Itzuli orri nagusira Bidali hau

OpenOffice.org 2.2.0 euskaraz

Hizkuntza Politikarako Sailburuordetza - Eusko Jaurlaritza ¦ 2007-05-04 ¦ 13:20 ¦ informatika

Eusko Jaurlaritzako Hizkuntza Politikarako Sailburuordetzak (HPSk) OpenOffice.org 2.2.0 bertsioa, hau da, kode irekiko bulegotika edo ofimatikako paketea, euskaraz kaleratu berri du.

Publizitatea

Eusko Jaurlaritzako Hizkuntza Politikarako Sailburuordetzak (HPSk), software librea euskaraz sustatzeko lan-lerroari jarraituz, OpenOffice.org 2.2.0 bertsioa, hau da, kode irekiko bulegotika edo ofimatikako paketea, euskaraz kaleratu berri du.

OpenOffice.org honako sistema eragileetan erabiltzeko dago eratua: Debian GNU/Linux (eta Debian-en oinarritutako Euslinux, Ubuntu, e.a.), RedHat Linux (eta RedHat-en oinarritutako Fedora, Suse, Mandrake, e.a.), MacOS X (bai Intel bai PowerPC arkitekturak) eta Windows. Produktua http://www.euskara.euskadi.net helbidetik deskarga daiteke, “Euskarazko softwarea deskargatzea” atalean, hain zuzen.

OpenOffice.org 2.2 bertsioak oraingoz interfazea bakarrik dauka euskaratuta. Laguntzako fitxategiak euskaratzea eta konpilatzea uztailean burutuko da.

Itzulpen-lanak UZEIk eta Elhuyarrek egin dituzte, gainbegiratze-lanak Hizkuntza Politikarako Sailburuordetzak, lokalizazio-lana Zundan enpresak eta koordinazio-lana EJIEk.

Erantzunak

#1. Datu-basea duen paketea

Alex ¦ 2007-05-05 ¦ 23:24

Oraingoan bai. Euskaratuta zegoen azken bertsioarekin alderatuta (1.4) bertsio honek, askoz estableagoa izateaz gain, datu-basea du. Microsoft Access en mailara iristen ez bada ere, lan arruntetarako Open Office Base aplikazio majua da, eta migrazioa oso da erreza. Open Office Baseari buruzko apunte xumeak hemen: http://www.scribd.com/doc/33387/DatuBasea-OpenOffice-Base-Base

#2. Re: OpenOffice.org 2.2.0 euskaraz

tolon ¦ 2007-05-08 ¦ 15:09

Galdera bat. Norbaitek ba al daki linuxen lehendik daukagun instalaziorako euskarako paketa nunbaitetik deskargatu daitekeen ?

Ni Ubuntu feisty erabiltzen ari naiz, eta apt erabiliz ez dut honelako paketerik aurkitzen: openoffice.org-l10n-eu

Eskerrik asko eta zorionak egindako lanagatik.

#3. Re: OpenOffice.org 2.2.0 euskaraz

assar ¦ 2007-05-08 ¦ 15:42

Uste dut aplikazio osoa jaitsi behar duzula. Eusko Jaurlaritzaren webgunetik "OpenOffice.org 2.2.0 Debian GNU/Linux" izenekoa jaitsi (kontuan izan Ubuntu Debianen eratorri bat dela), eta gero jarraitu "Nola instalatu" dokumentuan ematen diren argibideak.

#4. Re: OpenOffice.org 2.2.0 euskaraz

mikel ¦ 2007-09-17 ¦ 21:57

aupa

openoffice euskaraz nahi baduzu, oraingoz pakete osoa deskargatu eta instalatu beharko duzu.

openofficeko itzulpenekin eskuzko lan batzuk egin behar dira hauek ubuntun apt-get bidez eskuragarri izateko, eta horretarako openofficeko itzulpenak bidali behar zaizkie ubuntuko arduradun jakin batzuei (egunen batean, akaso, baino oraingoz euskarazko openofficetik hatako intentziorik ez dagoela dirudi).

ondoizan

Erantzun (klik zabaltzeko)

Publizitatea