Itzuli orri nagusira Bidali hau

ETB3 eta ETB4

© cc-by-sa  Sustatu ¦ 2007-11-16 ¦ 08:09 ¦ telebista

Joan den astean jakinarazi zuen EITBk, Madrilgo Broadcast ferian, telebistako 3. eta 4. kanalak sortuko dituela 2008an. Hirugarren kanalak haur eta gazteei zuzendutako programazioa eskainiko du euskaraz. Laugarren kanala eleanitza izango da eta albistegiak eta eduki berriak izango ditu ardatz.

Erref.: ETB3 eta ETB4 (www.argia.com)

Publizitatea

Erantzunak

#1. Re: ETB3 eta ETB4

Mikel ¦ 2007-11-16 ¦ 12:25

Ikusiko al dira kate berriak Nafarroan? Bistan de EITB gero eta digitalagoa izanen dela, baina era berean arrunt ikusiezina Nafarroan. Salbuespenak Gipuzkoako edo Arabako mugako herriak izanen dira, baina gainerako eskualdeetan (baita Iruņerrian ere) ofizialki ez dira ikusiko ez berriak eta ez zaharrak. Inork al daki EITBek zer eginen duen egoera horren aurrean?


#2. Re: ETB3 eta ETB4

Jon ¦ 2007-11-16 ¦ 13:43

Eta... ETB3n haur eta gazteei zuzendutako programazioa eskaini behar badute, zer krixto eskainiko dute ETB1n? Ze, ETB1i eduki horiek guziak kendurik... gaurko programazioa begiratuz gero, 6 ordu betetzen dituzte Betizurekin!!

#3. Re: ETB3 eta ETB4

Jon Abril ¦ 2007-11-16 ¦ 15:49

TDTren bidez Nafarroan ETB ez ikustea ez da EITBren ardura, Nafarroako Gobernuarena baizik, azken honi dagokiolako lizentziak esleitzea, eta bistan da, ETBri ez dio lizentzia bakar bat ere eman. Harritzekoa dena da, EITBko agintariek zeinen isilik daramaten gaia.

Eta Gipuzkoarekin mugan bizitzeagatik ere, ez dugu digitalean ETB ikusten ahal. Oraingoz, analogikoan ikus dezakegu, baina hau itzaltzearekin, eta gauzak aldatzen ez badira, Nafarroan ETB ikusteari utziko diogu ez ETB1, ez 2, ez 3, eta ez 4!

Baina kezkagarriagoa da aunitzez Ttipi-ttapa eta Xaloa herri telebisten egoera. Euskarazko telebistentzat lizentziarik ez zuen banatu Nafarroako Gobernuak, eta izaera soziala guztiz baztertu dutenez, lizentziarik gabe gelditu dira Nafarroan euskara hutsez emititzen duten bi telebistak. 10 urte beteko dituzte laster bi herri telebista hauek, baina etorkizuna hagitz beltz dute.

> Joan den astean jakinarazi zuen EITBk, Madrilgo "Broadcast":http://www.broadcast.ifema.es ferian, telebistako 3. eta 4. kanalak sortuko dituela 2008an. Hirugarren kanalak haur eta gazteei zuzendutako programazioa eskainiko du euskaraz. Laugarren kanala eleanitza izango da eta albistegiak eta eduki berriak izango ditu ardatz.
> URLA:http://www.argia.com/albistea.php?id=29851

#4. Re: ETB3 eta ETB4

Karlos ¦ 2007-11-22 ¦ 20:46

Nik uste dut kontua ez dela bakarrik EITB Nafarroan ikusiko dugun edo ez; baizik eta zergatik ez ditugun ikusten Espainiako telebista autonomiko guztiak (publikoak denak) estatu osoan. Izan ere, katalanak edo andaluzak Madrilen edo Galizian daudenean gustura asko ikusiko lukete beren telebista. Gainera, arazo hori horrela planteatuta errazago lortuko dugu EITB Nafarroan ere ikustea.

#5. Re: ETB3 eta ETB4

Imanol ¦ 2007-11-22 ¦ 21:35

Kontu honetan, emisio eskubideek zeresan handia dute. Esate baterako, ETBk filme bat erosten badu, bere eremuan emititzeko eskubidea du, ez hortik kanpo. Horregatik, adibidez, ETB Sat katean barne produkzioa da nagusi, garesti aterako litzaieke bestela.

#6. Re: ETB3 eta ETB4

derzu ¦ 2007-11-17 ¦ 02:24

eta noizeko ETB5 frantsesez?

#7. Re: ETB3 eta ETB4

eritz ¦ 2008-01-26 ¦ 13:12

Hor nonbait irakurri dut ETB4 eleanitza izango dela. Beraz, badirudi elebiduna baino gehiago izango dela. Euskeraz, gazteleraz eta frantsesez agian??

> eta noizeko ETB5 frantsesez?

Erantzun (klik zabaltzeko)

Publizitatea