta mapak, irrati parodia

Sustatu ¦ 2009-04-22 ¦ 12:29

Bai, lagunok, Radio Euskadikoa dirudi, bertan egina delako. Jakin dugunean eguneratu dugu albistea.

#4. Re: Eguraldia eta mapak, irrati parodia

Luis Gandul ¦ 2009-04-23 ¦ 00:03

Urduri al daude EITBn? Badirudi Patxi Lopez agintean egotearen ondoririk larriena hedabide publikoan gertatuko dena izango dela.

Argi dago hedabideak, publikoak barne, manipulaziorako eta ideiak sortzeko ezinbesteko tresna direla. Argi dago , era berean, Patxi lopezek, EAJ-PNV-k egin bezala bere konfidantzazko gizon-emakumeak sartuko dituela EITBn, baina behar bezalako lanpostua dutenek ez dute arrisku handirik, eskuz hautatu eta zuzendaritza postuetan ipini dituzten horiek dituzte gauzak okerrago...

Gldera bat bota nahi nuke airera... ea nonork erantzuten duen (akaso EITB taldekoek beraiek). Agian, beste sektore publikoetan bezala, Lan eskiantza publikoa egin izan balitz EITB-n gauzak ezberdin egongo liratezke orain?

Ni bebai kazetaria naiz, baina EITB-n lagun bat izan behar da sartzeko, eta ez titulazio bat, noizko oposaketak???? Patxi, nonoiz irakurtzen baduzu hau, ea zuk erantzun dezakezun...

#5. Re: Eguraldia eta mapak, irrati parodia

Imanol ¦ 2009-04-23 ¦ 00:53

Tartean-tartean egiten dira oposaketak EITBn, laster egingo da bat irratietarako. Gertatzen dena da, ez direla Osakidetzaren makro oposaketak bezalakoak, postuak tantaka ateratzen dira zoritxarrez.
EITBn lanean ari den oro entxufismo bidez sartu dela esan nahi duzu?

#6. Re: Eguraldia eta mapak, irrati parodia

Luis ¦ 2009-04-23 ¦ 14:54

Danak ez... badakit asko praktikak eginda sartu direla, eta badakit asko kazetari onak,e ta are pertsona hobeak direla...
Baina, ez al zaizu iruditzen goi karguetan dauden guztiek laguntza on bat izan dutela dauden lekura iristeko? Akaso karnet bat?

Noiz oposaketak? eta hori deialdi irekia da? agian ez dira Osakidetzakoak bezala, baina ematen zaien garrantzia ere ez da Osakidetzakoei ematen zaiena...

Zure berrien zain...

#7. Re: Eguraldia eta mapak, irrati parodia

Imanol ¦ 2009-04-24 ¦ 13:18

Oposaketen deialdia egiteke dago, baina uda aurretik izan beharko luke. Hiruzpalau postu besterik ez dira. Eta irekia da, hala ulertuta daukat behintzat.

Eskertzen dizut zehaztapena. Ez da lehenengo aldia "entxufismoarena" entzuten dudana, eta generalizatzea ez da bidezkoa, ez "behean" daudenentzat, ezta "erdi mailan" lan onagatik daudenentzat ere.
Zoritxarrez, entxufismoa ezin da ukatu, baina ez enpresa publikoetan bakarrik.

#8. Re: Eguraldia eta mapak, irrati parodia

Luis ¦ 2009-04-30 ¦ 16:41

Baina enpresa publikoetan da arazoa... finean, enpresa pribatuetan jabeek erabakiko dute nor hartu eta nor ez, beti ere ondorioak ere beraientzat izango direlarik.

Zuk zeuk erantzund izou ordea, asuntuari... Irratian sartzeko opsaketak... izango da irratian dagoeneko 20 urte lanean daramten horiek bere opostua finko bihurtzeko,ez? Finean, zenbat pertsonek egiten dute lan EITB taldean? eta horientzat guztientzat, 3-4 plaza?

Beste kontu bat litzateke agian EITB taldearentzat ez ezik azpikontrata ezberdinentzat lanean dihardutenen inguruan... zenba izan daitezke? plantila osoaren %40?
EITB.COM atarian adibidez, nork ordaintzen die soldata kazetariei? EITB-k ? ala beste enpresa baten izenean heltzen zaie nomina?

Larrituta izango dira horiek ere, azpikontrata guztiak popatik hartzera bidali eta bere lagunenak sartuko ditu Patxik orain...

Hi, Patxi! nik ere badaukat osola Portugaleten , ea mesedetxu bat egiterik daukazun!!

Erantzun (klik zabaltzeko)