Tabacalerarentzat izen bila

#1. Re: Tabacalerarentzat izen bila

ana m ¦ 2007-03-23 ¦ 09:00

Ba barkatuko didazu, Etxeberria jauna, baina niri Tabacalera izena gustatzen zait. Berdin zait erderaz edo txinatarrez bada. Nik Tabacalera (edo Tabakalera nahi baduzu) ezagutu dut beti.

Izenak nortasuna du. Asko gainera. Mundu honetan askotan faltan botatzen dudan zerbait.
Nire uste apala da.

#2. Re: Tabacalerarentzat izen bila

Patxi l. ¦ 2007-03-23 ¦ 09:33

Barkatu ana m. anderea, baina DROGUERIA, ULTRAMARINOS, COLONIALES, ... izenek nortasuna dute, baina inork ez ditu erabiltzen bere janari, perfume edo kolonia dendak izendatzeko.

Etxeberria jaunak proposatutakoari jarraituz, IOLA izen polita iruditzen zait; SOLA baino gehiago. Baina nazioartekoa izan nahi duenez, Bilbon egiten duten bezala, International Center edo centre edo horrelako zerbait gehituko behar zaio.

#3. Re: Tabacalerarentzat izen bila

ana m ¦ 2007-03-23 ¦ 12:47

> Barkatu ana m. anderea, baina DROGUERIA, ULTRAMARINOS, COLONIALES, ... izenek nortasuna dute, baina inork ez ditu erabiltzen bere janari, perfume edo kolonia dendak izendatzeko.

Eta? Azkoitiko Mataderoari ere izena aldatu behar al diogu?

Ibanek esaten duen bezala, historiari errespetu gutxi... Edo komeni denean bakarrik...

#4. Re: Tabacalerarentzat izen bila

Iban ¦ 2007-03-23 ¦ 12:11

Niri, egia esan, kontuak ez dit asko axola, baina gaur ñoñostiar samar jaiki naiz eta, zer demontre, bat egingo dut Ana M.rekin. Tabacalera izenak, behintzat, badu Historiaren zama atzetik, eta iruditzen zait Euskal Herrian errespetu gutxi diogula horri, agian herri industriala garelako, auskalo; gainera, izen-fosil egokia iruditzen zait geroz eta atzemangaitzagoa den Artearentzako edukiontzi batentzat.

Eta propina gisa, koadrilan kantatzen genuen kanta hiperdonostiar bat, beste fosil bat alegia, gaztelaniaz noski, zeinetan Tabacalera azaltzen baita (zalantza batzuk ditut bertsolerro batzuekin, oso mozkorturik geundenean kantatu ohi baikenuen; agian irakurleren batek osatu eta zuzendu ahal izango du...):

Atocha barrio Gros
que no tiene rival
frontones de pelota
campos de football
la gran Tabacalera
que es suministro estatal
teatros como el Trueba
cines como el Kursaal
matadero principal
plaza monumental
el templo de San Ignacio
y el santo hospital
Tru la lai, tru la lai
tru la tru la tru la lai
Tru la lai, tru la lai
tru la tru la lai

#5. Re: Tabacalerarentzat izen bila

Elisabet ¦ 2007-03-26 ¦ 08:49

> TABACALERA Kulturuneak izen zatarra du, eta gaztelaniaz, gainera. Barnean TBK (tebeka) deitzen diote, probisionalki. Oraingo zuzendaritza taldea ez da ausartuko halakorik egitera, baina zergatik ez dugu SUSTATUn izen proposamen andana bat egiten? > Ba barkatuko didazu, Etxeberria jauna, baina niri Tabacalera izena gustatzen zait. Berdin zait erderaz edo txinatarrez bada. Nik Tabacalera (edo Tabakalera nahi baduzu) ezagutu dut beti. > > Izenak nortasuna du. Asko gainera. Mundu honetan askotan faltan botatzen dudan zerbait. > Nire uste apala da.

Ni hainbat urte bizi izan naiz Tabacalera ondoan, hango langileak ere ezagutu izan ditut... Niri TABACALERA izen egokia iruditzen zait, beti izan duena alajaina! Nahiz eta jarduera desberdina izan, eraikina Tabakalera izaten jarraitzen du, eta bere nortasun propioa daukala iruditzen zait.

