|
Itzuli orri nagusira Bidali hau Inprimatu Eitb.com: gaztelera hobetsitaNaia ¦ 2007-06-12 ¦ 14:33 ¦ Hedabideak(Eitb.com ataria berrituta ageri da gaur, baina lehen bistadizoan, gazteleraz hobetsita lehen orria. Sustatuzale bat kontaturatu da eta hau idatzi du) Hauxe da info@eitb.com-era bidali berri dudan gutuna. Pentsatzen dut badela gogoeta berri baterako garaia... Eguerdi on, Egunero-egunero zuen web gunean sartzen naiz eguneko albisteen berri izan eta eitbren musika jartzeko. Eta egunero-egunero euskarazko bertsioan klik egiten nuen eta pozteko modukoa iruditzen zitzaidan zuek aukera hori eskaintzea. Klik egiten NUEN eta iruditzen ZITZAIDAN esan dut, iraganeko kontuak baitira horiek. Gaur zuen web gunea tekleatu www.eitb.com eta zuzenean erdarazko bertsiora bidali bainau. Eta bertsio horretan euskarazkoa hautatzeko aukera eskuin-eskuin aldean aurkitu dut, kostata, beheko barran klik egin eta eskuinerantz botata, web gunea ez baita pantaila osoan sartzen. Iruditzen zait hanka-sartze itzela egin duzuela eta konpontzeko moduan zaudetela oraindik ere. Emaiguzue erabiltzaileei euskaraz edo gaztelaniaz irakurtzeko aukera, eta ez inposatu gaztelaniaz irakurri behar izatea. Egunero-egunero euskalgintzan eta euskararen normalizazioan lanean dihardugunontzat atzera pausu itzela baita hau, euskara bigarren mailako hizkuntza gisa agertzea eta gainera berau aukeratzeko ere zailtasunak izatea. Eitb 25 urte… eta 25 urte eta gero… Atzerantz egin behar ote dugu? Esandakoak kontutan hartuko dituzuelakoan, Naia Erantzunak#1. Nabigatzailearen hizkuntza?metaltrainer ¦ 2007-06-12 ¦ 15:55Gutxienez nabigatzailearen hizkuntza kontutan izango balu euskaraz konfiguratuta dugunok euskaraz ikusiko genuke. #2. Re: Nabigatzailearen hizkuntza?Joxe Rojas ¦ 2007-06-12 ¦ 16:59Ba ni oraintxe sartu naiz eta euskaraz agertzen zait dena, beti bezala o.O #3. Re: Nabigatzailearen hizkuntza?JGabiMark ¦ 2007-06-12 ¦ 17:02Ni oraintxe sartu naiz eta erderaz dago. #4. Re: Eitb.com: gaztelera hobetsitaUnai ¦ 2007-06-12 ¦ 17:01Eta aipatzen duzuena gutxi balitz, Euskadi Irratiaren webgunea lehen bezain patetikoa da. Postcasting-a zer den azaldu beharko diegu. #5. Re: Eitb.com: gaztelera hobetsitamikel ¦ 2007-06-13 ¦ 10:06Nabigatzailea euskaraz daukat eta eitb24.com euskaraz ireki zait. Eta hizkuntza aldaketa goiko barraren erdi-erdian daukat castellano - english. Gauza berari buruz ari gara denok? #6. Eitb.com ez da Eitb24.comSustatu ¦ 2007-06-13 ¦ 10:22Ez, Eitb24.com-ek nabigatzailearen hizkuntza detektatzen du. Eitb.com-ek, gaur, ez. #7. Re: Eitb.com ez da Eitb24.comOihan ¦ 2007-06-13 ¦ 11:53Nabigatzaileko hizkuntza begiratzen du baina nabigatzaileko hizkuntzen ordena kontutan ez duela hartzen uste dut. #8. Hizkuntzen ordena eta kopurua hobespenetan?Luistxo ¦ 2007-06-13 ¦ 12:17Nik hizkuntza bakarra daukat Firefoxen, euskara, eta gazteleraz ikusi izan du atzodanik. Hortaz, ez dirudi hori denik kasua. Une honetan Eitb.com ez dabil, bestalde. #9. Hizkuntza aukeratzeko orria berriroSustatu ¦ 2007-06-13 ¦ 15:18Goizean jausita egon ondoren, Eitb.com berriro ikusi daiteke orain, eta lehen kolpean hizkuntza aukera ematen dizun sarrera orri edukigabea agertzen da. #10. Re: Hizkuntza aukeratzeko orria berriroasier ¦ 2007-06-13 ¦ 15:40Bai, "konpondu" dute. Edo hobeto esateko, goizeko kritiken ondoren petatxo bat jarri dute. Lehengo hasiera-orria berreskuratu, eta to! "Konponduta". Lehengo diseinuarekin, 2004ko datarekin... Baina jakina, hori ez da hain erraz konpontzen: euskarazko atalen URLak erdaraz daude, goiko publizitateko loturak erdarazko atalera eramaten zaitu (euskaraz nabigatzen ibili arren)... Hori bai, ez dudana ulertzen da, kexatu diren guztiek EITBko gaztelaniazko bloga erabili dutela kexatzeko, euskarazkoa beharrean. Beharbada EITB-koek arrazoia zuten; gaztelaniazkoa bultzatu beharra dago, euskaldunok ere erdarazko blogean idazten baitugu... Erantzun artikulu nagusiariErantzun artikulu nagusiari |
Albiste gehiagoHedabideak gaia duten albiste gehiago
Portadan orain
Pil-pilean!Erantzun gehien izan dituzten albisteak
Sustaturen inguruan
|
RSS jarioak: 
