Itzuli orri nagusira Bidali hau Inprimatu
PSE-EEko zinegotzi ohi bat hil dute Arrasaten
Sustatu ¦ Da! ¦ 2008-03-07 ¦ 13:47 ¦ Politika
13:30ak aldera tiro hotsak entzun dira Arrasaten, San Andres auzoan. Gizonezko bat lurrean dagoela adierazi du Udaltzaingoak.
Eguneraketa: Isaias Carrasco da tirokatua eta hil egin da. PSE-EEko zinegotzi ohia, 42 urte zituen.
PSE-EEko zinegotzi ohi bat hil dute Arrasaten
Erantzunak
Re: PSE-EEko zinegotzi ohi bat hil dute Arrasaten
ezizena ¦ 2008-03-07 ¦ 14:23
Gero eta gitxiago sinisten dot ezker abertzalean! eta ez ideologia aldetik... bere isiltasunagaitik honelako asutuetan baizik. Betiko moduan, alde batera begiratuko dabe! Domekan, danok bozkatzera! (boto zuria barne, nozki)
Erantzun honi
Re: PSE-EEko zinegotzi ohi bat hil dute Arrasaten
Itsaso ¦ 2008-03-07 ¦ 14:49
Sugegorri baltzak gurago Españako eskuma basatia.
Berdin egin zuten 1996an. PSOEko Mugika hil zutenean. (eta beste batzuk)
Abstentzioa eskatzen duten horiek inori español, atzo esaterako Laudion, deitu eta eskumari aukera ederra itxi.
Hilketa salatzeaz gain igandean botoa emotera.
Itsaso
Erantzun honi
Ino Galparsorori
Luistxo Fernandez ¦ 2008-03-07 ¦ 14:56
Nire eskaera Arrasateko alkateari, Ino Galparsorori. Entzun dut ospitalera joan zarela. Mesedez, eskatu botoa ANVri. Baliogabea ez da baliogabe izango behingoz.
ETAren boikot eskaerari uko egin behar zaiola uste dut.
Erantzun honi
Re: Ino Galparsorori
marikruz soriano ¦ 2008-03-07 ¦ 15:24
> ETAren boikot eskaerari uko egin behar zaiola uste dut.
ta zergatik, ba? ez al dira ideia eta proposamen guztiak onuragarri? gaitzesten dezutena ez al dira hilketak eta ez ideiak? hilketarekin bat ez zatozela, gaizki iruditzen zaizula, etab. ederki; baina horregatik boto eman behar dela esatea PSOE-GAL eta Franco-PP hauteskundeetara aurkezten direnez orduan haiekin bat ez egiteko abstentzioa eskatzeak duen logika berbera du.
ta bai, ni ere atsekabetzen naute horrelako gertakizunek, baina hipokrisiaz ere nazkatuta nago. ze esango dizut, nere enpatia mugatu samarra dago batzuei egurra eta egurra eman eta beste alde batera begiratzen duten demokrata poltronazaleekin.
denek dakite gauzak konpontzeko eseri eta hitz egin beharko dutela, eta hori atzeratzen dutenak irresponsable hutsak dira, eta ur harroetatik aberasten diren putre zikinak.
eseri daitezela behingoz, bañan ideia guztiek gauzatuak izateko aukera berberekin, bestela, tranpa da hori, eta berriro egongo gera gaurkoa bezalako egun batean, eta berriro, eta berriro, eta berriro...Erantzun honi
Re: Ino Galparsorori
katixa ¦ 2008-03-07 ¦ 18:36
> ta zergatik, ba? ez al dira ideia eta proposamen guztiak onuragarri?
Ez, Marikruz, ideia guztiak ez dira ez onuragarri ez onargarri. Nik pertsona guztiak errespetatzen ditut, baina ez, halabeharrez eta automatikoki, ideia guztiak. Giza eskubideen gainetik pasatzen diren ideien aurka izango naiz beti.Erantzun honi
ETA = kriminalak!!!
Joxe ¦ 2008-03-07 ¦ 19:22
> ideia guztiak ez dira ez onuragarri ez onargarri.
Jakina ezetz. Hauek ideia gutxi dute. Kriminal hutsalak, lotsaz betetzen gaituzten ganoragabe nazkagarriak. Pikutara joan dadila behin eta betiko!!!
Erantzun honi
Re: Ino Galparsorori
Xabier ¦ 2008-03-08 ¦ 19:51
Hiltzaileentzako ez, beste guztientzako dituzu hitz gogorrak. Familia bat apurtu dutenen aurrean zuk jokatzen duzu putre zikin bat bezala, beste alde batera begiratuz eta "Gatazka" hipotetiko horretan babestuz. Zein da gatazka: Batasunaren eta EAEren ilegalizazioa? Presoen sakabanaketa? 18/98 auzia?.. horiek guztiak salatzen ditut, baina atzokoa beste ezeren aurretik. "Ezker abertzaleak" (sic.) gatazkaren barnean kokatzen du hilketa hori, eta beti bezala errudunak besteak dira: PNV, EA, PSOE-PSE, PP, IU-EB, Aralar, Na-bai... baina inoiz ez ETA. Nola da posible "euskal gatazka" azaltzea ETA aipatu gabe? Alde militarra ETAk darama eta era militarrean garaitu beharko da. Politikoa elkarrizketaren bidez, pistolak alde batera uzten direnean. Eta gero entzun egin behar hilketa hau ez dakit nork Loiolan edo batek jakin non ETAren proposamenari ezezkoa ematearen ondorio dela. Aurpegia behar da hildakoaren familiaren aurrean agertzeko, krokodilo malko faltsu horiekin eta gero txarto hartzen zaituztelako kexatu... Zer espero zuen honek ba? Txaloka hartzea?
Batasuna-ANVk atzo Bilbon esandakoa... no coment! Erdaraz: "La izq. abertzale ha puesto toda la carne en el asador..." badakit esamolde bat dela baina 42 urteko gizon bat odolustu eta ordu gutxira hori esatea... hitz kriminalak erabiltzea da, onartezina. Ideia horiek ezin dira demokrazian defendatu.
