Itzuli orri nagusira Bidali hau Inprimatu

Euskara ikasten, bideokonferentzia erabilita

Joxe Aranzabal - HUHEZI ¦ 2007-04-16 ¦ 07:36 ¦ Hizkuntza

Hamabostean behin, Asier Irizar euskara irakasleak lekua hartzen du bere ordenagailuaren aurrean, Eskoriatzan, piztu egiten ditu Skype aplikazioa eta webcam txiki bat, jantzi aurikularrak eta mikroa, eta harremanetan jartzen da Ainhoa Azarloza eta Amaia Belokirekin, teknikariak biak Euskadiren Ordezkaritzan, Bruselan.

Publizitatea

Ainhoa eta Amaia laugarren hizkuntza eskakizuna ikasten ari dira, eta IVAPekin egindako hitzarmen bati esker, HUHEZIrekin egiten ari dira ikasketa horiek. Fakultatearen on-line plataforma erabiltzen dute materialak eta moduluak eskuratzeko, eta bideokonferentzia irakaslearekin hitz egiteko.

Baliabideak

Bideokonferentzia egiteko gauza gutxi erabiltzen dute: - Skype programa. Horri esker, doan hitz egin eta artxiboak trukatzen dituzte momentuan bertan. - Webcam bat, alegia, bideo kamera txiki bat sarerako. - Aurikularrak eta mikrofono bat.

Esperientzia hau ikasturte honetan hasi da, eta bai irakaslea zein ikasleak oso pozik daude emaitzekin.

Erantzunak

#1. Re: Euskara ikasten, bideokonferentzia erabilita

Josu ¦ 2007-04-17 ¦ 13:09

Epa Joxe,

Honelakoa izango da etorkizuna, ez dago zalantzarik. Duela bi ikasturte ari gara bi irakasle Galdakaoko Udal Euskaltegian Boga bitartez ikasten duten zenbait ikaslerekin bideosolasa egiten, astean behin. Asturiesko ikasle batekin hasi ginen iaz, messengerra erabiliz; arazo mordoa eman zigun (oihartzuna, etenak...). Aurten bi ikaslerekin ari gara eta Skypera pasatu ginen iazko kurtso erdian-edo. Dudarik gabe, etorkizuna. Asturies, Brussela edo munduko edozein txokotik berbaz eta elkar ikusiz.
Eta gauzak zer diren, hamabostean behin ordu bete berarekin hizketan bi urtez eta oraindik ez gara "aurrez aurre" egon. To!

#2. Skyperen erabilerak

Jabi ¦ 2007-05-02 ¦ 21:09

Gaur Berriako azken orrialdean agertu da irakasle eta ikasle hauen kontua. Skyperen aipamenik ez, ordea. Guk ere Skype erabiltzen dugu irratia.com-en zuzeneko elkarrizketa asko egiteko. Azken saioan Parisen dagoen Aitor Urbietarekin solasteko baliatu dugu, baina aurretik AEB, Thailandia, Japonia, Espainia eta beste hainbat herrialdetan zeuden solaskideak elkarrizketatzeko erabili dugu, guztiz doan eta kalitate onarekin.

Erantzun artikulu nagusiari

Pil-pilean!

Erantzun gehien izan dituzten albisteak