Egunkaria eta Berria, akritikoak ETArekin, Baztarrikaren iritziz

#1. Re: Egunkaria eta Berria, akritikoak ETArekin, Baztarrikaren iritziz

Jon Mikel ¦ 2008-02-25 ¦ 09:17

Diskrepantzia ona da, noski, baina EAJkoek diskrepantzia bideratu nahi dutenean, gaztelaniaz noski, Vocentora jotzen dute. Imazek sarritan eta Baztarrikak orain. Eta ez Berrian, beren "diskrepantzia"-ren jomugan. Horrek esan nahi ote du EAJk "plaza"tzat (edo foroa, edo senatua, edo gauzak esateko leku neutrala) jotzen dituela Vocentoko medioak?

Berriz ere indartuko ditugu Baztarrikak berak zuzentzen duen Sailburuordetzaren helburuen aurkako komunikabide erderazaleak.

Eta eskertuta egongo da, gainera, argitaratzen utzi diotelako.

Nik ere diskrepante izan nahi dut Baztarrikaren polita egiteko moduarekin. Banoa Vocentora...!

Jon Mikel

> Hizkuntza Politikarako sailburuordeak, Patxi Baztarrikak, artikulua idatzi zuen atzoko El Correo egunkariarentzat non dioen *Egunkaria* bere garaian, eta *Berria* gaur egunean "akritikoak" direla ETArekin. *Berria* "euskaldun guztien egunkaria izan beharko litzateke, eta ez da", dio Baztarrikak. Egunkariako auzipetuei elkartasuna ere adierazten die, itxiera eta prozesu judiziala gaitzetsiz.
> URLA:http://www.elcorreodigital.com/vizcaya/20080224/opinion/vosotros-desde-discrepancia-patxi-20080224.html

#2. Re: Egunkaria eta Berria, akritikoak ETArekin, Baztarrikaren iritziz

joseba ¦ 2008-02-25 ¦ 09:41

Euskaldun guztionago al da EITB Baztarrikaren iritziz, Berriak eta Egunkariak behar luketen zentzu berean, ETArekin behar bezain kritiko eta beste zenbait gehiegikerirekin ere hala omen delako ?

Zerbait euskaldun guztiona izatearen muga ezin dugu jarri ETArekiko duen jarreran. Hala eginez gero, euskaldunen arteko banaketa ziurra izango da eta, batez ere, ETAk ezer gutxi duelako ikustekorik euskararekin.

Berriak eta Egunkariak euskaldunen iritziak biltzeko garaian aniztasuna islatu behar dute eta islatzen du/zuen. beste medio batzuk baino gehiago, ziurrenik.

zer deritzo Baztarrikak Jaurlaritzak EHAK (edo EAE/ANV) aukerarik gabeko egin inkestei, noiz eta zerrendak ilegalizatu aurretik ? ez al da Jaurlaritza euskalautonomierkidegotar guztiena, berria euskaldun guztiena baino maila handiagoan ?

#3. Re: Egunkaria eta Berria, akritikoak ETArekin, Baztarrikaren iritziz

Jone ¦ 2008-02-25 ¦ 10:04

Euskaldun askoren ustez, berriz, Euskal Telebista, Radio Euskadi eta Euskadi Irratia ez dira euskaldun guztion komunikabideak, besteak beste, guztiz komunikabide partzialak direlako.
Nola izango da inpartziala komunikabide bat, gainera, urte eta urtetan bere burua izan dena, kargua utzi ondoren, Bizkaiko Buru Batzarreko buru berria dela ikusita?
Egunkaria eta Berria aurrera!

#4. Egunkaria eta Berria, akritikoak ETArekin, Baztarrikaren iritziz

Iraultza ¦ 2008-02-25 ¦ 10:28

Artikulu interesgarria da eta euskaltzale askoren iritziarekin bat dator.
Noticias de Gipuzkoan ere argitaratu da artikulua, euskaraz, "Desadostasunak bizi gaituelako nauzue zuekin" izenburuarekin.

#5. Patxik ez ezik

Beti Guran ¦ 2008-02-25 ¦ 12:39

Bitxia da SUSTATUk gaztelaniazko artikulua bakarrik aurkitu izana. Bitxia, halaber, BERRIAk argitaratu ez izana. Bi izan daitezke zergatiak: Baztarrikak ez du BERRIAra bidali (ulergaitza litzateke), edo BERRIAk ez du argitaratu nahi izan (kezkagarria litzateke). Euskarazko artikuluan, hau dio Patxik, hitzez hitz: "Zintzo hitz eginda, zera adierazi behar dizuet gaur: urruti sentitzen naiz zuen defentsan hainbatetan erabiltzen diren argudioetatik. Ezinago urruti sentitzen naiz, adibidez, euskalgintza osoaren ordezkaritza euskalgintza horren zati bati zuzen edo zeharka eman nahi zaionean, erdi ahantzita mundu bat ez baizik mundu ugari dituela zorionez bereak euskarak. Urruti sentitzen naiz Euskaldunon Egunkariaren auziarentzat testuinguru politiko lerratua bilatzen eta nagusiarazten dutenengandik". Ez dakit Baztarrikaren hausnarketa osorik sinatuko nukeen, zati hori bai, tamalez. Ez zait indar handiko argudioa iruditzen EITBren jarrera are makurragoa dela leporatzea. EUSKALDUNON EGUNKARIAz eta BERRIAz ari gara. Euskalduna naiz, euskaraz ikasi dut, euskaraz bizi naiz. Euskaraz errazago hitz egin, idatzi eta irakurtzen dut. Hala eta guztiz ere, maiz zail gertatzen zait aipatu bi egunkariak neure sentitzea, batzuetan ez erostea gainetik zama bat kentzea da. Sentipen horiek Baztarrikarenak bakarrik balira, gaitzerdi. Baztarrikak ez ezik, beste hainbat euskaldunek ere afera hau berdintsu sentitzen dugula begitantzen zait baina. Eta ez dugu ezer egiten sentipen hori isilduta. BERRIAk hausnartzekorik ezer ez daukala eta dena primeran doala uste dutenek ez dute zikina alfronbra azpian ezkutatu besterik egiten. Euskarak denok behar gaitu eta BERRIAk ere bai.

#6. Re: Patxik ez ezik

Berriaz ¦ 2008-02-25 ¦ 13:01

baina zer egin dezake edo egin behar du (edo ez du egin behar) Berriak, zure ustez, zeureago senti dezazun ? zerk urruntzen zaitu Berriagandik ? noiz sentitzen duzu zurea ez dela ? ba al da erabat zure sentitzen duzun komunikabiderik ? eskakizun maila bera al duzu gainontzeko komunkabideentzat ? alegia, ETB ez ikustea zama kentze lez sentitu al duzu inoiz ?

#7. Re: Patxik ez ezik

Beti Guran ¦ 2008-02-25 ¦ 13:46

Noiz? Sarrixko. Albisteak, kazetari batek barik, alderdi jakin bateko ordezkariek idatzia dela dirudienean... Tortura mota bat besterik salatzen ez denean... Hamar iritzitatik bederatzi lerro berekoak direnean... Egunkariaren zuzendaritzak -ordaintzen dugun euro eta laurdenagatik ez balitz-, nik eta nire modukoek ez erostea nahiago duela sentiarazten didanean... Hitz batean esateko: euskaldun ororena ez dela pentsarazten didan bakoitzean. ETB itzaltzeko gogorik inoiz izaten duda? Baita ordenadorea ere!

#8. Porkojoneseko elkartasun ariketekin gogaituta

Portuko ¦ 2008-02-25 ¦ 13:08

Agi denez artikulua bai berriari bai garari ere bidali egin zitzaien. Orain arte argitaratu ez badute, espero izatekoa da bihar etzitan bide ematea. Tristea litzateke argitara ez ematea.
Dena den, lehen bi erantzunen edukiak bultzatu nau idaztera. Izan ere, Batasunakoak izan ez, baina Batasunari eta enparauei egiten zaien jazarpena salatzen dugun asko, aspertuta gaude Batasunako zenbait agintari txiki eta handiren jarreraz. Hau da, Baztarrikarekin artikuluarekin bezalatsu, askotan ikusi dugu elkartasuna adieraztea ez dela nork bere jarreratik egin dezakeen ariketa librea.
Herri honetako talde jakinekiko elkartasuna, talde horiek ezarritako gidoi estuaren araberakoa behar du; eta horrela egin ezean "etsaien zerrenda" osatzera igaroko da elkartasun emale ez-purua.
Gogaituta gaude EITBrekin eta Radio Euskadirekin, baina horiekin baino gogaituago gaude, eurekin edo euren aurka egotea beste aukerarik ez dagoela planteatzen dutenekin.

#9. Baztarrikaren artikulua euskaraz

Sustatu ¦ 2008-02-25 ¦ 13:37

> Bitxia da SUSTATUk gaztelaniazko artikulua bakarrik aurkitu izana.

Azkenean "Desadostasunak bizi gaituelako nauzue zuekin" izeneko artikulua pare bat tokitan aurkitu dugu euskaraz Interneten momentuz: Noticias de Gipuzkoan eta EAJ-aren webgunean

Eskerrik asko.