Nahikoa dela esateko bide bakarra bihar bozkatzera joatea da. Ez dago erdibiderik: hiltzaileen alde edo aurka. Bakoitzak nahi duena bozkatzea, baita komuneko papera sobrean sartuta ere politikaz eta politikariez kokoteraino baldin bazaude, baina ezin da onartu terrorista hiltzaile txakur zikin horiek egin dutenaren aurrean beste alde batera begira gelditzea.Erantzun honi
boto zuriaren alde
ptolomeo ¦ 2008-03-07 ¦ 15:25
Ezker abertzaleak abstentziorako deia egin baino lehenagotik neukan erabakita abstenitzea, alderdietako bat legez kanporatua dagoenean beste bati botoa ematea zilegi ez zaidalako iruditzen. Ezker abertzaleak boto nuloaren alde egin izan balu ere, ni abstenitu egingo nintzatekeen, legez kanporatzearekin ados ez nagoelako (baina ezker abertzale maioritarioarekin ere ez). Ezker abertzaleak abstentzioaren deia egin ondoren, nere asmoari eutsi egin nion. Baita ETAk abstentzioaren alde egin duenean ere. Abstenitzekotan nintzen.
Baina gaurkoaren ondoren igandean botoa ematera joatea eskatzen dit barruak. Ilegalizazioaren aurka eta ETAren aurka, nik boto zuria emango dut.
Erantzun honi
Re: boto zuriaren alde
Jabi ¦ 2008-03-07 ¦ 18:37
Erabat ados zurekin. Igandean botorik ez emateko ustea nuen, baina honez gero berehala erabaki dut joatea eta boto zuria ematea, gauzak, ahal den neurrian argi uzteko bai ETAri bai ilegalizazioen jokoa onartzen dutenei ere.
Erantzun honi
ETA = putakumeak eta koldarrak
emma ¦ 2008-03-07 ¦ 15:31
Zer egin dezakegu blogosferatik?
Erantzun honi
Re: ETA = putakumeak eta koldarrak
gotzon ¦ 2008-03-07 ¦ 16:16
> 13:30ak aldera tiro hotsak entzun dira Arrasaten, San Andres auzoan. Gizonezko bat lurrean dagoela adierazi du Udaltzaingoak.
>
> Eguneraketa: Isaias Carrasco da tirokatua eta hil egin da. PSE-EEko zinegotzi ohia, 42 urte zituen.
> Zer egin dezakegu blogosferatik?
Zer dela-eta onartzen dira horrelakoak Sustatun?
Pertsona bat hil dute eta zuei hauteskundeak datozkizue gogora? ETA gaitzesteko eta bide batez ezker abertzale osoa kriminalizatzeko, baztertzeko eman behar dugu botoa igandean? Eta nik, gaurkoarekin bat egiten ez dudan baina ezker abertzaleko militantea naizen honek, nori eman behar diot botoa, legez kanporatu nauenari? nire legez kanporatzetik etekina ateratzen duenari? nire helburu politikoak ukatzen dituenari? igandean botoa emateak gatazka politikoa konpontzen lagunduko du? zelan? hauteskunde kanpainan igandean aurkezteko aukera izango duen zein alderdik egin du berba gatazka politikoa konpontzearen beharraz? zein alderdik esan du herritar guztiok ezin dugula gura dugun aukera politikoa bozkatu? zein testuingurutan egin du ETAk egin duena? Egunotan Loiolako akordioei buruzkoak entzun ditugu askoren ahotan. Ni akordio horiek berriz ere mahai gainean jarri eta behin betiko irtenbidea bilatzen jarraitzearen aldekoa naiz; gatazka politikoa konpon dezaketen eragile guztiak berriz ere mahai baten bueltan jesarrarazteko ahaleginaren aldekoa naiz eta horretan saiatuko naiz, hitzez eta ekintzaz.
Erantzun honi
Re: ETA = Euskal Herriaren etsaia
Joseba Larrañaga ¦ 2008-03-07 ¦ 17:05
Gotzon, zu eta zu moduan pentsatzen duzuenok zarete Euskal Herriak duen etsairik handiena. ETA eta Ezker Abertzale herri hau amildegira eramaten dira. Nik ez dut espainola izan nahi ez dudalako torturatzaile eta menperatzaile batzuekin elkar bizi nahi, eta arrazoi beragatik dagoeneko Euskal Herri independiente baten ideiak ez nau erakartzen, ezin ditudalako herrikidetzat onartu horrelako ankerkeriak egin eta justifikatzeko gai direnak. Gizon bat bere emazte eta umearen aurrean tiroz jo eta akatzen duena, eta ekintza hori ez salatzeko arerioaren ankerkerietan ezkutatzen dena ez ditut aberkidetzat nahi. Espainiazaleek aspaldi nazkatuta gintuzten, baina ezker abertzaleak ere erabat nazkatu gaitu. Igandean, bozkatu egingo dugu, txuri besterik ez bada, baina bozkatu. Euskal Herriaren alde.
Erantzun honi
Re: ETA = putakumeak eta koldarrak
zubiartea ¦ 2008-03-07 ¦ 18:35
gotzoni:
"Pertsona bat hil dute eta zuei hauteskundeak datozkizue gogora?" diozu.
Ez, gotzon, guri ez: ETAri. Hau ETAk kanpaina egiteko duen modua da. Eta ez ilegalizazioengatik, ezker abertzalea legalizatuta egon denean ere ETAk herritarrak erail izan baititu. Hauteskundeetan iruzur eta amarru asko egin daitezke eta egiten dira mundu osoan: kontrako hautagaiak desprestigiatu eta atxilotzetik erailtzera arte. Baina ausaz biktima bat aukeratzea eta hautesteguna baino 48 ordu lehenago eraistea, nazkagarria iruditzen zaienetakoa naiz. Eta zu?
