Itzuli orri nagusira Bidali hau Tweet

Yosigo hondartzan eta moda munduan

© cc-by-sa  Sustatu ¦ 2009-07-28 ¦ 09:05 ¦ argazkia

Aquariumeko erakusketa datorren urteko urtarrila arte egongo da zabalik, eta baduzue astia bertatik igarotzeko. Argazki ikusgarriak dira, benetan.

©: Yosigo

Jose Javier Serranoren inprimaturiko lanen bigarren erakusketa da hau. Gainera, katalogo edo liburu ederra argitaratu dute. Saretik, Flickr-eko kontu batetik, profesionaltzeko bidean dagoen artista autodidakta baten kasua da. Donostia erretratatzen hasi zen, eta hiria du orain ere bere objektu kutunetako bat, baina hortik irteten ere badaki.

Moda lanak

Bere lehen argazki digitalekin ari zela, zerbitzari lana egiten zuen Yosigok Donostiako taberna batean. Profesional bihurtzeko bidea egiten ari da orain. Loreak Mendian moda marka donostiarraren diseinu taldean ari da lanean orain, eta haien azken katalogoetako argazkiak bereak dira.

©: Yosigo / Loreak Mendian

Bere lanaren beste adibide bat FlipGloss moda webgune interesgarrian azaldu da. Flipgloss-en koska zera da: argazkietan ageri diren jantzi eta osagarriak etikatuta daudela, eta produktu zehatz horren (edo estilo jakin horren, marka ez bada ezaguna) berri gehiago izan dezakezula. Irudi honetan, adibidez, soineko urdina nabarmentzen da, gainetik saguarekin igarotzen bazara.

Yosigoren lan gehiago, bere webgunean.

Argazki guztiak, baimenarekin: © Jose Javier Serrano, Yosigo

yosigo_Hondartza.jpg 87KB (89713 byte)

 Nabigatu euskaraz