Interneteko albistegia

Gipuzkoako Diputatu Nagusiaren soldata 2008

Ander Elortondo - Arrasate ¦ 2007-10-31 ¦ 08:51 ¦ politika

Gipuzkoako goi kargu politikoek, lana bukatu ondoren soldataren %80 urtebetez kobratzen jarraitu dutelako nahiko iskanbila izan dugu azken aldian. Eskandalua zuzentzeko ordea norberak bere soldata kudeatzea modukorik ez dago....

Publizitatea

2008rako Gipuzkoako Foru aurrekontuen zirriborroak 19. artikuluko 2. puntuak honela dio:

2. Diputatu nagusiaren, foru diputatuen, zuzendari nagusien, foru merkataritza sozietateetako gerenteen eta horiekin parekatutakoen ordainsariak 2007ko abenduaren 31n indarrean egongo direnak izango dira, Foru Administrazioko langileen ordainsari guztien hazkunde portzentajea gehituta.

Konkretuki eranskinean ikus daiteke zein izango den igoera: %6,16.

Finean beraien soldataren hazkundea ez dute lotu langileen soldata hazkundera, orotara pertsonal gastuen hazkundera baizik. Berdintasun itxura adieraziz poltsikoak berotzeko bide ona txo.

Adegik igoera hori aplikatuko die langileei?

Eudelek Foru langileei eta udal langileei igoera hori eskainiko die?

Aurrekontu zirriborroa: PDF dokumentua.

Erantzunak

#1. Re: Gipuzkoako Diputatu Nagusiaren soldata 2008

Pedro Mari ¦ 2007-10-31 ¦ 10:30

Foru Aldundiko langilea naiz eta ondo iruditu zait nire soldatak %6,16ko igoera izatea.

#2. Re: Gipuzkoako Diputatu Nagusiaren soldata 2008

loveof74 ¦ 2007-10-31 ¦ 16:48

bakoitzak bere etxearen hipotekari begiratu behar dio, hori beti...eta zuk Eudelen bazaude galdera ohizkoa izango da, baina...eta besteak?

Zer pentsatu behar dugu besteok soldata hori buruz? %6 horrekin Astigarragako autobia-txapuza garbituko al du Olanok? Ez. Eta urteroko a-8ren igoera? ezta. Okerrago iruditzen zait gero erantzunak ematerakoan "dimisioa" eta "nire errua" inoiz ez agertzea bere hitzaldietan.

Beti bestten arazoak dira...horrela zion Kortatuk...eta Olanok?

#3. Re: Gipuzkoako Diputatu Nagusiaren soldata 2008

joseba ¦ 2007-10-31 ¦ 19:28

Igoera handia da, bistan denez. Aurreko urteetan izan duen bilakaera ere ikusi beharko litzateke, hortaz gain. Eta kopuru absolutua zehaztu, publikatu eta eztabaidatu ere bai, noski.

#4. Re: Gipuzkoako Diputatu Nagusiaren soldata 2008

Jon Basterra ¦ 2007-11-13 ¦ 10:21

Ezjakintasunez, nahiago dut pentsatzea holan izan dela eta ez borondate txarrez, albiste emaileak pertsonalaren gastua langileen ordainsariarekin nahasten ditu.

Pertsonalaren gastua da datorren urteko aurrekontua %6,16 igotzen dena. Kontzeptu horretan gauza asko sartzen dira. Ez bakarrik soldaten igoerak. Adibidez oposaketak izan dira aurten, pertsona gehiago ari dira lanean Diputazioan eta, beraz,langile berri guzti hauen kostoa ere gehitzen zaio aurreko urteetan kalkulatzen zenari.

Soldatak, ordea, funtzionaroenak zein kargu politikoenak, sindikatoekin negoziatzen den konbenioaren arabera igotzen dira. Aurten holan izango da. Eta beti izan da holan aurreko urteetan ere.
Beraz, ez da egia goian esaten dena. Eta, ondorioz, botatzen diren ironiak ustelak suertatzen dira