Zure galdera erretorikoak zerorrek erantzun. Zintzotasun intelektualez, lehenik. Eta zure jendearekiko zintzotasunez, gero. Ez, ordea, tribu-leialtasun itsuz.
Diozu: "Eta nik, gaurkoarekin bat egiten ez dudan baina ezker abertzaleko militantea naizen honek, nori eman behar diot botoa, legez kanporatu nauenari?"
Itsu-itsuan, 25 urte ondoren, ezker abertzalearen ilegalizazioa inposatu duen ETAri? Ez legalizatzeko agindua eman duen ETAri? Jakin baitakizu ilegalizazioa sihesteko aukera eta bide guztiak baztertu dituzuela, armadunen aginduz.
Diozu: "igandean botoa emateak gatazka politikoa konpontzen lagunduko du? zelan?"
Eta Isaias gizagaixoa akatzeak gatazka politikoa gainditzen lagunduko al du? zelan?
Hareago: zuk eta zutarrek erailketa hori ez gaitzesteak (gaitzesgarri iruditzen bazaizue, noski) lagunduko al du gatazka gainditzen?
Beste honek ez du zuen autismoa besterik erakusten: "hauteskunde kanpainan igandean aurkezteko aukera izango duen zein alderdik egin du berba gatazka politikoa konpontzearen beharraz? zein alderdik esan du herritar guztiok ezin dugula gura dugun aukera politikoa bozkatu?"
Gutxienez EAJk, EAk, EBak eta Aralarrek! Zuei ez dizuela balio? Salatu ezazue, eztabaidatu ezazue, adostu ezazue estrategia bat,...baina inor mehatxatu, jipoitu edo erail gabe! Ez da hain zaila: politika deitzen zaio eta aspaldi asmatu zen.
Politikak ez dezake guztia, ez du bermatzen helburuak, maiteenak edo beharrezkoenak ere, iritsiko direnik, baina terrorismoaren erabilerak lortuko ez direla ziurtatzen du! Sortzen dituen samin, sufrimendu eta oinaze gehigarria ez aipatzeagatik.
Gotzon: hasi urrats ttiki batekin: deitoratu ezazu Ismaelen heriotza eta elkartasuna adierazi familiari eta Alderdi sozialistari; gero, Ismael erail izana gaitzesten duzula esazu; ondoren, aitortu ezker abertzalearen helburu politikoentzat kaltegarria dela Ismaelen hilketa; gero, ETAk bere ekintza gelditu behar lukela eta gelditu dezala eskatu ezazu;...
Erantzun honi
Re: PSE-EEko zinegotzi ohi bat hil dute Arrasaten
Josu ¦ 2008-03-07 ¦ 16:48
Luistxoren eskariari nire atxikimendua, eta familiari eta sozialistei nire babesa. Aski da!
Erantzun honi
Re: PSE-EEko zinegotzi ohi bat hil dute Arrasaten
indezent ¦ 2008-03-07 ¦ 17:26
Ni ere abstenitzekoa nintzen ezker abertzaleak deialdia egin aurretik. Ideia berdinarekin jarraitzen nuen baina gaurkoak barneak erre dizkit. Nik ere, igandean zuri.
Erantzun honi
Ez gure izenean!! Igandean boto zuria.
Inma ¦ 2008-03-07 ¦ 17:35
Ezker abertzalea ezin daiteke isilik geratu.
Nik boto nuloa emango dut.Erantzun honi
Re: PSE-EEko zinegotzi ohi bat hil dute Arrasaten
ETA espainiar faxistak ¦ 2008-03-07 ¦ 18:36
Barkatu gotzon, baina ni ere ezker abertzaleko militantea naiz, baina ez dut nire burua kriminalizatuta ikusten hemen. Eta arazo larria duzu ETAren aurkako esaldi batzuetan zure burua kriminalizatuta ikusten baduzu.
Abstenituko nintzen, baina ideiaz aldatu naiz zeharo, eta bozkatzera joango naiz. Badaude zuk aipatutakoak baino aukera gehiago. Eta ikusi nahi ez baduzu, ez duzulako nahi da. Hor konpon.
Oso nazkatuta nago zu bezalako sasi-abertzale eta ume-mokoekin. Oso onak gara gu biktimak garen arazoak salatzen, baina biktimak besteak direnean mutu, ez? Ze nolako sinesgarritasuna da hori?
Herenegun asko haserretu nintzen Pueyoren hitz batzuekin. Bozkatzera joatea ilegalazioak, torturak... babestea dela esan zuen. Baina ze demontre? Hiruko erregela horri jarraiki, abstenitzea ze da ba, ETA babestea? Mesedez. Ze sinesgarritasun dute ezker abertzaleko buruzagi batzuek?Erantzun honi
Re: PSE-EEko zinegotzi ohi bat hil dute Arrasaten
iker ¦ 2008-03-07 ¦ 18:49
Abstentzioaren alde ETAren alde egon gabe. (Barka gaztelaniazko aipua sartzea).
Santiago Alba Rico eta Carlos Fernández Liria, filosofoak, gaurko GARAn:
"Me preocupa, sí, que ETA haya pedido también la abstención. Pero que me preocupe ilumina de un modo aún más sombrío la situación. Esta analogía ya casi incriminatoria incrimina en realidad a todos los que, por activa y por pasiva, desde el gobierno y desde la oposición, me obligan a abstenerme junto a ETA cuando, en condiciones de libertad, votaría contra ella. Me abstengo también contra ella, a sabiendas de que son los que prohíben votar a 200.000 vascos -voto en mano- los que están justificando su existencia."
Izan gaitezke kritiko! Ez gaitezen pentsamendu bakarrean erori. Ez nago ETAren alde, baina igandean abstentzioa!Erantzun honi
Re: PSE-EEko zinegotzi ohi bat hil dute Arrasaten
makailu ¦ 2008-03-07 ¦ 19:09
Onargarriak dira heriotz zigor absurdo eta basati hau defenditzen dituzten ideiak? Gaurko erahilketa egiteko ideia eduki dutenen ideiak?
