Itzuli orri nagusira Bidali hau

Ares Galaxy p2p eta torrent programa, euskaraz

Luistxo Fernandez ¦ 2009-04-02 ¦ 08:08 ¦ p2p

Ares Galaxy programa euskaratu dut. P2P sare bat da Ares, eta BitTorrent bezeroa ere bai aldi berean. Mininova edo Pirate Bay bezalako lekuetan aurki daitezkeen Torrent fitxategiak jaisteko balio du. Azken hilabeteotan (Sustatun ere aipatu nuen kontua) inguruotan nahiko popularra bihurtu dela esango nuke.


Argazkiak.org | Ares Galaxy euskaraz © cc-by-sa: Luistxo.F

Publizitatea

Ares Windows sistema eragilean dabil, baina software librea da (GPL):

Ares euskaraz erabiltzeko:

  • Ares instalatu behar duzu lehenbizi. Inportantea, beti Sourceforge-tik deskargatu, klon faltsuak egon daitezke beste toki batzuetan.
  • Lortu euskarazko fitxategia hemendik, deskonprimitu, eta Basque.txt izango duzu zure ordenagailuan.
  • Ares-ek zure PCko artxiboetan sortzen duen hizkuntzen karpeta aurkitu behar duzu. Gaztelaniazko Windows instalazio tipiko batean hemen egongo da: C:\Archivos de programa\Ares\lang - Hor sartu behar duzu Basque.txt
  • Hasieratu Ares. Goiko menuko Kontrol Panela ireki, hantxe aukeratzen da hizkuntza.

Euskaratzea perfektua izatetik urrun dago. Plural batzuk oker, adibidez... Baina, tira, ez da hain gaizki geratu, nire iritziz. Hobekuntzak ongi etorriak izango dira.

Euskarazko bertsio hau Ares ofizialean sartzeko zer egin beharko zen ez dakit. Galdera bota dut Sourceforge-ko forora, ea jakiten dudan. Eskuzko eragiketa hau baino hobe litzateke berezko hizkuntzen aukeren artean balu Aresek. Ea lortzen dugun.

Erantzunak

#1. Re: Ares Galaxy p2p eta torrent programa, euskaraz

Julen ¦ 2009-04-02 ¦ 09:01

Lehenik eta behin, zorionak programa euskaratzeagatik.

Halere, prozesua alderantziz egin duzu, Luistxo.

Aurrena komeni da jakitea ea inor badagoen lan hori egiten eta zeure burua aurkeztu behar duzu arduradun bezela. Bestela jakina da gaizkiulertuak egoten direla eta lana bikoizteko arriskua dagoela.

#2. Re: Ares Galaxy p2p eta torrent programa, euskaraz

Josi ¦ 2009-04-02 ¦ 10:48

Aupa Luistxo! Igeldoko gaztetxoak dagoeneko Ares programaren euskarazko bertsioa bere ordenagailuan dauka. Mila esker!

#3. Re: Ares Galaxy p2p eta torrent programa, euskaraz

arrikitaun ¦ 2009-04-02 ¦ 11:18

Zorionak Luistxo:
Baina ikusita gauzak zelan datozen zuretzako erronka berria daukat:ARES Rodolforen GALAXIA euskaratzerik al duzu?

Oharra: Bai, txiste txarra bezain erraza da, baina joer, ezin erreprimitu!

#4. Re: Ares Galaxy p2p eta torrent programa, euskaraz

Luistxo ¦ 2009-04-02 ¦ 12:02

Eskerrik asko lagunok. Arrikitaun: bai, txiste erraza da baina normala da burura etortzea, nik ere egin nuen duela hilabete batzuk Ares sustatuzaleei aurkezteko idatzi nuen mezu hartan: Lopez lehendakari eta Ares Kultura sailburu

Erantzun (klik zabaltzeko)

Facebook