Itzuli orri nagusira Bidali hau

Musikarien manifestua, Junkerari emandakoagatik protestan

© cc-by-sa  Sustatu ¦ 2008-11-28 ¦ 18:17 ¦ kultura

Argia.com-ek zabaldu duenez, manifestu bat kaleratu dute hainbat musikarik, eta sinadura bilketa bideratu, Kepa Junkerari Jaurlaritzak emandako 702.000 euroko dirulaguntza dela-eta. Eguneraketa ostirala, 18.00: Sinatzaileetarik batzuk ezagunak dira jada, tartean, Ruper Ordorika, Fermin Muguruza, Iņaki Salvador edo Gontzal Mendibil.

Publizitatea

Argiak dioenez, sinadura@gmail.com helbidera atxikimendua bidaliz egin daiteke bat manifestuarekin, baina albisteak ez dakar sinatzaileen berri.

Manifestuak ez du izenbururik, behintzat Argiak PDF eran kaleratu duen bertsioan, eta bere testua honako hau da:

Manifestua

Egun hauetan jakin da Eusko Jaurlaritzako Kultura eta Etxebizitza Sailek 702.000 eurorekin lagunduko dutela Kepa Junkera musikariaren "kulturen arteko harremanak eta euskal musika hedatzeko eta berritzeko" egitasmoa. Testuinguruan jartze arren gogora dezagun 702.000 euroko kopuru hori dela Eusko Jaurlaritzako Kultura Sailak musikari guztien artean banatzeko duen hiru urteko diru poltsa, Euskadiko Soinuak programaren barruan.

Behean sinatzen dugun musikariok, ohar honen bitartez ozenki salatu nahi dugu ez egitasmoa, baizik eta administrazioaren jokabidea, diru publikoa baita eta erabilitako argudioak kultura, berrikuntza eta hedapena.

Erabakia iraingarria da hainbat kultur egitasmo eta kulturgilerekiko eta nabarmen uzten du administrazioko arduradunak zer irizpide eskas eta arbitrarioetan oinarritzen diren, nola egin nahi dioten aurre gure kulturak gaurko egoeran duen erronka larriari.

Eta hori ez dagokigu guri bakarrik, gure ustez hori gizarte honek jasan behar ez duen kultur politika jarduera da.

Erantzunak

#1. Re: Musikarien manifestua, Junkerari emandakoagatik protestan

ikeler ¦ 2008-11-28 ¦ 11:23

EAEn ez gaude txikikeriatan dirua galtzeko prest. Denak izan behar du Abiadura HANDIKO Trena, SUPERportua, e.a.
Diskoa ekoiztu eta diru-laguntza xumea eskatu? Ezta pentsatu ere! Hoa eskale, kalera jotzera.

#2. Re: Musikarien manifestua, Junkerari emandakoagatik protestan

ikeler ¦ 2008-11-28 ¦ 13:14

Lehengo batean, "sustatukide" batek zioen autokritika beharrezkoa zela. Hona hemen kritika ederra neure buruari: "tontoa haiz, alderdiko karneta eskuratu eta aberastu egingo haiz, zergatik ez duk egiten?"

#3. Re: Musikarien manifestua, Junkerari emandakoagatik protestan

Zabala ¦ 2008-11-28 ¦ 13:21

Danaren kontra.
Ia zeinek garapeneren alde ezer eskaintzen dauen.
Egon beharreko tokietan eztabaidatzen egon nahi ez. Batzuk armen indakeriz eta beste batzuk kalean manifestazio-hotsez.

Horrela egin nahi du herria edo aberria, herri honetako ezkerreko "progresia" zabalak.

#4. Musikarien manifestua, sinatzaileak

Sustatu ¦ 2008-11-28 ¦ 18:17

Sinatzaileetarik batzuen izenak jakinarazi dituzte. Albiste honen arabera. honako hauek daude 250 lagunen artean: Ruper Ordorika, Gontzal Mendibil, Joseba Tapia, Txomin Artola, Mikel Markez, Iņaki Salvador, Jabier eta Fermin Muguruza, Ramon Lazkano, Sorkun, Gari eta Mikel Urdangarin.

Euskadi Irratian esan dutenez, ez bakarrik musikariak, beste kulturgile batzuek ere sinatu dute manifestua

#5. Re: Musikarien manifestua, sinatzaileak

Sustatu ¦ 2008-12-02 ¦ 16:26

Argiak PDF honetan sinatzaileen zerrenda osoago bat aurkeztu zuen.

#6. Junkerak web-gunea gazteleraz dauka

Aitor ¦ 2008-12-02 ¦ 16:21

Junkeraren web-gunean sartu naiz, ea ezer jarri duen polemika honi buruz eta ikusi dut web-gunea gazteleraz daukala osorik: ea dirulaguntza honekin, hori euskaratzeko behintzat ematen dion.

#7. Re: Musikarien manifestua, Junkerari emandakoagatik protestan

Eider ¦ 2008-12-03 ¦ 09:03

Lotsagarria iruditzen zait.
Zenbat eta zenbat pertsona daude egunez egun munduko bazterretan euskara eta euskal kulturaren aldeko apostua egiten dutenak, egunez egun euskal kultura hedatzen dabiltzanak apenas dirurik izan gabe.

Nor da Kepa Junkera besteon dirua jasotzeko? Zergatik jaso behar du Kepa Junkerak eta ez Oskorrik? edo zergatik Oskorrik eta ez Muguruza anaiek? edo zergatik ez hasi nahian eta aukerarik gabe dabiltzan hainbat eta hainbat musikari gazte eta ez hain gazte?

Trikitrixa euskal instrumentua dela ezin ukatu, baina Trikitrixa al da euskal kultura hedatzeko modu bakarra?

Txarrena da honek eztabaida sortu duela, Azkaratek berak ere eman behar izan diola erantzun publiko bat manifestuari, baina egunez egun, eta mahai azpitik, inork entzun gabe, zenbat diru lortzen dute Junkera bezalako "izendun" (edo agian "karnetadun") musikariek?

Lotsagarria Azkarate, lotsagarria!

Erantzun (klik zabaltzeko)

Publizitatea

 Nabigatu euskaraz