#10. Re: Baztarrikaren artikulua euskaraz

Jone ¦ 2008-02-25 ¦ 14:03

Sareko Argian ere atera da berri hau, Hari@-n, eta lotura batzuk jarri dituzte:

Desadostasunak bizi gaituelako nauzue zuekin (Patxi Baztarrika)
Patxi Baztarrika, Eusko Jaurlaritzako Hizkuntza Politikarako sailburuordea

"Duela bost urteko otsailaren 20 beltz hartatik, behin baino gehiagotan jaso dugu euskaltzaleok elkartasunerako deia. Behin eta berriz erantzun diot deiari (...) Garbi eta ozen adierazteko, auzipeturik zaudeten hamabi pertsonoi eta Euskaldunon Egunkaria itxi izanak kalteturiko langileei, ez diodala injustiziari inolako babesik emango, ez neure isiltasunez ezta hitz erdizka mintzatuta ere (...) Zintzo hitz eginda, zera adierazi behar dizuet gaur: urruti sentitzen naiz zuen defentsan hainbatetan erabiltzen diren argudioetatik. Ezinago urruti sentitzen naiz, adibidez, euskalgintza osoaren ordezkaritza euskalgintza horren zati bati zuzen edo zeharka eman nahi zaionean, erdi ahantzita mundu bat ez baizik mundu ugari dituela zorionez bereak euskarak. Urruti sentitzen naiz Euskaldunon Egunkariaren auziarentzat testuinguru politiko lerratua bilatzen eta nagusiarazten dutenengandik, ezin baitut onetsi ezker abertzale ofizialaren tesietan txertatu nahi izatea bestelako interpretazio eta arrazoibideak onartzen dituen afera. Urruti sentitzen naiz, bai, horrelakoetan. Baina bereziki urruti sentitzen naiz, guztiz urruti alegia, euskara eta euskalgintza ondare propiotzat erabili eta lohitzeko joera nabarmena duen ETArekiko jarrera akritikoan tematzen direnengandik. Euskaldunon Egunkaria bere garaian tematu zen bezala. Berria gaur ere tematzen den bezala". (2008-02-25)

Ikusi albiste hau ondorengo hedabideetan:

* Desadostasunak bizi gaituelako nauzue zuekin (Noticias de Gipuzkoa)
* Con vosotros desde la discrepancia (El Correo)
* Egunkaria eta Berria, akritikoak ETArekin, Baztarrikaren iritziz (Sustatu)

#11. Baztarrikaren artikulua eta Lizarribaren erantzuna Berrian

Eneko ¦ 2008-02-27 ¦ 00:54

Gaurko Berriak argitaratu du Patxi Baztarrikaren "Desadostasunak bizi gaituelako nauzue zuekin" artikulua eta ale berean Joxan Lizarribarrek, EKTko Administrazio Kontseiluaren izenean sinatzen duen "Zein da independenteagoa eta pluralagoa?" artikulua. Hau da, EKTko Administrazio Kontseiluaren erantzuna Patxi Baztarrika sailburuordeari.

Hemen Baztarrikarena eta hemen Lizarribarena.

#12. Re: Patxik ez ezik

pako ¦ 2008-02-25 ¦ 13:54

BERRIA eta EGUNKARIAN ez omen dago zuk bilatzen duzuna. Begibistakoa da, denak kontentu izatea ez dela erreza. Baina kioskoetan izango duzu noski zure aukera ondoen agertuko duen egunkaria. Izan daiteke, DIARIO VASCO,CORREO,DEIA, EL MUNDO...Denak ere inpartzialak ???? Hemen bakoitzak bere astoari egiten dio arre eta euskeraz geneukan egunkari bakarra itxi egin zuten. Eta euskalgintzan lana egin duen jendea kartzelara joatekotan dago. Horren aurrean ez dago beste diskurtsorik egin beharrik. Herri honetan bizi dugun egoera zaila erarik txukunenean isladatzen duen egunkari bat zen. Ez saiatu beraz, honako eta harekin dituen kidetasunak azpimarratzen. Hori jarrera zikina da. Erreza da ondokoaren pekatuak ikustea, baina Eusko JAurlaritzaren partaide den batek, zer esan behar du ba! Beraiek dituzten lotsak ikusi beharko lituzkete lehenik eta herritar batzuk izan ditzaketen eskubideen defentsan hankamotz gelditzen diren horiek, hobe dute beraien etxeko alfonbrak astintzeari ekin.
Paralelismo absurdo horiek egitea da gerora egunkari bat ixten duenaren bazka.

#13. BERRIA ALDERDIKOIA DA ETA KITTO!!!!

BERRIA erosi eta irakurtzen duen batek ¦ 2008-02-27 ¦ 23:19

Gaztelaniaz askotariko hedabideak daude, beraz, aukeratzeko aukera dugu. La Razon eta enparauek ez dute inor baino askotarikoagoa direnik esaten. BERRIAri dagokionez, euskaltzaleok ez daukagu aukeratzeko aukera handirik, bakarra dago, tamalez esango nuke nik. Askotarikoa dela dio halakok idazten duelako, baina ez gaitezen engaina, EKT eta enparauak ez iezaguzue inozo edo ergel aurpegira deitu, arren!Mariano Ferrer kazetariak ere El Mundon idatzi arren, PPrekin lerratuta dagoen hedabidea da El Mundo. BERRIAn informazioak izaten duen trataera (zer nabarmentzen duen gehien, zer azpimarratzen duen, zer gutxiesten, eta abar) setakeriaren gatibu den SEKTA baten ikusmoldearen emaitza da, ez besterik. Hobe luke Martxelok dimisioa eman, torturatua izan zenaren egoera hainbeste ez esplotatu eta fulamentuzko zuzendari bat izango balu BERRIAk. Era horretara Berria erosten eta irakurtzen segitzeko aitzakia izango dut.

#14. Re: Patxik ez ezik

Luistxo Fernandez ¦ 2008-02-25 ¦ 15:27

Hemen goian dio batek: Ez dakit Baztarrikaren hausnarketa osorik sinatuko nukeen, zati hori bai, tamalez. Lasai sinatu hori edo nahi duzuna. Anonimo ezkutuentzat erraza da edozer sinatzea.

Berria-ren lerroaz, tira, nik egoera politikoaz Euskal Herrian aurkitzen ditudan pentsamendu, independiente eta etikoenak hortxe topatzen ditut: Zaldi Eroa eta Anjel Lertxundi, egunero, eta Imanol Murua (nahiz eta iritzi zuzena ez duen egunero sinatzen). Kritikoak ETArekin, duda barik.

Patxi Baztarrika pertsonalki ezagutzen dut, eta errespetua diot. Gizon balekoa iruditzen zait. Baina esaldu hau ez zait bidezkoa iruditzen:

Zuekin nago, beraz; horrela ulertzen baitut nik euskalgintzak hil edo bizikoa duen aniztasunaren defentsa: zuen alde jarrita, zuengandik -eta gu geu elkarrengandik ere- garbi bereizten garen euskaltzaleon kemen demokratikoa helarazi nahi dizuet, zuek, halako batean, beste hainbeste egiteko gaitasuna erakutsiko duzuelakoan simetriazko norabidean.

Ez dakit simetriaren beste aldean nor ikusten duen Baztarrikak, baina Berria Baztarrikaren eskubide pertsonal eta demokratikoen alde dagoela ez dut dudarik egiten.

#15. Re: Patxik ez ezik

Mary Two ¦ 2008-02-25 ¦ 15:38

-Beti izan naiz Egunkaria-zalea eta Berria-zalea.
-Aspaldi utzi nion Batasunari botoa emateari, gogaituta.
-Nire inguruan ikusten dudan Batasunako jendeak Gara irakurtzen du, ez Berria, azken hori “ekidistanteegitzat” duelako.
-Batzuei beti aditzen diet Berria Batasunaren inguruko tresna dela; beste batzuei, berriz, koloregabeko produktu bat, ezin eutsizko oreka bat bilatzen duena.
-“Egur eroriari orok egur” esan ohi da, edo horrelako zerbait.
-Ez dakit zertara datorren orain eztabaida hau, hain justu Berria-k sekulako kolpe latza jaso duen unean. Oker ez banago, berdin gertatu zen orain dela bost urte Egunkaria betiko itxi zutenean: hilurren zegoela, haren zaurietan hasi ginen hatza sartzen, irekitasun-maila onargarria zuen ala ez epaitzen.

-Zergatik ez dugu eztabaida uzten, garai osasutsuago baten esperoan?

#16. Re: Patxik ez ezik

Beti Guran ¦ 2008-02-25 ¦ 17:09

Luistxo, SUSTATUn jendeak iritziak anonimoki ematen baditu, gauza bakarragatik da: zuek horrelaxe arauturik duzuelako. Bestalde, Luistxo, zure iritziak ez dira errespetagarriago izenez sinatzeagatik. Niri beste edozein moduz ematen dituzunean bezain errespetagarri zaizkit.

#17. Re: Egunkaria eta Berria, akritikoak ETArekin, Baztarrikaren iritziz

Susana ¦ 2008-02-25 ¦ 14:26

Lotsagarria.
Zer dio Patxi Baztarrikak artikulu horretan? Honakoa: adi jelkide zintzook, ez zaitzala inork engainatu, hauek terrorista batzuk besterik ez dira-eta. Zer ez du esan Baztarrikak artikulu horretan? Honakoa: beraz, itxi dezatela lehenbailehen hau ere, ni hizkuntza sailburu izanda gogotik ahaleginduko naiz eta EITBren gisako egunkari alde bakarrekoa sortzen, diru publikoarekin, eta euskal gizartearen sektore handi bat baztertzen duena. Administrazio kontseilurako hautatuko ditu gero Euskal Herriko frikien mahai nazionaleko kideak: Kalakako tertulianoak. Horiek bai pluralak!

#18. Gakoa Iñaki Gabilondok

Ander ¦ 2008-02-25 ¦ 14:43

Iñaki Gabilondo Argi eta garbi PSOE joerako kazetariak Arantzazu aldizkarian egin zioten elkarrizketan afera honen gakoa azaltzen zuen:

"Hoy no se busca información, sino confirmación".

Hala da, horregatik, bakoitzak egiten dio bere astoari tira. Horregatik, Baztarrika EITB zale da, Pernando Barrerna Gara zale, Ariztondo Deia zale eta Patxi Lopez El Pais zale.

