Interneteko albistegia

Jakiunde eta Wikikunde

Joxe Aranzabal - Faroa ¦ 2007-10-26 ¦ 08:19 ¦ zientzia

Eusko Ikaskuntzak Jakiunde sortu du, "maila goreneko erakunde aholkularia", eusko inteligentziaren Olinpo moduko bat. Zorterik onena opa diot, baina irudipena dut ez ote den beste erakunde bat, bat gehiago, XIX. mendeko eredura sortua, pentsaturik herri bateko eliteak bakarrik atera dezakeela aurrera herri hori. (Joxe Aranzabalen artikulua Faroan, CC lizentziari esker hona ekarria)

Publizitatea

Gure garaian jerarkiak ez dira desagertu, jakina, baina teknologiak, demografiak eta ekonomia globalizatuak aldaketa sakonak ekarri dizkigute, eta sortzen ari dira produkzio molde berriak, eta horiek oinarrituta daude komunitatean, elkarlanean eta autoantolaketan, eta ez jerarkian eta kontrolean. Horri deritzo wiki moldea, eta horrela sortu dira Linux eta Wikipedia, mundu osoan erabiliak, eta horrela sortu da gure artean Euskalbar.

Wiki moldean, konektatuta dauden milaka lagunek parte har dezakete berrikuntzan, aberastasunaren sorkuntzan eta gizartearen garapenean, halako moldez non garai batean amestu ere ez genuen egiten. Horregatik, XXI. menderako nik nahiago wiki moldea.

Erantzunak

#1. Jakiunde, izen zatarra gero!

Jozulin ¦ 2007-10-26 ¦ 10:03

Konatxe jauna, arrazoi guztiaz kexu da erakundeari horri jarri dioten izen zatarraz. Hemen:
http://alua.mundua.com/2007/10/26/zatarra-izena/

#2. Internet ahantzi dute, beti bezala

patxi gaztelumendi ¦ 2007-10-26 ¦ 10:03

Atzo entzuten nuen irratian, albistegi guztiak informazio horrekin ireki zituzten. Zerbait garrantzitsua behar zuen.
Dena berba ona, dena asmo itzela.
Eta sartu nintzen Internetn. Bila. Eta bila. Eta ezer aurkitu ez.
Begiratu nuen, dominio ezberdinekin saiatuta... eta akabuan, dominioa bera libre edo okupatuta begiratu nuen, sikiera.
Ezta hori ere, jakiunde.org, net, info, com.... denak erosi barik.
Ez dute lotsarik! XXI. mendeko jakintsuak, gure elitea, gure gidariak...
XXI. mendeko jakintza, sozializatua izango da, ez daukat dudarik.
Handiunde berri hau, sineskaitza egin zait hasieratik. Sentitzen dut.

#3. Re: Internet ahantzi dute, beti bezala

asier ¦ 2007-10-26 ¦ 10:52

Errezoi guztia, Patxi!

#4. Re: Jakiunde eta Wikikunde

Blogokunde ¦ 2007-10-26 ¦ 11:21

Hor dago Jakiunde, Wikipedian.

Lagundu osatzen gorriz ageri diren akademikoen orriak (oraindik sortu gabeak)

#5. Juan Luis Zabalak zorrotz begiratutako gogoeta libreak

patxi gaztelumendi ¦ 2007-10-26 ¦ 14:45

Zorrotz, oso zorrotz idatzi du Juan Luis Zabala idazle eta kazetariak Berria egunkarian. Gogoeta sano interesgarria. Zuek irakurri, zuek aipatu....

#6. Norabideak

Joao ¦ 2007-10-26 ¦ 14:59

Dudarik gabe, oso artikulu ona!

#7. Re: Juan Luis Zabalak zorrotz begiratutako gogoeta libreak

Eztabaidakunde ¦ 2007-10-26 ¦ 21:09

Ezin da erantzun, komentatu edo gogoeta librerik egin Juan Luis Zabalaren Plazan. Bere Plazan "gogoeta, eztabaida eta gogoeta librea" ezinezkoa denez, hemen egin behar:

urlia, sandia, berendia dio, baina izenik ez du ematen Zabalak. Ez dakigunez zein diren, daudenekin ezin aldendu "urlia, sandia eta berendiaren" merezimenduak. Edo ezin jakin "urlia, sandia edo berendiari" Jakiundeko kide izatea proposatu zitzaien eta kide izateari uko egin zioten.

#8. Re: Juan Luis Zabalak zorrotz begiratutako gogoeta libreak

Sustatu ¦ 2007-10-27 ¦ 09:14

Erantzunak libre diren bloga badu Juan Luis Zabalak. Artikulu hori ez du han ezarri (oraingoz), baina beharbada handik ere erantzun dakioke.

#9. Re: Juan Luis Zabalak zorrotz begiratutako gogoeta libreak

Ricardo Gómez ¦ 2007-10-27 ¦ 17:08

Honezkero badago Juan Luis Zabalaren Inon izatekotan blogean "Zorrotz begiratutako gogoeta libreak" artikulua, inork han erantzun nahi badio.

#10. Re: Juan Luis Zabalak zorrotz begiratutako gogoeta libreak

Juan Luis Zabala ¦ 2007-10-27 ¦ 23:12

Kaixo Eztabaidakunde:

Labur erantzungo dizut, puntuz puntu, eta bat opari:

1) Nire blogean dago jada artikulua (www.berria.info/blogak/zabala), eta erantzun daiteke zuenean.

2) Ez dut uste urlia, sandia eta berendia nortzuk izan daitezkeen zehaztea merezi duenik. Nork bereak izango ditu.

3) Litekeena da, bai, urliak, sandiak era berendiak proposamena jaso eta ezezkoa eman izana. Baina hala balitz ere, ezezko horiek berek ere ez al lukete zalantzan jarriko Jakiunderen benetako balioa? Zergatik esan ote dute, hala esan badute, ezetz? Kontua da herren geratzen dela Jakiunde, urlia, sandia eta berendia gabe.

4) Izenik ez, baina gai zehatz bat aipatuko dizut: AHTa. Jakiundeko bileretan, nork jarriko du zalantzan proi ektu hori? Ez ote dago jakituna izan eta AHTaren aurka egoterik?

#11. Re: Jakiunde eta Wikikunde

Sustatu ¦ 2007-10-27 ¦ 09:29

Jakiunde izenaren zatartasunaz, eufoniaz, eta jatorri etimologikoaz iritzi truke interesgarria Alua Munduan.

Erantzun (klik zabaltzeko)