Natura inperfektu alu hori
Bolintxu Bilboko azken paradisua dela diote batzuek. Supersur autobide erraldoia bertatik pasatuko da, ordea.
Baimenarekin © cc-by-nc-nd: Julen Landa, Txanoduna
Biaduktu handi bat egingo dute, hain zuzen ere.
Eta hara zer bota duen gaur biaduktu horren ingeniariak, mokordo bat botatzen duenaren patxada berarekin:
Si una obra pública se hace bien, se puede mejorar bastante el paisaje. En muchas estampas, en muchas postales, los paisajes aparecen con un puentecillo en un lado. Al final, creo que incluso humaniza el paisaje. Fíjese en este caso concreto. Un gran valle en el que va a aparecer una línea horizontal por el medio. Me parece que puede ser hermosísimo. Ahora mismo, ese valle está bien, pero creo que puede quedar mucho mejor.
To! Natura inperfektu eta basati hori apur bat txukuntzera goazela, alegia. Hainbeste enbor, hosto eta belar desordenean hazten... ez, ez: diseinu pitin bat jarri behar diogu kaos horri. Marra horizontal eder bat adibidez (nire ustez, askoz ere politagoa izango litzateke zig-zag erako marra bat, diseinu chill-outak egiten hasita).
Monty Pythonek edo Faemino y Cansadok ezin izango lukete absurduaren maila hau gainditu.
Perla osoa, hemen.
Erantzunak
Arrazoia du gizontxoak. Begira hemen, ondo egindako obra publiko batek zelan hobetuko lukeen paisaia. Bailara handi batzuen erditik lerro horizontalak, batzuetan airetik, besteetan lurretik eta beste batzuetan lurrazpitik. Itzela edertasuna! Izan ere, nork demontre emango zien baimena mendi, bailara eta herri horiei hor erdian jartzeko egunen batean bertatik tren bat pasatu behar zela jakinda? Progresuaren kontrako atentatu larriagorik!
#1: arrazoia duzu, NC lizentziak ez du uzten, gure iritziz, publizitate komertziala duen webgune batean irudia erabiltzerik. Sustatu, modu xumean bada ere, izaera komertzialeko ekimena da. Kasu honetan, ordea, egilearen baimena daukagu. Zehaztu eta zuzendu egingo dugu hori argazkiaren oinean, eta aurrerantzean ere halaxe egiten saiatuko gara.
Lizentzien inguruko Sustaturen politikaz dagokionez... hemen ez dago oraingoz aipurik Sustatuko edukiaren beraren lizentzia zein den. Hutsune ebidente samar bat, honezkero. Hori zuzen argitzen saiatuko gara laster.
Kezka eta zalantza hauek ez dira txikikeriak. Garrantzia dute eta eskertzen dizugu, Haritz, gaia atera izana.
/cache/Udako-Ola-2024_1_small_content.jpeg)
Ez dut honekin Sustatu kaltetu nahi ezta lizentzien inguruan darabilen politika zalantzan jarri nahi. Nire asmo bakarra CC lizentzien inguruan dauden zalantzak argitzea da.
Printzipioz, ezingo litzateke argazki hau Sustatun erabili (egileak espreski baimena eman ez badu behintzat), webgune honek iragarkiak dituelako.
Izan ere, erabili duzuen Flickr-eko argazki honek NC (erabilpen komertzialetarako ez den bitartean) klausula du eta, kontxo, Sustatun txertatutako irudiaren azpian Adsenseko iragarkiak agertzen dira...