Penagarria ez da hori, penagarria Vocento (Diario Vasco eta Correo Español) hain garbi abertzaleen etsai izanik, euskaldun eta abertzaleak egunkari horiek erosten ikustea da.

Españako eskuin mutur zale egunkari horiek Euskal Herrian salduenak!!, futbola eta eskelak politika baino gehiago tiratzen al dute?

#19. Re: Gakoa Iñaki Gabilondok

OLegario ¦ 2008-02-28 ¦ 14:10

> Españako eskuin mutur zale egunkari horiek Euskal Herrian salduenak!!, futbola eta eskelak politika baino gehiago tiratzen al dute?
>

Ei! Kontuz, formula majikoaren hiru osagaietako bat ahazten duzu eta: puten anuntzioak!!!

#20. Re: Egunkaria eta Berria, akritikoak ETArekin, Baztarrikaren iritziz

Norah ¦ 2008-02-25 ¦ 14:56

Oraingo honetan Baztarrika urrunegi joan da. Noiz eta orain horrelakoak idaztea.... Nabarmena da Berria-EKT-rekin minduta dagoela, duela bost urteko bataila galdu egin zutelako Baztarrikak eta Azkaratek Egunkaria-ko langile ohien aurrean..... Baina urrunegi joan da. Artikulua ondo irakurtzen badugu, ikusiko dugu Berria ez ezik herri aldizkari eta atari guztiak direla "akritikoak", herri aldizkari eta atari guztiek egiten dutela neurri batean ezker abertzale ofizialarekin.... Eta gaur egun hori esateak badakigu zer esan nahi duen: kartzela, ilegalizazioa, komunikabideen ixteak.... Ondo pentsatzen hasita, iruditzen zait Baztarrikaren asmoa ez dela izan Berria seinalatzea, Berria dianan jartzea; Baztarrikaren asmoa izan da argi uztea bere ustez Berria zer den: egunkari partziala, ezker abertzaleari lotutakoa (ez hazteko, harpidedun gehiago lortzea zailtzeko...). Gertatzen dena da gaur egun hori esatean Auzitegi Nazionalaren jo-puntuan jartzen duzula kritikatzen duzun hori..... Bukatzeko: zergatik idatzi du Baztarrikak idatzi duena justu momentu honetan? Egunkaria itxi zutela 5 urte bete direlako? Epaiketa hortxe-hortxe dagoelako? Ala Berria-ren bosgarren urteurren honetan Berriak, nonbait, inoiz bezain ez-instituzional segitzen duelako, antolaketa eta finantza aldetik itxura batean sendo segitzen duelako...... Bistan da nire iritzia zein den.

#21. Baztarrikaren artikulua Berrian eta Garan ere jaso zuten ostiralean

Eusko Jaurlaritzako Kultura Saileko prentsa-arduraduna ¦ 2008-02-25 ¦ 16:21

Patxi Baztarrika Hizkuntza Politikarako sailburuordearen iritzi-artikuluak (“Desadostasunak bizi gaituelako nauzue zuekin”) webgune honetan sorturiko eztabaida eta zalantzen aurrean, Eusko Jaurlaritzako Kultura Saileko prentsa gabinetetik hauxe argitu nahi dugu:
Artikulua Berria eta Gara egunkarietara ere bidalia izan zela, euskaraz, igandetik aurrera argitara zezaten eskatuz. Berriaren kasuan, gainera, asteazkenean deitu zitzaien esanez artikulua ostiralean igorriko zitzaiela.
Beste hainbeste esan zitzaien Noticias de Gipuzkoa (euskaraz), Noticias de Alava, Deia, Diario Vasco eta El Correo-koei. Hauek guztiek erabaki zuten igandean kaleratzea.

#22. Re: Baztarrikaren artikulua Berrian eta Garan ere jaso zuten ostiralean

Susana ¦ 2008-02-25 ¦ 17:15

Eta Patxi Baztarrika Hizkuntza Politikarako sailburuordearen iritzi-artikuluak (“Desadostasunak bizi gaituelako nauzue zuekin”) webgune honetan sorturiko eztabaida eta zalantzen aurrean, Eusko Jaurlaritzako Kultura Saileko prentsa gabinetetik ez al duzue beste ezer argitu nahi?

Ala zuek ere nahi duzuena soilik irakurtzen duzue? Ala ordaintzen dizuetenei komeni zaiena soilik irakurtzeko eta erantzuteko soilik trebatu zaituztete?

#23. Re: Egunkaria eta Berria, akritikoak ETArekin, Baztarrikaren iritziz

Norah ¦ 2008-02-25 ¦ 17:19

Egunkaria zen Euskal Herriko egunkaririk zabalena; Berria da Euskal Herriko egunkaririk zabalena. Zabalagoa izan daitekeela? Igual bai, baina baditut ezagun batzuk Berrian lan egiten dutenak, eta eguneroko obsesioa dute egunkari zabala, plurala egitea. Beraz, zuei, Berria-EKT-ko arduradunei eta langileei: segi ahalik eta egunkari onena eta zabalena egiten, segi lanean, eta ez erori Baztarrika eta enparauen eztabaida publiko morboso-obsesiboeetan. Ez du merezi.

#24. Re: Egunkaria eta Berria, akritikoak ETArekin, Baztarrikaren iritziz

patxi lurra ¦ 2008-02-25 ¦ 17:23

*"Nire inguruan ikusten dudan Batasunako jendeak Gara irakurtzen du, ez Berria, azken hori “ekidistanteegitzat” duelako."*

Neuk be holan ikusten dot apur bat. Geure ezagun batek are gehiago esan eban "Berria"ren hastapenetan: "Deia"ren itxura eukala mantxetak eta azalak orokorrean. Eta holan da, egia da. Baina berak mespretxuz esaten eban.

Egunotan, ganera, gogoratu naz neure jefeak orain dala urte batzuk (bost baino gehiago) galdetu eustana: "Aizu, eta erosten dozun egunkari horrek ("Euskaldunon Egunkaria") zer ideologia deuko?". Eta ez nintzan gai ondo erantzuteko. Ezker abertzaleko ideologia eukan? "Deia" edo "Noticias" baino gehiago baina "Gara" baino gitxiago.

"Berria"n neuk bai sumatu dot orekatze ideologiko bat, azken 5 urte hauetan. Hasteko, Martxelok jada ez dau editorialik idazten, eta egia esaten badeutsuet neuri Martxeloren editorialak bai iruditzen jatazan "The Organization"egaz akritikoak. Oso akritikoak. Eta gaur egun Luistxok aipatutakoez gain, Uxue Apaolazaren eguneroko arikuluak be kritikoak dira. Lautik bi beraz (Uxue Apaolaza eta Anjel Lertxundi alde batean, Amagoia Iban eta Koldo Aldabe ez hain kritikoak).

#25. Re: Egunkaria eta Berria, akritikoak ETArekin, Baztarrikaren iritziz

Ondatz ¦ 2008-02-26 ¦ 16:56

Beharrik izen batzuk agertu diren, bestela pentsa genezake Berria, izenik gabeko ente abstrakto batek (edo ETAk berak) egiten duela, ez jendeak, beste edozein egunkari bezala. Eta izenak ematen hasita, nik proposamen bat dut: atera ezazue hemen kazetari eta kolaboratzaile (a, ze hitz polita!) guztien zerrenda, eta banatu bi multzotan, alde batera akritikoak eta bestean kritikoak. Behin hori eginda, goazen haratago, eta akritikoen zerrenda hartuta, ikastaro batera bidali, titular kritikoak egiten ikas dezaten (beste edozein komunikabidek balio dezake), berriak modu kritikoan egiten ikas dezaten (hau ere edozein komunikabidetan ikasten da), etab. Ez duela funtzionatzen? Zerrenda hartu eta izen batzuk kendu, beste batzuekin ordezteko, hemen Aralarkoren bat, hor EAJko beste bat, PPkorik gabe ez dago kritikotasunik…
Ni, bitartean, Berriaren ale bakarraren ordez egunero hamar ale erosten hasiko naiz, zuetako batzuenak ordezteko…

#26. Re: Egunkaria eta Berria, akritikoak ETArekin, Baztarrikaren iritziz

neu ¦ 2008-02-25 ¦ 17:52

Batzuk lotsa gutxi eta aurpegia sendo.

Herri honetako euskaltzale asko ta asko batzen gaituena, nagusiki, Euskal Herri euskaldun baten alde lan egitea dugu. Horren baitan, batu edo urruntzen gara, ez bestelako kontuen gora beheran.

Eta batzuei gustatu edo ez, herri euskaldun baten alde lan egiten duten asko ta asko ezkertiar eta abertzaleak ditugu. Nik neuk ez daukat zalantzarik urteetan ezker abertzaleak euskalduntzean egindako lana handia izan dela (ezker abertzalea bere zentzu osoan).

Ezker abertzalekoa naiz, Berriako harpideduna, Garako irakurlea eta Berria gustoko dut, euskaraz delako eta lantzen duen ikuspegia euskararen egoera aintzat hartuz abiatzen delako. Euskararen egoerak lotura zuzena dauka herri honen egoera orokorrarekin. Euskararen kontra egin dute herri honen kontra egiteko.Eta hori isladatzen du Berriak.

Gora Euskal Herri euskalduna, independientea eta sozialista!

