Interneteko albistegia

Firefox 3, lantzamendu ofiziala, baita euskaraz ere

© cc-by-sa Sustatu ¦ 2008-06-16 ¦ 13:44 ¦ internet

Bihar, ekainak 17, Firefox 3 nabigatzailearen lantzamendu ofiziala izango da. Mozilla Fundazioak, nabigatzaile librearen egileak, errekorra egin nahi du bihar, egun bakarrean gertaturiko software deskarga gehien lortu nahi dituzte. Zuk ere lagun dezakezu, euskaraz ere egongo baita Firefox 3. Eguneraketa, ekainak 17, 11.00: Deskarga eguna 19.00etan hasten omen da, Euskal Herriko orduan. Ordurarte Firefox 3 ofizialik ez da inon ageri deskargarako.

Publizitatea

Izatez, gaur ere jarri dezakezu Firefox 3 zure ordeagailuan. Hemen daude deskargarako bertsioak, tartean euskarazkoa. Baina gaur 3.0rc3 deritzon bertsioa, release candidate (rc) edo lantzamendurako hautagaia izatetik ofiziala izatera igaroko da bihar, eguneraketa batzuekin.

Seguruenez hemen egongo da bihar Firefox 3 euskarazkoa Oraingoz Firefox 2 ofiziala ikusten da hor oraindik.

Errekorra egiteko saioaz, hemen duzu informazioa.

Firefox 3 bertsioak aldaketa zehatz batzuk ditu aurrekoekin alderatuta: instalatzerakoan, zure hobespenak, pasahitz gordailuak eta abarrak eguneratuko dira Firefox 2tik. Baina alderantzizko bidea ez da posible: behin hobespen eta klabe jakin batzuk gordez gero Firefox 3n, ezin dira esportatu Firefox 2ra. Ez bazina fidatuko, Firefox 3 instalatu aurretik, oraingo Firefox-eko hobespenen karpetak hartu beharko zenituzke zure ordenagailuko fitxategi sisteman, eta haien segurtasun-kopia bat egin.

Nolanahi ere, bertsioen bateragarritasunari buruzko gorabehera hauek ez dute, seguruenik, arazorik emango. Adibidez, Firefox 3 primeran ibiliko zaizu Euskalbar luzapen erabilgarri eta gomendagarriarekin.

Erantzunak

#1. Re: Firefox 3, lantzamendu ofiziala, baita euskaraz ere

Sustatu ¦ 2008-06-17 ¦ 09:07

Oraingoz, kanpainaren webgune nagusitik deskargen aldera joanez gero, euskaraz baduzu konfiguratuta nabigatzailea Firefox 2 euskaraz agertzen da oraindik, ez Firefox 3.

#2. Re: Firefox 3, lantzamendu ofiziala, baita euskaraz ere

Unai ¦ 2008-06-17 ¦ 10:25

Euskaras, gazteleraz, ingelesez... 2.0.0.14 bertsioa da eskuragarri dagoen bakarra.

Bluffffffffff

#3. Firefox 3, 17an bai, baina 19.00etatik aurrera

Sustatu ¦ 2008-06-17 ¦ 12:04

Hau antolatu duenak ez omen du kontuan hartu mundua biribila dela eta ordutegi desberdinen arabera esnatzen garela han-hemenka.

Hau irakurrita jakin dugunez, Euskal Herrian 19.00ak direnean, gaur hilak 19, hasten omen da egun berezi hau. Ikusiko dugu orduan.

#4. Re: Firefox 3, lantzamendu ofiziala, baita euskaraz ere

mikel ¦ 2008-06-17 ¦ 12:32

nik gaztelaniaz lortu dut, euskaraz ez ordea.
noiz ahalbideratuko dute gure hizkuntzan?

#5. Re: Firefox 3, lantzamendu ofiziala, baita euskaraz ere

Sustatu ¦ 2008-06-17 ¦ 12:37

Non lortu duzu gaztelaniaz?

Euskarazko bertsioa prest dago, Librezale elkartearen ekimenez euskaratua.

#6. Re: Firefox 3, lantzamendu ofiziala, baita euskaraz ere

mikel ¦ 2008-06-17 ¦ 12:43

bai gaztelaniaz, eta orain euskaraz ere lortu dut.

sustatu orrialdean, "deskargarako bertsioak, tartean euskarazkoa." ipintzen duen lekuan klikatuaz.
ni ez naiz oso abila traste hauekin, nik lortu badut ez da oso konplikatua izanen
agur bat

#7. Re: Firefox 3, lantzamendu ofiziala, baita euskaraz ere

Sustatu ¦ 2008-06-17 ¦ 13:12

Baina orduan gauza bera esaten ari gara. Zuk ez duzu gaztelaniazko edo euskarazko Firefox 3 ofizialik instalatu, baizik release candidate bertsio bat, atzo eta lehenagotik ere sarean dagoena, eta gorago pare bat aldiz klikagarri jarri dugun lotutetan topa daitekeena.

#8. Re: Firefox 3, lantzamendu ofiziala, baita euskaraz ere

assar ¦ 2008-06-17 ¦ 13:19

Kontuz, hori ez da oraindik behin-betiko bertsioa, Release Candidate 3 (probatako azken bertsioa) baizik.

#9. Re: Firefox 3, lantzamendu ofiziala, baita euskaraz ere

assar ¦ 2008-06-17 ¦ 13:28

Nonbait ez dute argitaratuko azken bertsioa arratsaldera arte (goiza Estatu Batuetan).

Norbait artega badabil behin-betikoa instalatu nahi duelako, Mozillaren FTP zerbitzarietan badago jadanik (baita euskarazkoa ere).

Erantzun (klik zabaltzeko)