#6. Re: Tabacalerarentzat izen bila

loveof74 ¦ 2007-03-23 ¦ 09:27

taba-ke-lera proposatuko nuke. Kea saltzen dute eta...:-D

#7. Re: Tabacalerarentzat izen bila

Luistxo ¦ 2007-03-23 ¦ 10:41

Nik uste nuen izena zuela Kultura Garaikidearen Nazioarteko Zentroa, KGNZ. Baina ez, webgune berrian euskaraz kontsultaturik ere, Centro Internacional de Cultura Contemporánea de San Sebastián deritzo. CICC eta kito. San Sebastián, y punto.

Barrutik TBK esaten omen dion horietako bat ematen dela hau, Igor Calzada blogaria. Hemen dio TBK Euskal Hiriaren fabrika izango dela.

#8. Re: Tabacalerarentzat izen bila

jimmy potxolo ¦ 2007-03-23 ¦ 11:32

> Neu hasiko naiz, lotsa apur batez: IOLA. Bai, IOLA. Irudi Ola-ren laburdura. Bigarren bat ere proposatuko nuke SOLA (Sorkuntza Ola), baina gaztelaniaren auzokidetzak kalte egiten dio.

Kopia, kopia! Villabonan laster zabaltzekoa den Mintzola zentroari lapurtua da ideia.

#9. Re: Tabacalerarentzat izen bila

H. Etxeberria ¦ 2007-03-23 ¦ 15:30

Jimmy Potxolo, jaun ezezagun eta ezkutatu hori, zin dagizut ez dudala MINTZOLA izen bikaina nire gogoan eduki neureak proposatzerakoan. Hala ere, baliteke (zergatik ez?), inkoszienteki kopiatu izana. Erregutzen dizut, proposamen andana hau abiatzeko baino balio ez duten izentzat hartzea nire proposamenak, eskasak baitira zinez. Hala ere, zure proposamena ez dugu hemen ikusi, oker ez banaiz. Soilik ezizen baten azpian, besteena putza dela esateko adorea ez duzu, ba, pentsatuko ekarpen sekulakoa denik? Animo eta bota zeurea. Horixe da hemengo jola/jokoa. Ez besterik.

#10. Re: Tabacalerarentzat izen bila

unai ¦ 2007-03-23 ¦ 11:41

Izen bila hasi aurretik nik bere benetako zeregina zein den jakin nahi nuke lehenik. Azken bolada honetan bolo-bolo dabilen kontua dugu tabacalerarena ikusentzunezko proiektuak bilduko dituela eta abar, baina ez al gara konturatzen dena bozkak lortzeko trikimailua dela? Bada urtebete kontu honekin hasi zirela eta oraindik ez diote norabiderik eman proiektuari (TVErentzako telesailak egitea besterik... 8eta txara gainera!)).

Horregatik jar diezaiotela "Tabakalera sin runbo de San Sebastian" edo sigla zaleentzat TSRSS.
To izen garaikidea!

#11. Re: Tabacalerarentzat izen bila

Juan Luis ¦ 2007-03-23 ¦ 12:46

> Niri Tabacalera izena asko gustatzen zait eta uste dut halako pertsonalitate berezia ematen diola proiektuari. Gainera, Donostian horrela ezagutzen bada eraikina, ba arrazoi gehiago mantentzeko.
TBK? oso bogan dagoen joera da; ez dakit, beharbada erabili daiteke bariante moduan. Baina moda hauek, hainbeste errepikatzen direnean, azkenean nekatu egiten dute.
Ez dudana ulertzen da zergatik Berrian Tabako Fabrika deitzen duten. Zertara dator izen-aldaketa hau?
Hasier, zuk proposatutako izenak zatarrak iruditu zaizkit.

#12. Re: Tabacalerarentzat izen bila

Ion Zabaleku ¦ 2007-03-23 ¦ 13:57

Nik KGB deituko nioke ba "Kerik Gabeko bilgunea". Horrela aurreko izenari ere keinu bat egiten diogu gaurkotasunez begiratuta ;)

#13. Re: Tabacalerarentzat izen bila

H. Etxeberria ¦ 2007-03-23 ¦ 15:21

Neuri ere ez zait batere ederra egiten neuk proposatutako IOLA hori. Ez nago inspiratua. I'm sorry. Nonbaitetik hasteagatik izan da, batez ere.

#14. Re: Tabacalerarentzat izen bila

Gerardo ¦ 2007-03-23 ¦ 15:26

Hasiera-hasieratik Joana Albret Bibliotekonomia Mintegiko "blogean":http://eibar.org/blogak/joana-albret proposatu nuen KuGa izena. Beste une batean blog horretan agertzen diren argudioak laburduko ditut. KuGa = (Kultura Garaikidea edo Kultur Gunea).