> Hizkuntza Politikarako sailburuordeak, Patxi Baztarrikak, artikulua idatzi zuen atzoko El Correo egunkariarentzat non dioen *Egunkaria* bere garaian, eta *Berria* gaur egunean "akritikoak" direla ETArekin. *Berria* "euskaldun guztien egunkaria izan beharko litzateke, eta ez da", dio Baztarrikak. Egunkariako auzipetuei elkartasuna ere adierazten die, itxiera eta prozesu judiziala gaitzetsiz.
> URLA:http://www.elcorreodigital.com/vizcaya/20080224/opinion/vosotros-desde-discrepancia-patxi-20080224.html

#27. Re: Egunkaria eta Berria, akritikoak ETArekin, Baztarrikaren iritziz

Zurdalur ¦ 2008-02-25 ¦ 18:44

> Zein da bekatua? Inork irakurri du artikulua osorik? Hasieran, tartean eta bukaeran eskaini dio elkartasuna Baztarrikak berriari; publikoki ere agertu izan da elkartasuna adieraziz behin baino gehiagotan.
Baina gainera berriaren ildo politikoarekiko ezadostasuna agerian utzi du, eskubide osoz, besteren artean berriak orain eta egunkariak lehen, euskaldun guztien, iritzi guztietako euskaldunen kazatatzat jotzen baitu bere burua. Eta ez, ez da. Ildo politiko jakin baten interesak defendatzen ditu berriak, eskubide osoz hori ere, baina neurri handi batean diru publikoei esker; iritzi bateko eta besteko euskaldunen nahiz erdaldunen diru publikoei esker ere bai.
Berriak nahi duen ildoari jarraitzeko eskubidea duen bezala, Baztarrikak eta beste askok ere, badute beren distantzia azpimarratzeko eskubidea.
Elkartasuna eskaini diote gainera, ezadostasunetik. Eta zer? Non dago bekatua?

#28. Re: Egunkaria eta Berria, akritikoak ETArekin, Baztarrikaren iritziz

ibai ¦ 2008-02-26 ¦ 00:08

Lagun batek beste bati elkartasuna eskaintzen dio. Eta diotso bere ustez putakume bat dela. Baina lasai egoteko, hala ere elkartasuna eskaintzen diola.

Zein da bekatua? Eskaini dio elkartasuna batak besteari; publikoki, begira zituzten guztien aurrean.
Baina gainera agerian utzi du bere ustez lagun hura putakume bat dela, eskubide osoz,

Elkartasuna eskaini dio gainera, ezadostasunetik. Eta zer? Non dago bekatua?

(Agian horrela gogorregia dirudi, baina argi ikus dezazuen, elkartasuna emateko baino, min emateko artikulua dela.)

Beste edonork artikulu hori idatziko balu, ez nuke gustoko izango, baina tira. Egin dezala nahi duena. Baina Baztarrikak? EITBrekin egiten ari direnarekin? Diru PUBLIKOAZ (oso osorik, ez Berriaren kasuan bezala), euskara baztertuz, eta hori denok ikusten dugu ETB1eko eduki kaxkarrekin (bai, Just For Laughs/Ero eta Bero horietaz ari naiz adibidez, edo Heroes ETB2an emititzeaz). Eta EITB inpartziala dela esaterik ere ez dago.

Zergatik Berriari eskatu eurek egiten ez dutena?

Bide batez, Luistxorekin guztiz ados, aipatzen dituen iritzi emaile horiek ETArekin kritiko dira, eta ni ere hala naizenez, ez dut ulertzen "akritikotasun" hori nondik atera duen Baztarrika jaunak.

Animo Egunkariakoei.

#29. Baztarrikarekin kritiko

joseba ¦ 2008-02-25 ¦ 18:38

bistan denez, zenbat buru, hainbat aburu. Berriak euskaldun guztiongana iristeko saioa egiten jarraitu behar du, orain arte bezala. Medio publiko nahiz pribatuetan eredua finkatzen du, nire ustez.

Harrigarriena da gaur, astakeria judizialarena atarian, Jaurlaritzako arduradun batek "akritikotasuna" etabar aipatzea, leporatzea kasik, Egunkaria eta Berriari. bistakoa da gasteizen akritikotasun gisa aipatzen dena, hegoalderago aldekotasun bezala ulertuko dutela. Baztarrikarekin kritiko agertu beste erremediorik ez dut.

mamiarekin ez nator bat baina eztabaida interesgarria da. unea eta moduarekin, berriz, okertu egin dela irizten diot.

#30. Egunkariaz eta Berriaz

Jozulin ¦ 2008-02-25 ¦ 20:32

Teoria konspiratzaileen zalea banintz, pentsatuko nuke haritz eroriarekin egurra egiteaz gain zutik dagoen beste haritza ere botatzeko prest dagoela baten bat, zertarako eta beste euskarazko egunkari superplural, megaekidestante, hiperaseptiko eta –jakina- instituzionala ateratzeko.
Baina ez, ez naiz teoria konspiratzaileen zale. Beraz, pentsatu behar dut betiko kontuarekin ari garela: euskarazkoa izateagatik soilik Euskaldunon Egunkariak lehen eta orain Berriak besteek gainditu behar ez dituzten hainbat azterketa gainditu behar dituzte. Egin dezagun hurbileko medio idatzien birpasa azkarra: Zein da Berria baino zabalagoa?: El Correo? Deia? El Mundo? El Pais? Barrez lehertzekoa litzateke kontu hau hain tristea ez balitz.

#31. BERAZ...

BERRIAK EZARRI NAHI DUEN ZENTSURAREN KONTRA ¦ 2008-02-27 ¦ 23:30

ERGO ... BERRIA EZ DA PLURALA. Baina areago joango naiz, besteak beste, politika eta hizkuntza-politika kontuetan ENAM deitutakoaren bozgorailu eta haren estrategiaren zein kontsignen jarraitzaile fidela da.

#32. Re: Egunkaria eta Berria, akritikoak ETArekin, Baztarrikaren iritziz

iturrizar ¦ 2008-02-26 ¦ 09:12

Euskaldunon Egunkaria eta Berriaren akzioduna naiz. Berria da erosten dudan egunkari bakarra, baina gero eta gutxiagotan erosten dut.
Zergatik? Askotan gustura sentitzen ez naizelako. Erosten dudanean ez ditut inoiz galtzen Zaldiero, Lertxundi, Murua eta Lakasta.
Baina gehienetan 'politika' orriak/albisteak irentsi ezinak dira niretzat.

#33. Re: Barrez lehertzekoa da sakralizazioa

Aitzol ¦ 2008-02-26 ¦ 10:02

Bazen garaia. Hala da. Berria egunkari arrunta da jokabide editorialari dagokionez.
Correo, Diario, País, Noticias, EITB edo La Razón bezain arrunta.
Besteek bezala, "nagusia" dauka. Baina besteek ez bezala euskaraz egina da, horregatik lortu du euskaldun askoren artean, bestela lortuko ez zukeen atxikimendua.
Atxikimendu horren mugak bi dira, ordea. Kazetaren kalitatea batetik eta peaje ideologikoa bestetik.
"Euskaldun guztien babesa behar duen" eta "euskara sustatzeko" produktu gisa aurkezten diren asko eta asko oso lerratuta daude ideologikoki. Zilegi bada, eskubidea badute, baina ezin dakioke exijitu jendeari ezaugarri horri ezikusiarena egitea.
Zori txarrez, euskarazko produktu handi nahiz txiki "zabal eta herrikoi" askoren lerratze partidista oso nabarmena da, zilegitasunak zilegitasun.
Besterik da nazionalista espainiarrek berriari egiten dioten jazarpen bidegabea. Horren aurrean inork ez luke isilik eta geldi geratu behar. Hori bai, askatasunez.

#34. Re: Egunkaria eta Berria, akritikoak ETArekin, Baztarrikaren iritziz

Epikuro ¦ 2008-02-26 ¦ 09:51

> Hizkuntza Politikarako sailburuordeak, Patxi Baztarrikak, artikulua idatzi zuen atzoko El Correo egunkariarentzat non dioen *Egunkaria* bere garaian, eta *Berria* gaur egunean "akritikoak" direla ETArekin. *Berria* "euskaldun guztien egunkaria izan beharko litzateke, eta ez da", dio Baztarrikak. Egunkariako auzipetuei elkartasuna ere adierazten die, itxiera eta prozesu judiziala gaitzetsiz.
> URLA:http://www.elcorreodigital.com/vizcaya/20080224/opinion/vosotros-desde-discrepancia-patxi-20080224.html

Ez dakit Berriak euskaldun guztion egunkaria izan beharko lukeen. Ez, seguru aski. Baina ukaezina da haren lerro editorialak euskaldun anitz uxatzen gaituela, eta hori ere esan behar da."Uxatu" diot, desadostasun hitza ez delako behar bezain adierazgarria kasu honetan. Batzuen giza-eskubideen urratzeak hoztasun kirurgikoez azaltzen ohi dira Berriaren orrialdeetan. Beste urratze batzuen kritika esplizitua zein inplizitua, aldiz, orri askotaz jabetzen da. Eta askok, Lertxundiren artikulu ederrak maite baditugu ere, ezin dugu diskriminazio hori jasan.

#35. Baztarrika, adixkide baten hiletan

Patxi Iraeta Zubeldia ¦ 2008-02-26 ¦ 10:06

Zu al zara hildakoaren emaztea? Kaixo, kaixo. Nik asko ezagutzen nuen Iñaki. Bai, txikitatik. Egia esan artarburu xamarra zen, ahoberoa ere bai, narraxa ere bai pixkabat… Baina bai bai, asko sentituko dugu haren falta. Nere doluminik bizienak.

#36. Re: Egunkaria eta Berria, akritikoak ETArekin, Baztarrikaren iritziz

aitor ¦ 2008-02-26 ¦ 10:35

Neu ere Berria-ko harpideduna eta akzionista naiz.
Sortu den eztabaida mamitsu eta interesgarri honen aurrean gauz asko esan nitzake, baina, laburra eta zehatza izan nahian,hauxe azpimarratu nahi nuke:

1. Ados nago, orokorrean, Baztarrikak Berria eta Euskaldunon Egunkariari egiten dion kritikarekin. Horren aurrean aipatu dira zenbait zutabegile eta iritzi-emaile. Neuk ere aipa dezaket ezker abertzalearen jarrera kritikatzeko idatzi ditudan gutun guztiak argitaratu dizkidatela Berrian. Baina, nire ustez, ez da nahikoa egunkari baten pluraltasuna neurtzeko aipatutako datuak. Horren aurrean ikusi eta aztertu behar da nola osatzen diren egunkariaren azalak, zeintzuk berriri ematen zaien tratamendu handiagoa edo txikiagoa... Eta alde horretatik, nire uste apalean, nahiko nabaria da jitea edo joera nagusia.