Nik bozkatu egingo dut,
beste ezker abertzale baten alde = gaurko hiltzaileen kontra
Erantzun honi
Re: PSE-EEko zinegotzi ohi bat hil dute Arrasaten
Jon ¦ 2008-03-07 ¦ 19:19
Betiko eztabaida, betiko eskaerak, betikoei. Zein neurritan lagunduko du ezker abertzaleak atentatua gaitzesteak? Ez naiz biolentziaren aldekoa, ez zaizkit horrelako gauzak gustatzen, baina ni ABSTENITU EGINGO NAIZ eta batere lotsarik gabe esaten dut. Eta horregatik ez naiz gaiztoa, ez naiz gaizki sentitzen eta ez diot inori azalpenik eman behar. Prest nengoke familiari nire doluminak adierazteko baina horrek ez du ekarriko nire ideiei uko egitea eta gainerako alderdiekin manifestazio batera joatea, adibidez. Besterik gabe. Herri puta hau...
JONErantzun honi
Re: PSE-EEko zinegotzi ohi bat hil dute Arrasaten
iker ¦ 2008-03-07 ¦ 19:27
Jon, ni zurekin guztiz ados.
Abstenitu egingo naiz. ETAren ekintzen aurkakoa naiz, atxekabetuta nago, baina ez nago prest beti bezala presioa oraindik erresistitzen dutenengan jartzeko (eta ez naiz ETAz ari, ze ezker abertzalea=ETA lehen Garzonek esaten zuen bakarrik, baina orain hedatzen ari da...).
> 13:30ak aldera tiro hotsak entzun dira Arrasaten, San Andres auzoan. Gizonezko bat lurrean dagoela adierazi du Udaltzaingoak.
>
> Eguneraketa: Isaias Carrasco da tirokatua eta hil egin da. PSE-EEko zinegotzi ohia, 42 urte zituen.
> Betiko eztabaida, betiko eskaerak, betikoei. Zein neurritan lagunduko du ezker abertzaleak atentatua gaitzesteak? Ez naiz biolentziaren aldekoa, ez zaizkit horrelako gauzak gustatzen, baina ni ABSTENITU EGINGO NAIZ eta batere lotsarik gabe esaten dut. Eta horregatik ez naiz gaiztoa, ez naiz gaizki sentitzen eta ez diot inori azalpenik eman behar. Prest nengoke familiari nire doluminak adierazteko baina horrek ez du ekarriko nire ideiei uko egitea eta gainerako alderdiekin manifestazio batera joatea, adibidez. Besterik gabe. Herri puta hau...
>
> JON
Erantzun honi
Re: PSE-EEko zinegotzi ohi bat hil dute Arrasaten
Xabier Larrañaga ¦ 2008-03-08 ¦ 20:08
> Herri puta hau...
>
> JON
Herri hau horrela definitzen duzu ("puta") eta gero gainera abertzalea zarela sinestarazi nahiko diguzu... ederra aberriarekiko maitasuna.
Ez dakit "ezker abertzalearen" kondenek edo gaitzespenek ezer konponduko duten, akaso egia da hitz soilak izango direla, baina egoera batzuen aurrean hitz egokiak erabiltzea beharrezkoa da. Zer konpontzen dute Batasunak presoen eskubideen alde egiten dituen manifestazioek? Eta hala ere egiten dituzte, egin behar direlako ze arraio! Ba pertsona bat gure herriaren (zure hitzetan "herri puta honen") izenean hiltzen dutenean zerbait esan beharra dago, nazkatuta gaudela eta ez dugula horrelakorik gehiago onartuko.
Batasuna-ANVk ez badu hilketa hau gaitzetsi nahi, hor konpon, gero ez daitezela besteongana etorri pena ematera, honezkero nahikoa eman digute-ta. Pena eta nazka. Beraien egoera salatzeko beraiek nahi dutena egin behar da, beraiek jarritako egun eta orduan (greba, manifestazioa, itxialdia, paroa...) bestela espainola, torturatzaileen aldekoa, apartheid-aren aldekoa... bihurtzen zaituzte. Ba beraiek ere egin dezatela guk nahi duguna egoera hau salatzeko, ezta? Bihar botoa ematera ez doazenak nik ETAren eta terrorismoaren aldekotzat har ditzaket, beraien neurri beraz epaituz.Erantzun honi
Re: PSE-EEko zinegotzi ohi bat hil dute Arrasaten
ETA espainiar faxistak ¦ 2008-03-07 ¦ 19:34
Jon, benetan uste duzu ez lukeela lagunduko ezker abertzaleak ETA gaitzestea? Izan gaitezen zintzo, benetan uste al du norbaitek ETAk ekinean jarraituko lukeela ezker abertzaleak, tinko, bereak eta bi esango balizkio? EZ.
Ezker abertzaleak gauza asko gaitzesten ditu, baina ETAren aurrean mutu. Ze motatako hipokrisia da hori? Ze motatako sinesgarritasuna? Zergatik egiten ote du?
Nik ere ez dut batere gustuko gaitzespenen jolasa. Oso hipokrita da. Edo bidegabekeri guztiak gaitzesten dituzu, edo batere, baina gauza batzuk baino ez gaitzestea, komeni diren gauzak baino ez gaitzestea hipokrita da. PSOE, PP, EAJ,... gauza bakatzuk bakarrik baino ez gaitzestearen hipokrisian daude. Baina ezker abertzaleak ere bai.
Demontre, pertsona bat hil dutela. Euskal Herri independentearen izenean gainean, hilketak berak Euskal Herria kaltetu baino ez badu egiten ere.