#15. Re: Tabacalerarentzat izen bila

Jozulin ¦ 2007-03-23 ¦ 15:40

ARTEOLA: Hartuta dagoela uste dut...
ARTOLA: "Baserritar"egia agian
IOLA bai, baina aldaketatxo batekin: i-OLA edo e-OLA.

#16. Re: Tabacalerarentzat izen bila

oier ¦ 2007-03-24 ¦ 23:59

Nik ere ez daukat ideiarik zer egongo den hor barruan, baina jolasteko ez da horrenbeste behar, ez?

TABACALERA, TBK eta Hasierrek proposatutako OLA erroarekin jolasten jarraituko nuke nik, adibidez, hemen nire proposamena:

TBKola

Aldeko argudioak:

• Sustraia (Tabacalera) jasotzen du
• Euskarazko jiro librea gehitu: tabakoa egiteko ola.
• Marka horri lotuta errefreskoa komerzializatzeko (autofinantziazioa!) aukera ematen du: TB-Kola
• Izena nola esan behar den eztabaidak pizteko aukera ematen du: Tabakola, Tebekaola, Tebekola...

Kontrakoak:

• Ez zait batere bururatzen...

#17. Re: Tabacalerarentzat izen bila

Igor Calzada ¦ 2007-03-25 ¦ 00:36

Ba, nere iritzia honakoa da:
Tabacalera nahiz Tabakalera izen egokia iruditzen zait. Eta bere, TBK, laburdura oraindik egokiagoa, aurrekoa ahaztu barik, marketing eta marka ikuspuntu batetik.
(Gainera agian, larunbata gaua izanik etab, agian inspirazioa nonbait, baina Tribeka, Manhattan-eko auzunea, etorri zait errima moduan burura ;)
Tribeka, edo han agertzen den moduan TriBeKa...TBK!!!

Aizue, zera ekarriko nuke gogora, Jane Jacobs-en esaldia, izenetara ekarria:
"New ideas need old buildings"
edo
Gauza berriek jaso dezateela zahar edo tradizio kutsu hori.
Zergatik aldatzen ibili?

TBK
Tabacalera
Tabakalera

(TriBeKa...moduan...Pertsonalki TriBeKa hori asko gustatzen zait...eta paralelismoa eginez...
Ba...zera...gehiago gustatzen zaidala TBK, Tabacalera edo Tabakalera izena)

Ba horixe.

ps:
Ah!!!
Komentarioa bat love74, pozik eta cia,

kearena...

Kreatizidioa, izan dezakegun etsairik handiena da.
(Eta ez kea-tizidioa)
(Oraindik ere, "kea" hizpide?)

Bai,
hala,
Kea...
Behelainopean Bezala...

;)

Biba!
IC

#18. Tribeca

Luistxo ¦ 2007-03-26 ¦ 10:19

New York-en dagoena TriBeCa da, eta hura ere akronimo bat da izatez, "Triangle Below Canal Street".

Horrez gain, Donostia ez da New York, ezta hurrik eman ere, Julian Schnabel gora-behera.

#19. Re: Tribeca

Igor Calzada ¦ 2007-03-27 ¦ 14:06

Ze ajola
C edo K
(calzada...kalzada...?
ps: ikusi diat nik ere TBK, TriBeKa, moduan ere.

New York...ez, Donostia.
Ez dut ulertu konparaketa.

Neretzako,
TabaKClera
itxurazkoa da.
;)

> TABACALERA Kulturuneak izen zatarra du, eta gaztelaniaz, gainera. Barnean TBK (tebeka) deitzen diote, probisionalki. Oraingo zuzendaritza taldea ez da ausartuko halakorik egitera, baina zergatik ez dugu SUSTATUn izen proposamen andana bat egiten?
> New York-en dagoena "TriBeCa":http://en.wikipedia.org/wiki/TriBeCa da, eta hura ere akronimo bat da izatez, "Triangle Below Canal Street".
>
> Horrez gain, Donostia ez da New York, ezta hurrik eman ere, Julian Schnabel gora-behera.

#20. Re: Tabacalerarentzat izen bila

Gerardo ¦ 2007-03-25 ¦ 13:26

Ezuste galanta jaso dut. Euskadiko Liburutegia azkenean eraikuntza honetan ere sartu dute. “Consumatum est”: Euskadiko Liburutegia biltegi bihurtu da. Berriak ezuste handia eman dit, izenaz haunartzeko gogoa ere kendu badit ere... agindu nuenez proposamenari helduko diot.