2. Ados iritziarekin... baina egokia al zen unea eta modua adierazteko? Honetan erabat nator bat Josebak dioenarekin: bizi dugun garai judizializatua, epaiketa baten zain gaudela... Eta, gainera, beste muturreko egunkari nagusietara bidaltzen bada, zer gehiago behar/nahi dute erabat bestelako lerro editoriala daramaten komunikabideek! Hemen akritikoa izatea dena, hemendik kanpo babeslea eta bultzatzailea interpreta liteke. Egokiagoa irudituko zitzaidakeen artikulua Berria, Gara, Deiara... igorria izan balitz eta "gure" arteko eztabaida sakona ireki.

3. Egunkari guztiek dute beren "jabea" eta beren "jitea" Alde horretatik zergatik izan zorrotzagoa Berria-rekin? Zergatik ez kritikatu horren zorrotz, adibidez, Vocento taldeko egunkariak euskarari ematen dioten tratamenduagatik?
Nik bi arrazoi posible ikusten ditu: bata, jokoan dagoena (ETAren existentzia harmatuak arriskuan jartzen duen bizitza-eskubidea) muntarik handieneko kontua delako; bestea, bakarra delako euskaraz daukagun egunkaria eta, hori dela-eta, berebiziko ahalegina egin beharko litzatekeelako oinarri-oinarrizko arazoetan ahalik eta euskaldunik gehienen sentsibilitateak jaso eta batzeko.
Edonola ere, neure burua ere ez dut erabat konbentzitu argudio bi hauekin. Beraz, honek guztiak ez du baztertzen neurri eta bitarteko berdina ez erabiltzea oinarrizko beste kontu batzuetan jarrera epela edota erasokorra erakusten dutenekin.

#37. Re: Egunkaria eta Berria, akritikoak ETArekin, Baztarrikaren iritziz

Norah ¦ 2008-02-26 ¦ 11:20

"Egunkari guztiek dute beren "jabea" eta beren "jitea" Alde horretatik zergatik izan zorrotzagoa Berria-rekin? Zergatik ez kritikatu horren zorrotz, adibidez, Vocento taldeko egunkariak euskarari ematen dioten tratamenduagatik?", diozu. Eta gehituz: zergatik ez kritikatu horren zorrotz Goienkaria, Hernaniko Kronika, Hitzak, UK, Anboto....? Euskadi Irratia, ETB, Ttipi Ttapa TB? Noticias taldea? Noticias taldeen euskarazko gehigarri negargarriak, Eusko Jaurlaritzatik dirutza jasotzen dutenak? zergatik ez Topagunea haren 10. urteurrenean? Arduradun politiko batek publikoan horrelakoak idaztea ez zait niri zuzena iruditzen, are gutxiago sektorearen eta sektoreko produktuen gaineko azterketa abian duenean Eusko Jaurlaritzak.

#38. Re: Egunkaria eta Berria, akritikoak ETArekin, Baztarrikaren iritziz

Joxe ¦ 2008-03-01 ¦ 09:43

> Ados nago, orokorrean, Baztarrikak Berria eta Euskaldunon Egunkariari egiten dion kritikarekin. [...] Eta alde horretatik, nire uste apalean, nahiko nabaria da jitea edo joera nagusia.

BAI HORIXE! HORREXEGATIK UTZI NION ASPALDI BERRIA EROSTEARI, NAZKA JASANGAITZA EMATEN DIDALAKO ETAK ETA BERE INGURUAK: NASKA JASANGAITZA, BENETAN!!!

#39. Re: Egunkaria eta Berria, akritikoak ETArekin, Baztarrikaren iritziz

Berriako irakurlea ¦ 2008-02-26 ¦ 11:18

Euskaraz irakur dezakegun egunkari bakarra desagerrarazteko lehen pausoak ematen hasi ote diren susmoa hartzen diot nik honi. Baztarrika eta enparauek urteak daramatzate Euskalgintza kriminalizatzen baina artikulu honekin jauzi kualitatiboa eman dutelakoan nago. Dirudienez hau ez da Baztarrikaren beste beroaldi bat, PNVren baitan ongi kalkulatutako Euskalgintzaren aurkako eraso berri bat baizik. Berria eta Euskalgintza ezker abertzalearekin lerratuta daudela behin eta berriz errepikatuz "Dignidad y Justizia" faxisten tesia elikatzen jarraitzen dute. Euskalgintza faxisten begipuntuan jartzen aritu dira azkenaldian baina oraingoan inoiz baino argiago. Zergatik? Ba beraien gabeziak ezkutatzeko, besteak beste, beraien hizkuntza-politikaren porrota ezkutatzeko. Nork ikusi du inoiz enpresa edota erakundeen alorrean helburu eta epe zehatzik gabeko plangintzarik? Ba horixe bera egiten aritu da Eusko Jaurlaritza azken hiru hamarkada hauetan, euskararen normalizazioa sine die luzatzen. Hori errealitate bat da eta ikusi nahi duen edonork baiezta dezake. Hori salatzen du Euskalgintzak behin eta berriz, baina baita euskararekin kezkatuta dauden beste eragile askok ere, tartean ezker abertzaleak baina baita ELAk edota Aralarrek ere, batzuk aipatzearren. Zergatik kriminalizatzen dute orduan Euskalgintza? Zergatik ari dira behin eta berriz faxistei "Euskalgintza=ETA" mezua helaratzen? Horrela jarraitzen badute ondorioak aurreikusteko modukoak izango dira eta orduan konplizearen malko faltsu horiek inoiz baino argiago ikusiko ditu... ikusi nahi dituenak.

KRIMINALIZAZIORIK EZ!
BERRIA AURRERA!
EUSKALGINTZA AURRERA!

#40. Re: Betiko jokabide gaiztoa

Eta Jul ¦ 2008-02-26 ¦ 13:12

Kritika ez da kriminalizazioa, ezker abertzaleko sektore batzuek gauza biak nahastu nahi badituzte ere, fede txarrez. Sailburuordeak idatzitako gutunak ez du ezelako eraginik izango faxista espainiarren aparatuaren ekimenean. Areago, haientzat Baztarrika berriaren sustatzaile da, ñabardurak alde batera utzita.

Hizkuntza politika eskasa garatu dute EAEko instituzioek orain arte esparru askotan, bai. Hori ikusi nahi duen edonork baiezta dezake. Baina beste hizkuntza politika eredu egingarririk ere ez da ageri inondik. Hori ere, nahi duen edonork baiezta dezake.
Hizkuntza politika eredu eraginkorra aurkezteko ardura, agintean hainbeste urtez dauden EAJ-EArena da, eta aspaldi honetan IU-EBrena ere bai. Hori da errealitatea. Noizko?

Bestalde, gaizto jokatzea da (ohituta bagaude ere) kritikak kriminalizazioarekin parekatzea, ezker abertzaleko sektore batzuek tradizio maltzur bihurtu duten arren.
Berriari edo euskalgintzako beste eragile batzuei kritika egin dieten euskaltzale askok berriarentzat onena nahi dute. Eta oro har euskalgintza guztiarentzat, Batasunazalea izan zein ez.

Oso anker, eta oker jokatzea da, adibidez berriari kritika egiteagatik, inor faxista espainiarren konplize izendatzea .
Hori ere, oso argi ikus dezake, ikus dezakeen orok. Eta horrek bai, horrek izan ohi ditu ondorioak, jakin nahi duen edonork jakin dezakeen bezala.
Berria aurrera eta euskalgintza aurrera!
Manipulaziorik eta koakziorik ez, eskerrik asko!

#41. Re: Betiko jokabide gaiztoa

Eta Jul ¦ 2008-02-26 ¦ 13:32

Kritika ez da kriminalizazioa, ezker abertzaleko sektore batzuek gauza biak nahastu nahi badituzte ere, fede txarrez. Sailburuordeak idatzitako gutunak ez du ezelako eraginik izango faxista espainiarren aparatuaren ekimenean. Areago, haientzat Baztarrika berriaren sustatzaile da, ñabardurak alde batera utzita.

Hizkuntza politika eskasa garatu dute EAEko instituzioek orain arte esparru askotan, bai. Hori ikusi nahi duen edonork baiezta dezake. Baina beste hizkuntza politika eredu egingarririk ere ez da ageri inondik. Hori ere, nahi duen edonork baiezta dezake.
Hizkuntza politika eredu eraginkorra aurkezteko ardura, agintean hainbeste urtez dauden EAJ-EArena da, eta aspaldi honetan IU-EBrena ere bai. Hori da errealitatea. Noizko?

Bestalde, gaizto jokatzea da (ohituta bagaude ere) kritikak kriminalizazioarekin parekatzea, ezker abertzaleko sektore batzuek tradizio maltzur bihurtu duten arren.
Berriari edo euskalgintzako beste eragile batzuei kritika egin dieten euskaltzale askok berriarentzat onena nahi dute. Eta oro har euskalgintza guztiarentzat, Batasunazalea izan zein ez.

Oso anker, eta oker jokatzea da, adibidez berriari kritika egiteagatik, inor faxista espainiarren konplize izendatzea .
Hori ere, oso argi ikus dezake, ikus dezakeen orok. Eta horrek bai, horrek izan ohi ditu ondorioak, jakin nahi duen edonork jakin dezakeen bezala.
Berria aurrera eta euskalgintza aurrera!
Manipulaziorik eta koakziorik ez, eskerrik asko!

