Itzuli orri nagusira Bidali hau

Corteinglesa ekarriko dutela Donostiara

xaxi ¦ 2007-12-17 ¦ 07:35 ¦ hirigintza

Zerbait berria behar du Donostiak? Zerbait, orijinala? Zerbait, Espainiako hiriek eduki beharko luketena eta hemen ez izatean bereiziegiak egiten gaituena? Jar ezazu Hipercor bat Donostia erdian. Olentzero (Odon) Elorzak ekarriko dizu.

Publizitatea

Lehenengo Mac Donalds izan zen.

Lehenengo Mac Donalds izan zen.

Zertarako behar dugu Donostian baserritarrak eta harakin-arrainsaltzaileak biltzen dituen merkatu bat? Kanpora baserritarrak, kale gorrira, eta lur azpira gastronomia egokiarekin harreman estuegia duten saltzaileak. Zer jarriko dugu guztion mesedetan Donostia erdi-erdian lehen ez zegoena eta Parte Zaharraren mesedetan? MAC DONALDSA. Horrela gure gaztetxoek nola jan behar den ikasiko dute. Konturatu zarete orain gazteak ez dutela zita Boulevardeko erlojuan egiten, Mac Donaldesean baizik?

Hurrena ZARA.

Gaixoa, Espainiako aberatsena den Amancio Oretegak lekurik aurkitzen ez bere denda xumearentzat eta udaletxera jo zuen laguntza eske. Lagunduko ez zion bada gure Odonek. Lekua behar duzu, Donostia erdian? Hori egina zagok. Badugu hor Donostiako azken merkatua dena, XIX mendeko burdinazko bilbadura zoragarria duena. Utikan! Baina Bretxakoa apur bat astoegi atera zenez txokotxo ziztrin bat egingo diegu gure janari saltzaileei, ez gaitezen hain lotsagarri gelditu. Eta merkatuaren izpiritua? Berdin dio, modernoa da eraikina eta modernoa Zara eta antzeko dendak jartzeko lekua.Eta, batez ere elektronikarekin dirua ateratzen duen FNAC jarriko dugu liburu kioskoarekin, eta horrela kultural kulturala aterako zaigu.

Azkena? Zer falta da? Bai, Corteinglesa.

Badugu hor txoko zoragarri bat Morlansen. Bagoaz harantz. Kaka! Eskola publiko bat dugu inguruan eta negoziatu egin behar... Eta gas fabrikako tresnak gorde behar dira. Kaka! Non jarriko ditugu gas fabrikako tresna zaharrak erakusgarri? Bada, eskolaren jimnasioan, Hipercor bati ez diogu lekurik kenduko... Eta? Listo, operazio urbanistiko guztia eginda dago. Zer jarriko dugu orain apaingarri? Etxebizitzak. (Noizbait ere hitzegin beharko da Donostia honetan azken urteetako etxebizitzen negozio eta garestitzea eragotzi ez eta olatua handitu duen erakunde guztien gestio nazkagarriari buruz ezta? Donostian kanpokoek dituzten bigarren etxeek sortzen duten arazoa.)

Hurrengo urteko izarra Donostian....Hipercor!!! Has gaitezen falta diren multinazionalen zerrenda egiten...

Erantzunak

#1. Re: Corteinglesa ekarriko dutela Donostiara

loveof74 ¦ 2007-12-17 ¦ 10:48

lasai lagiunok...hau da auurerakuntzaren irudia...laister ez dugu olentzerorik izango, Ciber-tzero baizik...

Atzo gabian Igeldon egon nintzen afaltzen. Herrira jesteko orduan goiko aldean izar pila zegoen. Beheko aldean, ordez, milaka argi. BErdea, kolera, galdu egin da. Orain garabien kolorean ikus daiteke soilik.

#2. Re: Corteinglesa ekarriko dutela Donostiara

Karmele ¦ 2007-12-17 ¦ 11:01

... eta gainera gero eta erdaldunagoa.

Oraintxe begiratzen ari nintzen D'Pintxos-en web gunea eta gaztelaniaz bakarrik dakate. Zer gertatzen zaie hiri honetako pertsona batzuei? Hain mespretxagarriak al gera euskaldunok?

Gainera babesleak orrira jun eta hor agertzen dira gure Jaurlaritza eta Foru Aldundiak. Nola da posible haiek dirua jartzea eta ez eskatzea elebitasun neurri bat? Flipatuta nago, eta minduta.

Egon da norbait ekitaldietan? Nola ikusi ditu gauzak hizkuntza aldetik?

Batzutan kontuak ateratzen ditut. Hiri honetan egiten diren kongresu edo hitzaldi edo ikastaroetan gure hizkuntzaren presentzia negargarria da eta beti eremu berdinetan: politikari buruzkoetan, euskal literaturari buruzkoak eta haurrentzako egindako ekitaldietan. En fin!

... eta gainera ez gea ia kejatzen. Muguruzak aurrekoan irratian esan zuen: ez dakagu arrotasunik. Hoixe: folklore hutsa da daukaguna.

#3. Re: Corteinglesa ekarriko dutela Donostiara

2bi2 ¦ 2007-12-18 ¦ 10:47

Nondik atera duzue albiste hau? Inongo egunkaririk ez dakar horrelakorik. Ala Donostiako Udalaren aurreko jokaeran oinarriturik futurologia egiten ari zarete?

Erantzun (klik zabaltzeko)

Publizitatea