Izena baino askoz garrantzitsuagoa zereginak zeintzuk diren erabakitzea bada ere, (edukien gainean aukerarik ezean) izenaren gaineko gogoetei ekingo diegu:

Euskarazko izena, eta izen bat aukeratu behar da.
Gaztelaniaz Tabacalera, Centro Internacional de Cultura Contemporánea (CICC); euskaraz, berriz Tabako fabrika, Tabakalera, Kultura Garaikidearen Nazioarteko Zentroa (KGNZ), Kultura Garaikidearen Nazioarteko Gunea (KGNG) izenak jarraitzen dute erabiltzen.

Ez daukat ezer izen horien kontra, ezta orain arte blog honetan proposatutako izenen kontra ere, baina bai gaztelaniaz, baita euskaraz ere luze samarrak edo ahoskaezinak direnez eta egun batean ordezkatuko dugulakoan nago, hobe bertako izena proposatzea kanpotarraren bat indarrean jartzea baino lehen... (BEC, Bulevard, Baluarte, Tabacalera...)

Eraikuntza hori (KuGa) kultura bisualean espezializaturiko gunea izango denez, Kultura Garaikidearen esparruan murgilduta denez, -zinema, telebista, arte, diseinua, musika...- “KuGa” izena aproposa iruditzen zait.

Garai batean Pedradas izeneko blogean “KuGa” izenaren alde Iturrik egindako adierazpena gehitzen dut: he leído un apunte de Gerardo Luzuriaga en el que habla de KuGa. No sé si es una iniciativa suya o tiene otros progenitores: sería un acrónimo de Kultura Garaikidea (cultura contemporánea en euskara). No me parece mal. Tenemos Kursaal, Kubos, Kutxa…

#21. Re: Tabacalerarentzat izen bila

Joxan Oiz ¦ 2007-03-25 ¦ 21:46

KEA

eta orain zuei uzten dizuet siglen dantza.

Motel xamar dabilenari ere erraza begitanduko zaio Kultura, Eragin, Artea edota Kontu, Eder, Askotxo bezalako hitzak txukun eta airos nahastea.

Ez horregatik.

#22. Re: Tabacalerarentzat izen bila

weissmuller ¦ 2007-03-26 ¦ 13:48

"El Diario Vasco"n ikusitakoa:
TabaKalea

#23. Re: Tabacalerarentzat izen bila

patxi lurra ¦ 2007-03-26 ¦ 16:30

Arrasate-Modragoeko auzoa dogu Zigarrola (edo Musakola). Jozulinek esandako Arteola horregaz nahastuta: ZigARTEOla.

Akaso luzeegia da kontzeptua gauza laburrak egitea bada (Horren haritik, KEA gustau jat pilo bat), baina ea zer iruditzen jatzuen ba: ZIGARTEOLA.

#24. Re: Tabacalerarentzat izen bila

Maite Toledo ¦ 2007-03-26 ¦ 21:56

Urtietan erreferente industriala eduki daben eraikiña dala pentsatzen dot. Balio instrumentala badauka, hortaz. Orain balio historiko-artistiko-kulturala errekonozidu biharko dotsagu, horregatio. Gizarte postindustrialen joera soziokultural nagusixa astialdiarako jarduerak die. Ingelesak eta alemanak aspaldi ekin zotsen pikutara juandako industria eraikiñak birgaitziari.

Nik “Tabacalera” izena lagako notsake. Nortasuna dauka eta jendiak eraikinaren hasierako funtziñua goguan gordeko leuke. Eta kanpotarrei eta belaunaldi berrixei galdera bat behintzat sortuko lotsakiela uste dot: Zegaittik “Tabacalera”?

Maitek

#25. Re: Tabacalerarentzat izen bila

Berrotza ¦ 2007-03-27 ¦ 22:15

Tabacalera terminoa jatorra eta jatorrizkoa denik ez dut jartzen zalantzan, baina jakin ezazue ez dela izango batere burutsua, bada oker ez banago hiriburu askotan antzerako eraikuntza baitaude, nik dakidanez, Valentzian, Malagan, Tarragonan, Logroñon...

KEA, KEA, KEA...

#26. Re: Tabacalerarentzat izen bila

Karlos del Olmo ¦ 2007-03-30 ¦ 09:52

Larregi eskatzea litzateke erakunde ofizialen menpean dagoen etxe bat izendatzeko orduan Egia auzoan oraindik bizirik (eta dokumentatuta)dauden toponimoetako bat aurkeratzea? Tabako fabrika bera jarri aurretik toki haiek bazuten beren izena. Ala ez?