#42. Re: Betiko jokabide gaiztoa

Iruñeatik ¦ 2008-02-28 ¦ 17:04

Argi dago zuk ikusteko gaitasuna izan arren ez duzula ikusi nahi edo maltzurragoa dena, ez ikusiarena egin nahi duzula. Egunkariaren aurkako epaiketak aurrera darrai Dignidad y Justiciaren salaketari esker eta hauen tesia ondorengoa da: euskara sustatzeko nahikoa da botere publikoen ekimena. Hortik kanpo euskararen alde ari diren guztiak ezker abertzalea dira, hau da, ETA. Hori horrela da IKUSI NAHI DUEN GUZTIARENTZAT eta testuinguru honetan, Egunkaria itxi zuteneko 5. urteurrenean, Baztarrikak tesi hori indartuz gutuna hedatzea, kriminalizazio saiakera anker eta premeditatua da IKUSI NAHI DUEN GUZTIARENTZAT. Gero zu eta zu bezelakoak krokodilo malkoz agertuko zarete (agian hori ere ez) baina benetan lortu nahi duzuena lortuko duzue: denbora baterako euskalginztaren ahotsa isilaraztea!

Kriminalizaziorik ez!
Itsukeriarik ez!

#43. ETA kriminala!!!

Joxe ¦ 2008-03-01 ¦ 09:52

> KRIMINALIZAZIORIK EZ!

> BERRIA AURRERA!

> EUSKALGINTZA AURRERA!

BAI ETA OZENKI ESAN DEZALA BERRIAK:

ETA KRIMINALA!!! ETA PIKUTARA!!!

#44. Re: Egunkaria eta Berria, akritikoak ETArekin, Baztarrikaren iritziz

Ibon Lizundia Leturiaga ¦ 2008-02-26 ¦ 12:59

> Hizkuntza Politikarako sailburuordeak, Patxi Baztarrikak, artikulua idatzi zuen atzoko El Correo egunkariarentzat non dioen *Egunkaria* bere garaian, eta *Berria* gaur egunean "akritikoak" direla ETArekin. *Berria* "euskaldun guztien egunkaria izan beharko litzateke, eta ez da", dio Baztarrikak. Egunkariako auzipetuei elkartasuna ere adierazten die, itxiera eta prozesu judiziala gaitzetsiz.
> URLA:http://www.elcorreodigital.com/vizcaya/20080224/opinion/vosotros-desde-discrepancia-patxi-20080224.html
Berriako irakurlea eta harpideduna naiz, eta lehen Euskaldunon Egunkariaren irakurle nintzen. Beste batzuek diotenaren aurka, niretzat Berria oso egunkari ona da; euskarazko bakarra eta plurala, eta ez nago ados BERRIA-k euskaldun asko uxatzen dituela diotenekin.
Zergatik ez du kritikatzen, Patxi Baztarrikak, denon diruarekin ordaindutako EITB taldea(ETB 1- ean Bilbo Bilbaoren ordez jartzeko gai ere ez dira)? Norbaitek entzun al du AHT-ren aurkako iragarkiren bat aipaturiko komunikabide horretan ? Hori al da plurala izatea? Zergatik Vocento taldeko El Correo egunkariak ez zuen ezer aipatu Euskaldunon Egunkariaren itxierari buruz bere bostgarren urtemugan? El Correo-ren abizena ikusi besterik ez dago, euskerarekiko duen jarrera ikusteko. Ez dakit nola erosten duten El Correo beraien burua euskalduntzat dutenek.

Harrigarria benetan, epaiketaren atarian Patxi Baztarrika jaunari bururatu zaiona; Euskal Herritik kanpora akritikotasuna aldekotasuna bezala ulertuko bait dute.

Besarkada bero bat auzipetuei eta Berriako langileei egiten duten lanagatik.

EGUNKARIA LIBRE !!!!

EPAIKETARIK EZ !!!

#45. Re: Egunkaria eta Berria, akritikoak ETArekin, Baztarrikaren iritziz

Jone ¦ 2008-02-26 ¦ 14:07

Hau ez da hain berria.
Mikel Aramendik elkarrizketa egin zion Martxelo Otamendiri 2003ko martxoan, Egunkaria itxi eta segituan, eta, besteak beste, galdera eta erantzun hauak irakurri genituen orduko hartan:

"- Erantzun horren osagai funtsezkoa da, dudarik gabe, Euskaldunon Egunkariaren hutsunea beteko duen beste egunkari oso bat plazaratzea. Miren Azkarate sailburuak birritan aipatu du egunkari berria beste era batekoa izan beharko lukeela, zabalagoa, horrek berak blindaje bat emango omen liokeelako... Zabaltasuna al zen Egunkariaren arazoetako bat?

M.O. Gauden egoera honetan, oso edukatua, oso eskolapioa izatera behartuta nago. Zabaltasunaz ari direnek, izan ere hain inkonmensurablea den kontzeptua, argitu behar dute zer den zabaltasuna, zein den zabaltasunaren dekalogoa, eta gainera ipini beharko lizkigukete geure inguruko kioskoan, ez Cape Townen, zeintzuk diren zabaltasunaren ereduak. Eta hartara jakingo genuke zertaz ari garen. Bestela, zuretzat Egunkaria sekula ez zen aski zabala izango eta niretzat nahiko zabala izan da. Beraz, konkreta dezagun zein den zabaltasunaren dekalogoa eta eredua; orduan jakingo dugu batzuk eta besteak zabaltasunaz ari garenean zer esan nahi dugun.

Itxi gintuzteneko aste horretan, Egunkarian F. Savater eta Imanol Lartzabal elkarrizketatu genituen, itxi gintuzteneko egun berean azken hau. Halaxe esplikatu nien epaileari eta guardia zibilei; hauen kasuan, esplikatzen nien bakoitzean, flexioak egitea tokatzen zitzaidan; epaileak ez, esplikazio guztia agoantatu zidan, hori bai Imanol nor den jakinarazi behar izan nion: kantari bat zela, Euskal Herria utzi zuena pintada mehatxagarri batzuk azaldu zirelako eta... Eta ondorengo astebururako prest geneukan Manolo Huertasekiko elkarrizketa, argitaratu gabe geratu behar izan zuena. Hori ez da Egunkariaren bataz bestekoa, baina jar iezadazu aste horretan target hori erakuts dezakeen euskal komunikabidea... Batzuek dioten bezala filoetarrak izateko... Baina hala ere, halako batzuen ustez, eta ez bakarrik PSOE edo PP-koen ustez baizik euskaltzale eta abertzale batzuen ustez, ez genuen behar adinako zabaltasunik.

Defini dezatela beraz, lehenik, zer den zabaltasuna, zein den zabaltasunaren dekalogoa eta eredua. Hori da ahoratzen zaidan erantzunik poligth-ena. Izan ere, hortik aurrera berotu egin naiteke eta... ez da garai aproposa.

- Ez ote gara berriro Egunkariaren oinordeko horren eduki guztia politika hutsezkoa izan behar balu bezala eztabaidatzen hasi, Egunkaria beraren sorrera-prozesuan gertatu zen bezalatsu?

M.O. Baina zeinek tratatu du Egunkariak baino hobeto Ibarretxe plana? Zeinek jarri zuen ingelesez Ibarretxe planaren bertsioa, Jaurlaritzak eta EAJk berak baino lehenago? Zeinek ipini ditu EAJko elkarrizketatuak ingelez Interneten? Zabaltasun demanda egiten diguten horiekin, gu aritu gara beraien alderdiak egiten ez zuena egiten. Ibarretxe planaren ingelesezko bertsioa (Jaurlaritzak itzularazia, ez guk, dena esateko) guk ipini genuen Interneten; eta joan den abuztuaz geroztik Egunkarian egin diren elkarrizketa politiko handi guztiak guk ordainduta itzuli dira ingelesera Internet argitaratzeko. Uste dut zabaltasunaren aitzakiarekin batzuek planteatzen ari direna Egunkariaren osaketa, jabetza eta kudeaketa dela. Eta hor dagoela benetako gakoa, esango nuke; eta horregatik jendeari esan behar zaiona da lastoa kendu eta bihiaz eztabaidatzen hasteko. Uste dut zabaltasunari dagokionean oso gutxi esan dezaketela. Guk nahi ez duguna da zabaltasunagatik egunkari inpersonal bat egitea, inori inolako kritikarik egingo ez diona.

Adibide bat jartzeagatik: oraintsu ertzainek Bittor Hidalgo atxilotu zutenean gertatua [oraintsu hikan ere kolaboratzaile izan dugun euskaltzale ezagun hau ertzain patruila batek atxilotu zuen Donostian, haiei euskaraz egiten enpeinatzeagatik, eta gero Egunkarian salatu zuen gertatua]. Zer egin beharko luke egunkari zabal horrek Hidalgoren kasuan? Berririk ez eman? Ez dadila antolatu presio mediatiko bat norbaitek Ertzaintzan esan dezan ez dela posible hogei urte pasa eta gero euskaldun bat euskaraz hitz egiteagatik atxilotzen duten ertzainak edukitzea? Zein dira zabalak, hori aipatu ere egin ez duten irrati-telebistak? Imajina ezazu Katalunian ze eskandalu sutuko litzatekeen horrelakorik gertatuko balitz... Zein da, beraz, egunkari zabalaren eredua: hori kritikatuko ez duena eta albiste hori gai propiotzat hartu eta jarraipen informatiboa egingo ez diona? Izan ere, M. Sanzek horrelakorik egingo balu... Foruzainek atxilotzen badute norbait euskaraz egiteagatik Iruñean, EAEn muntatzen den eskandalua kristorena da, eta pasako lituzkete hiru egun irrati-telebista publikoetan Sanzi egurra ematen. Hori bera hemen gertatzen denean, ordea, egunkari zabal horrek isildu egin behar ote luke? Horregatik eskatzen dut nik dekalogo bat, ea bertan ipintzen duten "ezingo zaio kritikarik egin Ertzaintzari"; edo "ezingo da insinuatu ere egin hemen torturak gertatzen ari direnik"...

