Interneteko albistegia

GPSak galduta Sallobente auzoan

© cc-by-sa Sustatu ¦ 2008-07-01 ¦ 07:45 ¦ enpresa

Distantzia laburretan, gizonezkoaren koloniak ez du hutsik egin behar. Eta ezta ere GPSak. Baina gertatu, gertatzen da. Bereziki, poligonoetako helbide ez oso zehatzak dituzten enpresen kasuetan, hornikuntzako hainbat kamioi galdu egiten dira Euskal Herrian. Hona Elgoibarren dokumentaturiko kasu bat.

Publizitatea

Alcorta Brokchaus enpresara zihoan Txekiako kamioi bat, galdu egin da GPSak okerreko bidetik eraman duelako. Sallobente auzoko ermitaraino jarraitu du, baserri-bideetatik, buelta emateko zailtasunak aurkitu dituen arte.

Hona bi kokapenak, non zegoen enpresa, eta noraino iritsi zen kamioia. Alcorta Brokchaus-ek, bestalde, bere webgunean PDF bat dauka nola iritsi azaltzen duena, gaztelaniaz eta ingelesez.

Ez da hau kasu bakarra inguru horretan gertatu omen dena, Elgoibarren.net-en argitaratu dutenez.

Beste kasu batzuetan, GPSa zuzen ibilita ere, arazoak sortzen dira. Albiste honek Ingalaterrako herri baten kasua deskribatzen du. Biderik motzena bertatik igarotzen da, eta ehundaka kamioi pasatzen dira herrixkatik ondorioz. Kartografia saltzen duten hornitzaileek beren herria ezaba dezatela eskatu omen dute herrikoek.

Erantzunak

#1. Re: GPSak galduta Sallobente auzoan

Eneko ¦ 2008-07-01 ¦ 14:17

Txorierrin, industri poligonoetako helbideekin sortu ohi diren nahasteak ekiditeko, zenbait tresna jarriak ditugu sarean.

www.txorierri.es webgunean honakoa topa dezakezue:

1. Enpresen bilatzailea. Datu orokorrez gain, bilatzen duzuen edozein enpresa poligonoen mapan koka dezakezue, enpresa guztien gps koordenadak kontsultatzeko aukerarekin.
2. Google Earth-erako artxibo bat, eskualdeko enpresa guztien kokapenarekin, Txorierriko poligono ezberdinen arabera sailkatuta ikus daitezkeenak.

Garraiolarientzat zein poligonoetan mugitzen garen besteontzat, denbora gehiago ez galtzeko baliagarria.