Pertsona bat hiltzea ez da txikikeria, ez da mutu geratzeko kontua. Ezker abertzaleak torturak salatzean erabiltzen duen indarrarekin ETA ere salatuko balu, zeharo ezberdina izango litzateke egoera. Ez dute sinisgarritasunik torturen aurrean oso kritiko badaude, baina ETAren aurrean mutu.Erantzun honi
Re: PSE-EEko zinegotzi ohi bat hil dute Arrasaten
Jon ¦ 2008-03-07 ¦ 19:51
Egia esan behar badizut, garai batean horixe pentsatzen nuen: gaitzes dezagun eta kitto! Baina ez, honezkero ez. Azken elkarrizketak eta gero zeharo erradikalizatu naiz eta kokoteraino nago. Eta bai, benetan pentsatzen dut horrek ez lukeela ezer konponduko. Esan bezala, ez dut nire jarrera inoren aurrean justifikatu beharrik.
Pena da herri honetan bihotzak hala gogortzea, baina horrek zeozer uzten badu agerian horixe baino ez da: konponbide baten premia larria.Erantzun honi
beste ezker abertzale baten alde = gaurko hiltzaileen kontra
ricardo ¦ 2008-03-07 ¦ 19:41
Makailuren azken esaldiarekin guztiz ados. Eta horregatik (ere) joango naiz igandean bozkatzera.
Bat egiten dut baita Luistxoren eskariarekin.
Pertsona bat tiroz hiltzea basakeria krudel eta onartezina da, inolako ideiek edo helburu politikoek justifikatzen ez dutena. Eta horrela ikusten ez dutenak dira idarkeriaren alde batera bakarrik begiratzen dutenak.Erantzun honi
Re: PSE-EEko zinegotzi ohi bat hil dute Arrasaten
Otsoa Benito ¦ 2008-03-07 ¦ 20:23
Espainolen estrategian erortzen ari zareten horiei;
ETAren biolentzia deitoratu behar dela diozue, eta arrazoi etikoak aipatu. Ezin da biolentzia etikoki justifikatu, ez ETArena ez ertzantzarena, ez estatuarena, ez inorrena, argi. Baina zuek ETArena bakarrik deitoratzen dezue sistematikoki. Beraz, zuen etikak ez du sinesgarritasunik neretzako.
ETAren biolentzia deitoratzea auzi politikoa bihurtu da, ez etikoa. Zeinek bultzatzen du politika hori eta zertarako? Espainolek bultzatzen dute, euskaldunon askatasun nazionalak eta indibidualak biolentziaz ukatzen dutenek; zertarako eta euskaldunon askatasun borroka oztopatzeko, berdin dio ETAkoak diren, edo EAJkoak diren, NaBaikoak, edo ANVkoak: deitoratzearen aitzakiaren bidez gure herriaren politika kontrolatu nahi dute, gure herria kontrolatu nahi dute. Terrorismoaren kontua propaganda hutsa da, eta zuek espainolen propagandaren araberako politika onartarazi nahi diozue ezker abertzaleari. Hipokresia handia behar da horretarako 725 preso politiko egonda espetxeetan, tortura eguneroko ogia denean, alderdiak ilegalizatzen direnean, egunkariak itxi eta abar luzea. Baina orain, ezker abertzalea jipoitzen ari diren honetan, hasi zarete beste batzuek ere deitoratzearen kontuarekin gure oinarri elektorala jateko asmoarekin. Ez dezue lotsarik, hori bai anti-etikoa.
Arrasateko alkate Inori: segiozu zure bihotzari, zure senari, ez egin kasu oportunistei, ez zaituzte zu nahi, ez zaituzte maite, erabili nahi zaituzte, ez besterik.
Igandean, nik abstentzioa, ez naiz hain tontoa. Sistema politikotik egotzi banaute, zergatik legitimatu sistema hori? Zergatik eman botua nirea ez den aukera bati? Ezker abertzalearen ilegalizazioa estatu-kolpe bat da (giza eskubideen kontua aparte utzita, noski), gure eskalan, gure politikagintza osoa baldintzatzeko. Ez du ezertarako balio zerbaiten kontra egitea, ez badezu ezer egiten aldatzeko. Abstentzioa da ilegalizazioen kontra egiteko modurik indartsuena orain eta hemen, nere ustez. Baina ilegalizazioak markatu behar du nere botuaren zentzua? Neretzako lehentasuna den arren, bai, argi. Baina beste batzuentzako ilegalizazioak ez dira lehentasun, gure eskubide zibil eta politikoak ez dira lehentasun. Orduan, zergatik eskatzen digute konpromiso etikorik eta konpromiso politikorik? Gu ez gaitu ETAk ilegalizatu, eta nazkante galanta izan behar da hori esateko.
Zergatik errespetatu behar ditut jokoaren arauak, gure herriak ez baditu onartu, nere herria ukatzen badute?
Hemen ilegalizatu dutena zera baita: abertzalea eta demokrata izatea aldi berean. Eta zuek, deitoraketaren apartheidean buru belarri sartu zareten horiek, Euskadiko Ezkerra bezala bukatuko duzue, ezinbestean, sistema politiko espainolak beste aukerarik ez dizuelako utziko, erne. Gure herriak aspaldi gainditu zuen tranpa hori. Adi: demokrata izateak ez du zerikusirik terrorismoa deitoratzearekin, ez izan inozoak.
Abstentzioa da aukerarik indartsuena espainolen dominazio-sistemaren egungo estrategiari aurre egiteko. Abertzaleok, segi borrokan, eta ez egin kaso politikoki amore eman dutenei, euren barnean onartu ez duten arren. Zuen borroka zuen buruarekin daukazue, ez ezker abertzalearekin. Ezker abertzaleak molestatzen dizue egunero gogoraratzen dizuelako zer gertatzen den hor kanpoan, errelaitatearen munduan, zuen mundu aburgesatutik bi metrora. Ostrukarena egiten ari zarete, eta zuen jokaera aldatu beharrean egoerari aurre egiteko, zuen pentsakera aldatzen ari zarete, zuen oreka psikologikoa babesteko. Koldarrak. Ez badezue lagundu nahi, ondo da, baina ez zaitezte etsaiaren konpartsa izan, duintasunez bederen.