- M. Azkaratek, agi denez, egunkari berriaren blindajearekin uztartzen du zabaltasun hori, hartara orain artekoak ez bezalako bermeak izango omen lituzkeelako...

M.O. Estatuak suntsitu nahi duen kultur egitura, zabaltasunarekin, eta ez benetako blindaje batekin, blindatuko dutela pentsatzea ere... Benetako blindajea litzateke goiz hartan hona 200 ertzain ekarri eta Guardia Zibilaren operatiboa disolbitzea. Hori eromena dela? Ipin dezatela orduan beste alternatiba bat!

Baina, adibidez, egia bada Arantzazuri buruz argitaratu zena, ze blindaje mota eman diezaiokete hari ere? Beste superior berri bat ipintzea eta autodeterminazioaren alde edo presoen alde hitza ateratzen duen praileren bat isilaraztea? Hori ez da blindajea. Benetako blindajea beste gauza da; gure kasuan, adibidez, Madrilera garamatzatenean ertzainen kontrol bat ipini eta gu auto haietatik gu askatzea izango zen. Badakit hori zientzia-fikzioa dela gure herrian, eta gainera haien probokazioan erortzea ere izan daitekeela, baina benetako blindajea hori da. Bestea, aitzakia besterik ez da."
(...)
http://www.pensamientocritico.org/mikara0403.htm

#46. Re: Egunkaria eta Berria, akritikoak ETArekin, Baztarrikaren iritziz

Norah ¦ 2008-02-26 ¦ 14:08

Nire ustez, argi dago mesede baino kalte gehiago egiten diela momentu honetan artikulu honekin Baztarrikak Egunkaria-EKT-Berriari. Eta galdera, Baztarrikaren jarrera defendatzen duzuen guztioi: edozein kritika egitea zilegi dela onartuta ere, zuzena iruditzen al zaizue sailburuorde batek, euskarazko hedabideen azterketaren eta diru laguntza deialdiaren ardura nagusia daukan sailburuorde batek, edozeren gainetik objetibo izan behar duen sailburuorde batek justu euskarazko hedabide bat eta bakarra hartu (Berria) eta horrela kritikatzea, publikoan? Egunkaria auzia aitzakiatzat hartu eta idatzi duena idaztea, justu hedabide baten eta bakar horren kontra? Zergatik orain eta modu pulbikoan?

#47. Re: Egunkaria eta Berria, akritikoak ETArekin, Baztarrikaren iritziz

J. ¦ 2008-02-26 ¦ 15:51

Berriaren harpideduna naiz, baina astebukaeratan beste egunkari bat erosten ohi dut apur bat motz gelditzen bazait Berriaren ikuspuntua. Askotan ez dut identifikatzen Berriako orrietan islatzen den herrialdea. Txikiegia, itxiegia egiten zait eta, ez dakit, aire freskoagoaren bila jotzen dut beste egunkari batzuetara.
Nire gusturako ez da nahikoa pankarta batekin agertzen diren herri plataforma eta enparau guztien kobertura egitea, eta horrelakoetan Berriak energia lartxo gastatzen duelakoan nago. Bestetik, normalean ez ditut ezagutzen domeketan elkarrizketatzen dituzten Iparraldeko artzain horiek.
Bestalde, hemen beste batzuk utzitako iritziarekin bat nator: Murua, Lertxundi, Zaldieroa…oso ondo, askotan bikain. Berriaren ildo editoriala, oro har, ez zait gustatzen. Aldatu egin beharko delakoan nago. Gauzak aldatzen joan beharko dugu eta traszendentalismoa alde batera utzi. Nire iritzia da.
Badakit, penagarria da une honetan gauza hauek esatea, baina orain irten da eztabaida hau. Sasi guztien gainetik, besarkada bat Egunkaria eta Berriako kide guztiei.

#48. Re: Egunkaria eta Berria, akritikoak ETArekin, Baztarrikaren iritziz

E. ¦ 2008-02-26 ¦ 16:36

Kuriositatea argitzeko : Zein dira Iparraldeko "artzain" horiek? Zeini egiten diozu erreferentzia? Interesgarriak iruditzen zaizkizu ala ez lirateke Berriako elkarrizketetan sartu behar?

#49. Re: Egunkaria eta Berria, akritikoak ETArekin, Baztarrikaren iritziz

J. ¦ 2008-02-26 ¦ 17:24

>alegia, kriston esfortzua egiten dutela Iparraldeko gaiak ataratzeko, baina pastoralak eta horrelakoak baino ez dute ataratzen. Egia esanda: gaiak guztiz arrotzak Hego aldean bizi garenondako.
Ez dut kritikatzen egunkariaren politika hau, baina ironia erabili dut zein den egiazko egoera deskribatzeko: inori ez zaio interesatzen Iparraldean gertatzen dena (baina hau anekdotikoa izango lirateke eztabaida honen barruan).

#50. Re: Egunkaria eta Berria, akritikoak ETArekin, Baztarrikaren iritziz

Peru Zabala ¦ 2008-02-26 ¦ 16:03

Eztabaida luze doa Sustatun eta beste hainbat tokitan artikulu honen inguruan. Batzuen iritzia oso interesgarria iruditu zait, batez ere garaia eta momentua aipatzen dutenek arrazoia dute. Horrelakoak entzun daitezke "Egoera juridikoa eta politikoa nola esan dezake hori orain?". Ba bakoitzak atera ditzala bere ondorioak baina niri momentu perfektua iruditu zait presioa egiteko. Akritikotasunaren izenean batez ere egoera juridiko politikoa aprobetxatuz hori kondizionatu eta aldatzeko nahi bat da eta ez gara tontoak dena Berriako langileen gehiengoak greba egitearen erabakia hartzeagatik. Beraz, langileen greba eskubidea kondizionatu eta egunkari baten lerro editoriala bere iritzi homogeneizantera bideratzeko saiakera argia da. Batzuk ez dute esango baina nik berriro Egunkaria Libre! eta orain etxekoen aurrean.

#51. Eztabaida luzea, beste hainbat tokitan

Sustatu ¦ 2008-02-26 ¦ 16:32

Diozun bezala, Peru, "eztabaida luze doa," Sustatun eta "beste hainbat tokitan." Sareko beste toki horien artean baten bat aipatzerik bai? Gustura argitaratuko ditugu loturak. Eskerrik asko.

Gaur goizean entzun dugu Juan Kruz Lakastak aipatu dituela eztabaida eta Sustatu bera Euskadi Irratirako egiten duen errepasoan. Behingoagatik, paperaz gain, euskal eduki digitalei begiratu diotelako pozten gara.

#52. Re: Egunkaria eta Berria, akritikoak ETArekin, Baztarrikaren iritziz

Xabier Lekuona ¦ 2008-02-26 ¦ 16:38

Niri erabat zilegi iruditzen zait Sustatuko irakurleek Egunkaria eta Berria kritikatzeko edo loriatzeko aukera izatea. Sustatuko kideez gain, Berriako erosleek, harpidedunek, akzionistek... herritar guztiek, oro har, kritikatzeko eta loriatzeko aukera izan behar dute, eta dute. Beraien esku baitago, azken finean, Berriaren arrakasta edo porrota. Egunkariako eta Berriako kazetari izan naiz, eta batzuetan kritikak irenstea erraza ez izan arren, osasuna deitzen zaio horri. Baina gobernu bateko kide batek Egunkariaren, Berriaren, Sustaturen edo beste edozein medioren ildo komunikatiboa kritikatzea bestelakoa da. Gobernukide batek kritikatzen du estutzeko, eragiteko, ildo komunikatibo hori alda dezan presionatzeko.

“ETArekiko akritizismoaren” aitzakipean bada ere, hori larria da oso. Ez dakit zuei zer irudiko zaizuen, baina nire iritziz, gustatu ala ez, gobernu batek ezin du medio baten ildo komunikatiboan eskua sartu, ezin baita kazetaritzarik egin gobernu baten menpeko edo morroi izanik. Eta EAEko Hizkuntza Politikarako sailburuordea horretan dabil. Berrian eskua sartu nahian dabil bere alderdiko hainbat buruzagiren iritziaren kontra, eta bere gobernuko sailburu batzuk politika horren kontra dituela jakin arren. EAkoak hain zuzen ere.

Boterearen ajea izango da. Boterea baitauka Baztarrikak, eta botereaz gain zerrenda beltza. Euskarazko prentsa sustatzeko dirulaguntzak banatzen ditu sailburuordeak. Egunkariak itotzeko modu asko daude. Duela bost urte Guardia Zibilak bat erakutsi zigun, Baztarrikaren azken artikuluak eta eguneroko jardunak beste bat.

#53. Re: Egunkaria eta Berria, akritikoak ETArekin, Baztarrikaren iritziz

Jone ¦ 2008-02-26 ¦ 19:47

Zeozer gehiago diru-laguntzak banatzeko moduaz, Josune Ariztondo Bizkaiko Kultura diputatuari BERRIAn duela gutxi egiindako elkarrizketa batean:

"- Aldundiak Bizkaiko euskarazko komunikabideekin azken urteetan izan duen jarrera mantenduko du edo diru laguntzak ematea aztertuko duzue? Busturialdeko eta Lea-Artibaiko Hitza kazetek ez dute diru laguntzarik jasotzen.

Enpresa pribatuei laguntzeak ez du esan nahi enpresa pribatu guztiei lagundu behar zaienik. Gotzonekin [Lobera] harreman estuetan nabil hainbat gauza aztertzen, eta hori ere aztertuko dugu. Bai Gotzon Loberarekin, bai etorriko den zuzendari berriarekin ere. Orain arte Bizkaiko Foru Aldundiak jarraitu duen hizkuntza politika eta kultura politika ez dira niretzat arrotzak. Horien jabe izan naiz. Politika horiek definitzen parte hartu dut. Jarraituko dugu politika horiek definitzen bederatzi urtean elkarrekin lan egin dugunok, nahiz eta orain beste ardura batzuk izan. Ikusiko dugu, aztertuko dugu, eta erabakiko dugu Hitza egunkariei diru laguntzarik eman edo ez.

- Bizkaiko hizkuntza politika definitzen duen lantalde hori Aldunditik kanpo dauden lagunek osatutakoa da, ezta? Zu EAJren EBBko idazkaria izan zara azken urteetan, baina Bizkaian zein hizkuntza politikari jarraitu erabaki duzun pertsonetako bat izan zarela esan duzu.

EBPN egiten eta burutzen oso ardura handiak izan nituen. Orduan sortu genuen herri aginteen arteko Akoba batzordea. Gotzon Loberarekin harremana izan dut azken urteetan, bakoitzak bere ardurak izan dituen arren. Esan nahi dizudana da hemen egon izan banintz, hemen egon den pertsonak egin duena egingo nukeela. Edo hark egin ez duenik ez nukeela egingo.

- Esan duzu enpresei laguntzeak ez duela esan nahi enpresa guztiei laguntzea. Zein irizpideri jarraitu diezue urte hauetan zein enpresari lagundu erabakitzeko?

Irizpideak idatzita egoten dira dekretu guztietan. Beraz, dekretuak begiratzea besterik ez daukazu. Bizkaitarrei zerbitzu orokorra ematea, euskararen aldeko jarduna izatea, dirua irabazteko asmorik ez izatea...

- Lea-Artibaiko eta Busturialdeko Hitzek ez dituzte oinarri horiek betetzen?

Ez dakit. Aztertu behar dut. Baina hemen kazetari gisa zauden aldetik esaten dizut BERRIA eta Hitza-rekin jarraituko dugun politikaz zurekin barik, haiekin hitz egin nahiko nukeela. Eta hitz egingo dudala.

(...)

- Guggenheim titulartasun pribatuko museoa izaki, ez litzateke egokiagoa diru hori Bizkaiko museo publikoen artean banatzea? Esaterako, Bilboko Arte Eder museoari diru gehiago ematea? Aurten, gainera, ehun urte beteko ditu.

Guggenheimek balio erantsia du; ekonomian eragin handia du. Eta hori zaila litzateke, beste era batera funtzionatuz gero. Erakunde pribatu askok jasotzen dituzte diru laguntza publikoak pentsatzen delako bueltan dakarten ondasuna, dela kulturala dela ekonomikoa, herritar guztien onerako dela. Beraz, ez nuke marrarik egingo publiko eta pribatuaren artean.

Osorik, hemen:
http://www.berria.info/testua_ikusi.php?saila=plaza&data=2008-02-01&orria=044&kont=010

#54. BERRIAREN MORRONTZA

prontxio ¦ 2008-02-28 ¦ 20:39

Harrigarriak gertatzen zaizkit Xabier Lekuonaren argudioak. Inork ez dio Berriari Gobernuaren tesietara makur dadin eskatu. BERRIA, aldiz, bere agintariek hala erabakita, jite politiko jakin bateko konpartsa ez ezik bide egile eta elikatzaile ere bada. Berria independientea? Nondik? Irakurri titularrak, hainbatetan notiziak bestelako komentarioekin nola azaltzen diren irakurri, eta abar. Presioak? Berriaz eta euskaltzaleen gogoez jabetu direnek, Baztarrikaren artikulua beste hedabide batzuek publika ez dezaten edota haren argitaratzea atzera dezaten ahalegindu ote da? Mehatxuka jardun ote du? Ba ... COSA NOSTRAko Unibertsitatean hezi denak halakorik egitea ez ninduke harrituko. Herriko aldizkari eta halakoen aurrean nork erakutsi du jarrera hegemoniko, prepotente eta eskluientea? Ba, BERRIAren atzealdean dagoen komunikazio-taldeak. Zertarako? Kontrolatzeko, uniformizatzeko eta han-hemengo laguntza publikoak eskuratzeko.

#55. Re: Egunkaria eta Berria, akritikoak ETArekin, Baztarrikaren iritziz

John McArron ¦ 2008-02-26 ¦ 18:40

Herri mugimendu batek egin dezakeen okerrik handiena da boterearekin bat egitea. Baztarrika eta ingurukoak boteredunak izateaz gain, euskara eta euskalgintza konpontze bidean jar dezaketen agintariak dira, beraz, beraiek deseroso sentitzen badira, ongi egiten ari zareten seinale. Zorionak BERRIA, zorionak EUSKAL HERRIA!

#56. Re: Egunkaria eta Berria, akritikoak ETArekin, Baztarrikaren iritziz

Zik ¦ 2008-02-26 ¦ 22:11

Nire iritziz Baztarrikak egindako kritika ez da batere zuzena.

Hasteko hedabide guztiek inpartzialtasuna gorde beharko luketelako, irakurleak berak osatu dezan iritzia. Era berean ulertzen dut hedabide batek akritikoa izan behar duela. Nire ustez alde horretatik ez dago arazorik.

Bigarrenik Baztarrikak egin duen kritika zilegi ez dela deritzot, batez ere duen karguagatik. Ez dut bidezkoa ikusten Hizkuntza Politikarako Sailburuordeak euskarazko komunikabide bakarraren aurka ezer esatea. Oraindik are eta gutxiago Eusko Jaurlaritzatik ahalegin txikiena ere egin ez duenean euskarazko hedabideak sortzeko. Euskarazko ze beste egunkari irakurtzea gomendatzen digu? ETBren zein kate goizetan albisteak entzuteko? Ze hedabide bultzatu du jaurlaritzak?. Baliteke gehiegi izatea, baina nire ustez pertsona honek dimititu egin beharko luke.

Bost urte igaro dira Euskaldunon Egunkaria itxi zutenetik eta euskaldunok batera lan egin beharrean Sailburuordearengandik hau entzuteak pena ematen du!

Guztiz ados aurrerago irakurritako erantzun askorekin.

#57. Re: Egunkaria eta Berria, akritikoak ETArekin, Baztarrikaren iritziz

Gari ¦ 2008-02-27 ¦ 09:38

Eta ez al du sudur puntan jartzen zaionarekin kritiko, akritiko edo nahi duena izateko eskubiderik?
Berria egunkari pribatu bat da (jende askoren poltsikoko diruarekin eraikitakoa, baina publikoa. Baztarrikak badu akziorik?)
DEIA kritikoa al da Ertzaintzaren jarrerarekin?
El Correo ez al da akritikoa jaurlaritzak hainbeste kritikatu duen "Atutxa auzian" TSJPVk izandako jarrerarekin? Noticias de Gipuzkoa ez al da akritiko Badiolaren jarrera batzuekin? ABC kritikoa al da Egunkariaren itxierarekin? Horrela jarduteko eskubiderik badute ala ez? Utzi al dio noizbait Eusko Jaurlaritzak egunkari horiei tokatzen zaien dirulaguntza emateari?
Zertara dator hau? Gustatzen ez bazaio, ez dezala erosi, sailburuorde bezala, eman dezala tokatzen zaiona eta Egunkariak jasandako erasoarekin ados ez badago, joan dadila berak nahi duen salatze ekintzetara. Baina kargu publiko bezala egunkari pribatu bat zerbaitekin akritikoa dela salatu?
Ala ere, hau ez da berria, 93an Euskaldunon Egunkaria ETArena zela esan zuen lehena Joseba Egibar izan zen, naiz ete gero negar egitera etorri.

#58. Azti kontua

Angel Agirre Larraza ¦ 2008-02-27 ¦ 14:03

Gaur goizean entzun diot Lakastari Etxezorturi komentatzen Lizarribarrek, EKTko lehendakariak, BERRIAn argitaratu duen erantzun artikuluan aipatu egiten duela joan de astean Euskadi Irratian Etxezortuk Miren Azkarateri egin zion galdera. Halako zerbait, BERRIA nahiko zabala edo espero zuten bezain zabala ba ote zen...
Nik entzun nuen elkarrizketa hura eta harrituta geratu nintzen elkarrizketa bukatzen ari zela egin ziolako, kontestutik kanpo eta oso presaka bezala. Handik egun batzuetara Azkarateren azpiko Baztarrikak sekulako egurra eman zion BERRIAri Euskal Herriko hainbat egunkaritan.
Duda handi bat daukat. Etxezortuk galdera hori bere kabuz egin zuen edo Azkaratek iradokituta?; oso kasualitatea handia delako Etxezortuk hori galdetzea eta handik egun pare batera Baztarrikak artikulua argitaratzea EGUNKARIA eta BERRIA astinduz. Aztia da Etxezortu (alegia, datorrena aurreikusten du) edo Azkarateren iradokuzunak galdetzen dituen kazetaria? Mutil hori ez da sekula oso aztia izan, eta harritzen naiz orain, edadean aurrera doala, magiaren munduan murgiltzea.
Eskertuko nioke Lakasta kazetari ikertzaile eta hiperkritikoak (kanpoko medioekin, ez goizetan ordaintzen dionarekin) lagunduko baligu biharko saioan duda hori argitzen.
Baliteke ni oker ibiltzea eta Etxezortuk, inork ezer eskatu gabe, galdera bere kabuz egitea. Hala bada, barkamena eskatzen dut. Baina ez didazue esango susmoa edukitzeko nahi osagai ez daukanik koktel horrek.
SUSTATU foro zabala eta independientea da eta seguru nago inolako arazorik gabe argitaratuko duela moderatzaileak errespetuz idatzi dudan mezu hau.