Doluminak Isaias Carrascoren sendiari, nahiago nuke zuen senide zenarekin biharko eguna jaiotzen ikustea.Erantzun honi
Re: PSE-EEko zinegotzi ohi bat hil dute Arrasaten
Telmo ¦ 2008-03-08 ¦ 13:17
"Espainolen estrategian erortzen ari zareten horiei"
Hitzaurre horren ostean irakurtzeari uko egin beharko genioke, baina zuen biktimismoa areagotzea besterik ez genuke lortuko...
"ETAren biolentzia deitoratu behar dela diozue, eta arrazoi etikoak aipatu. Ezin da biolentzia etikoki justifikatu, ez ETArena ez ertzantzarena, ez estatuarena, ez inorrena, argi. Baina zuek ETArena bakarrik deitoratzen dezue sistematikoki. Beraz, zuen etikak ez du sinesgarritasunik neretzako."
Irakaspen etikoak ematera al zatoz? Sustatuko blogarietako inork ez du sekula ez ertzaintzaren, ezta Estatuaren biolentzia etikoki justifikatu. Are gehiago esango nuke, sarri adierazi dugu Euskal Herrian bizi dugun salbuespen egoeraren aurkako jarrera. Gizakion eskubideen aurkako jarrera oro salatzen dugunez gero, atzoko langile euskaldun baten erailketa krudela ere deitoratzen dugu.
"ETAren biolentzia deitoratzea auzi politikoa bihurtu da, ez etikoa."
Isaias gajoaren kasuan nabarmen. ETAk "Espainiar Estatu zapaltzailearen" makinariaren pieza garrantzitsuenetakoari golpe zuzena eman dio. Zutaberen datorren zenbakian horrela azalduko dute ziurrenik, eta nik barre egingo nieke mozura (kar kar kar), baina izan diren heriotz, zauritu, espetxeratu eta errepresaliatu guztiei errespetuz ez dut egingo.
"Terrorismoaren kontua propaganda hutsa da, eta zuek espainolen propagandaren araberako politika onartarazi nahi diozue ezker abertzaleari."
Bai, egia da, Isaias ez dute benetan hil. Politikak telezuzendutako hedabideek asmatu dute guztia.
"Hipokresia handia behar da horretarako 725 preso politiko egonda espetxeetan, tortura eguneroko ogia denean, alderdiak ilegalizatzen direnean, egunkariak itxi eta abar luzea."
Hipokresia behar da, barkatu esatea, presoen giza eskubideen alde borrokatu bai baina ETAren akatsei bizkarra emateko. Gizaseme eta emakume guztion eskubideak ez al dira defendatu behar ala?
"Baina orain, ezker abertzalea jipoitzen ari diren honetan, hasi zarete beste batzuek ere deitoratzearen kontuarekin gure oinarri elektorala jateko asmoarekin."
Ezkerraren eta abertzaletasunaren patrimonializazioak jipoitzen gaitu gutako asko. Galdetu zuen buruei zergatik egiten dugun alde zuen oinarri elektoraleko geroz eta kide gehiagok.
"Ez badezue lagundu nahi, ondo da, baina ez zaitezte etsaiaren konpartsa izan, duintasunez bederen."
Duintasuna al da arrasatear bat atzetik tirokatu eta beste aldera begiratzea? Hori salatzea etsaiaren konpartsa izatea da? Zein da Euskal Herriaren askatasunaren benetako etsaia?
"Doluminak Isaias Carrascoren sendiari, nahiago nuke zuen senide zenarekin biharko eguna jaiotzen ikustea."
Kontzientzia garbiago izango duzu seguruenik. Hau bai hipokresia!
Erantzun honi
Re: PSE-EEko zinegotzi ohi bat hil dute Arrasaten
Telmo ¦ 2008-03-07 ¦ 20:43
Oraindik ere buruan daukat Arrasatera autopistatik heldu eta Isaias lanean ikusten nuenean beti pentsatzen nuela: joder, herri hau ez dago sano, langile xume bat eskoltakin egon beharra ere... Gaurkoan pentsamendu bakarra datorkit burura, argi eta ozen:
NIRE IZENEAN EZ! EUSKAL HERRIATARRON IZENA ZIKINDU BESTERIK EZ DUZUE EGITEN.
Erantzun honi
Re: PSE-EEko zinegotzi ohi bat hil dute Arrasaten
Patxi ¦ 2008-03-07 ¦ 20:59
"Abstentzioa da aukerarik indartsuena espainolen dominazio-sistemaren egungo estrategiari aurre egiteko"
Penagarria eta etsigarria guztiz Ezker Abertzalearen estrategia guztia!. Nik beraiek bezala pentsatzen dut, ideiak konpartitzen ditut: lurraldetasuna, herri ukazioa, independentzia, sozialismoa, euskalduntasuna... baina ezin dut konpartitu goian azaldutako lelo maximalista tonto horiek. Iparreko Korean idatzitako pankarta erraldoi bat dirudi.
Eta zer esan gaurko hilketari buruz? nazka nazka eginda naukatela. Politikoak kartzelaratuak eta mutu, lan politikoa egin gabe (noiz eta inoiz baino beharrezkoagoa denean!) eta txanda emanez horrelako basatikeriei.
Nik noski bozkatuko dudala! ETAri muturrean emateko! eta , arren, nire bozka Ezker Abertzaleari ematen nionean duina eta intelijentea bazen ez hasi orain pentsatzen ni naizela aldatu dena. Autokritikarako gogoeta gehiago eta tiro gutxiago mutilak!Erantzun honi
Burgesia menperatzailearen morroia hil dute
mikel ¦ 2008-03-07 ¦ 21:09
Ikusi duzue non bizi zen, ¿aberats? auzoan, lantokia ikusi duzue, sari ederra bere klaseari traizioa egiteagatik.
Borrokalariok, lasai, maite zaituztegu esango duen norbait izango duzue harrapatzen zaituztetenean.
Bitartean herri hau pikutara, baina berdin dio, zeuek konponduko duzue dena irabazten duzueneanErantzun honi
Re: PSE-EEko zinegotzi ohi bat hil dute Arrasaten
xa2 ¦ 2008-03-07 ¦ 23:14
Zorionak Sustatu, ez zarete isilik gelditu eta eztabaida piztu duzue.
Batzuk beste koldarkerria batzuk ere badaudela esango dute, eta horrela da ere.
Baina horrek ez du inor salbatzen. Gaurkoa koldarkeria hutsa (eta hutsa benetan) izan da.
Erantzun honi
Re: PSE-EEko zinegotzi ohi bat hil dute Arrasaten
axier ¦ 2008-03-08 ¦ 00:32
Aiba! Ez nekien baina herri honetan ez bide zegoen gatazkarik eta den-dena normalizatuta zegoen.
Horregatik dabil aztoratuta mundu guztia. Dena konponduta zegoen eta inork ere ez zuen honelakorik espero.
Azken hilabeteetan ez da atxiloturik egon, ez torturaturik ez bizitza osorako kondenaturik eta konponbidea erabat adostuta zegoen.
PP eta PSOE partidu guztiz demokratikoak ziren eta EAJren lan eskerga eta interesbakoari esker, ETAk armak betirako utziak zituen.
Oso ondo dago dolua eta amorrua adieraztea signo bateko edo bestelako gertaeren aurrean baina hori ez da nahikoa. Lan gehiago eta hobea egin behar konponbidearen alde. Politikariei gogorrago eskatu behar zaie horretan benetan murgiltzeko eta itzulinguruka ez ibiltzeko.
Bestela bihar honelakorik berriro gertatuko da eta etzi beste preso bat hilko zaigu kartzelan.Erantzun honi
Re: PSE-EEko zinegotzi ohi bat hil dute Arrasaten
Telmo ¦ 2008-03-08 ¦ 01:57
"Aiba! Ez nekien baina herri honetan ez bide zegoen gatazkarik eta den-dena normalizatuta zegoen."
Jada politikarekin zerikusirik ez zuen langile bat jo eta fuego akabatzeak (bere emazte eta alabaren aurrean) gatazkarekin zerikusia duela esan nahi al duzu? Beno ba, bakoitzak pentsa dezala gura duena. Nik ez dut hortan inongo ekintza politikorik ikusten, erailketa koldar eta basati bat bezterik ez da izan.
Erantzun honi
Re: PSE-EEko zinegotzi ohi bat hil dute Arrasaten
Iker ¦ 2008-03-08 ¦ 12:30
Axier, azalduko didazu mesedez zein erlazio zuzen edo ez-zuzen dagoen Isais Carrascoren erailketa eta
zuk azaltzen duzun guztiaren artean?
Batzuk aspaldi ari gara herri eraikuntzan lanean baina ezinezkoa da aurrera egitea ETAk bere pentsaera berbera ez duen jendea hiltzen badu beraien pentsatzeko eragatik.
Isaiasen erailketak ez ditu inondik inora hobetuko zuk deskribatzen dituzun injustiziak, ez du kartzelan hilko den preso baten bizitza salbatuko, ez du demokrazia ekarriko Euskal Herrira, ...
Beti bezala gauzak nahastuz erantzuten diozue krimen bati.
Erantzun honi
Re: PSE-EEko zinegotzi ohi bat hil dute Arrasaten
axier ¦ 2008-03-09 ¦ 22:11
a bale, orduan zuen ustetan hau gertatzen da besterik gabe. Bueno, dena nahasten ibiliko naiz baina orduan ez naiz bakarra ze, ziur nago politikarekin zerikusirik ez baleuka, asko jota hildako emakumeen parera ailegatuko litzateke dolu adierazpena eta inolaz ere ez izaten duen oihartzunik (askotan oso hipokrita, dena esateko).
Erantzun honi
Adierazpen bat blogosferan
Luistxo ¦ 2008-03-08 ¦ 08:26
norbaitek hiru hizkuntzatako edo adierazpen txiki bat zabaltzeari ekin dio blogosferan
Erantzun honi
Re: PSE-EEko zinegotzi ohi bat hil dute Arrasaten
clint eastwood ¦ 2008-03-08 ¦ 14:13
> 13:30ak aldera tiro hotsak entzun dira Arrasaten, San Andres auzoan. Gizonezko bat lurrean dagoela adierazi du Udaltzaingoak.
>
> Eguneraketa: Isaias Carrasco da tirokatua eta hil egin da. PSE-EEko zinegotzi ohia, 42 urte zituen.
> URLA:http://goiena.net/arrasate/albisteak/tiroketa-san-andresen
Baneraman jada aste pare bat biharko egunean zer egingo nuen pentsatzen. Nik Ezker Abertzaleari eman diot betidanik botua, lurraldetasun helburuak eta helburu politikoak guztiz konpartitzen ditudalako. Hasiera batetan konfidantza betea eman nion, esate baterako pasatako auteskune batzutan abstenziora deitu zuenean artaldeko arkume bat bezela abstenitu nintzen, baina segituan konturatzu nintzen etzuela ezertarako balio izan. Ezker Abertzalearen bere norabidea askotan kritikatu dut, eta berriz ere egiten dut "Abstenzio Aktiboa" leloa entzuten dudanean. Barregurea ematen dit horren kontzeptu absurdoak, egitazko zentzurik badu nik boto zuriaren bidez eramango dut aurrera, ilegalizazioaren aurkako botoa, ETAren ekintza absurdoen aurkako botoa, alderdi oportunista eta sasi-demokrarikoen aurkako botoa, herri inkorfomistaren botoa.
Ezker Abertzale berri baten alde!Erantzun honi
Badator udaberria, badator Euskal Hilerri berria!
etnaicsurF ¦ 2008-03-08 ¦ 17:49
Agian memoriak kale egingo dit baina ezker abertzale 'ofizialak', orain lau urteko Madrileko atentatu beldurgarria gaitzetsi zuelakoan nago. Krudela, langileriaren aurkakoa... omen zen.
Isaiasen hilketa ordea, Euskal Herriak eta estatuak bizi duten gatazkaren ondorio latz bat baino ez omen da.
Demagun, Isaias beharrean, PSOEren pegatina bat daraman ume bat dela tirokatua. Hori ere Euskal Herriak eta estatuak bizi duten gatazkaren ondorio latz bat baino ez litzateke izango?
Where is the line? Non dago muga?
Sozialista, sindikalista, langile xumea, herriak aukeratutako udal zinegotzi ohia. Horiek bai krimen barkaezinak.
Isaias hil duzun anker bihotzgabe hori, ez zaitugu maite!Erantzun honi
Re: PSE-EEko zinegotzi ohi bat hil dute Arrasaten
karmele ¦ 2008-03-09 ¦ 08:58
Isaias Carrasco da tirokatua eta hil egin da. PSE-EEko zinegotzi ohia, 42 urte zituen.
Arrasatekoa ez da "beste bat" gehiago izan. Izan da "beste astakirtenkeria bat" gehiago.
Poliki-poliki, batzuen eta besteen kirtenkeriekin, herria gogaitu egin da (gogoa ahitu egin zaigu).
Noiz arte agoantatu behar dugu? Ordua da guk denok (eta ez gure izenean hitz egiten dutenek) planto egiteko.Erantzun honi
Psikosis soziala
Carlos ¦ 2008-03-10 ¦ 02:50
Beldurgarria BAI dela komunikabideek herritarrengan psikosis soziala sortzeko duten gaitasuna. Pertsona bat hil dute tirokatua, gertaera oso gogorra, baino horregatik joan behar gara bozkatzera? Artikulu honen eztabaidaren funtsa zein da, hilketa bera edo bozkatzera joan behar dugun ala ez? Ez al zarete konturatzen hori politikoek zabaldu duten ideia dela, herritarrek bere egitea lortu dutena? Aspaldian ikusi dudan gauzarik gogorrenetako da Isaiasen alargunak, jendea bozkatzera joateko egin zuen propaganda, hori bai dela gauza ulertezina eta gogorra ikustekoa.
Ta ETA edo etakideak kriminaltzat hartzen dituztenen eta NAZKA ematen dietenei (irakurri Plan ZEN, PSOEk diseinatua): Niri ikuspegi hori oso legitimoa iruditzen zait, eta ulergarria, baina ETA, euskal herrian bizi den eta izan den gatazka baten produktu eta espresioa da, eta urtez urte gizon-emakume berriez hornitzen dena kate amaigabean, gizarte honetan bizi den multzo handi batek (Euskaldunetaz ari naiz, ez ezker abertzaleaz), sekulako BIOLENTZIA kulturala, identitarioa, hizkuntzarena, judiziala, politikoa, errepresiboa, militarra... jasan duelako eta jasaten duelako.
Jende batek dio bozkatzea dela eman beharreko erantzuna: zeini? burges madarikatu horiei? dirua eta botereaz aparte, zirko erromatarraren eta irrifarreen atzean mehatxua, inposizioa, gezurra, errepresioa, dominazioa eta biolentzia erabiltzen duten horiei? Hori da ni harritzen nauena, biolentoei erantzuteko ezkutuko biolentzia eta biolentoak legitimatzea bozkaren bitartez.
Hitz hauek agian nahiko gogorrak dirudite, baina histeria kolektibo honen aurrean, aberasgarria izango den iritzia iruditzen zait.Erantzun honi
Re: Psikosis soziala
iban ¦ 2008-03-10 ¦ 11:13
Baina (Imanol Muruak ondo azpimarratzen zuen bezala) bizitza bizitza da.
Eta nik ez dut histeria kolektibo handirik nabaritu artikulu honen erantzun gehienetan. Bai ordea nekea, etsipena, itxaropen gutxi eta, hala ere, zerbait egiteko premia. Erantzun gutxi batzuen fanatismo-puntuak asaldatu nau gehiago. Gutxiengoaren erantzunek.
Ez dakit euskal gizartearen gehiengoak konpartitzen duen egoeraren inguruko zure ikuspegi apokaliptikoa (atzoko hauteskunde emaitzak kontuan hartuta, ez dirudi), baina hala balitz ere (eta kontu batzuetan hala da), horrek ez du esan nahi horri aurre egiteko ondorio "naturala" ("gatazka baten produktu eta espresioa") langile xume bat bost tiroz hiltzea denik.
Erantzun honi
Carlosi
Kerman ¦ 2008-03-10 ¦ 16:13
"Artikulu honen eztabaidaren funtsa zein da, hilketa bera edo bozkatzera joan behar dugun ala ez? Ez al zarete konturatzen hori politikoek zabaldu duten ideia dela, herritarrek bere egitea lortu dutena?"
Sinetsidazu, Carlos, politikoak ezer zabaltzen hasteko denbora eduki baino lehenago erabaki nuela abstentzioari uko egitea, atentatuaren berri izan bezain laster. Ordura arte, abstentzioa zen nere aukera.
Badakit ilegalizazioaren aurkako abstentziora jo zuen asko ETAren ekintzaren aurka dagoela, eta "ETAk abstentzioa eskatu arren" abstenitu dela, ez "ETAk abstentzioa eskatu duelako". Errespetagarria eta ulergarria.
Baina, zoritxarrez, ETAk Isaias Carrasco hiltzea bezalako erabaki burugabeak hartzen jarraitzekotan, horrelakoak egin ahal izateko nahikoa babes badaukala sentitzen duelako da, horrelakoak egin arren babes hori izaten jarraitzen duela sentitzen duelako.
Horregatik, nere ustez, zentzu osoa zeukan hilketa horren ondoren bozkatzera joateaz edo ez joateaz eztabadaidatzea.Erantzun honi
