Itzuli orri nagusira Bidali hau

Euskararen erabilerarentzako beste ziurtagiri bat

© cc-by-sa  Sustatu ¦ 2006-10-03 ¦ 10:07 ¦ hizkuntza

Albistea dator gaur Berria-n eta Erabili.com-en, euskararen erabileraren kalitate-ziurtagiria sortuko dela esparru sozio-laboralerako. Herri-administrazioko langile batzuek daukaten Tiraka blogean diotenez, "albistea oso pozgarria izango litzateke, ez balitz aurretik euskalgintzako beste erakunde batek, Kontseiluak alegia, arlo horretan bertan egindako ahalegina eta lana aintzat hartu gabe egingo duela iragarri ez balu Jaurlaritzak."

Publizitatea

Ziurtagiri berria egiteko, Eusko Jaurlaritzako Hizkuntza Politikarako Sailburuordetzak eta Euskalit-ek lankidetza-hitzarmena sinatu zuten atzo enpresetako hizkuntza-normalizaziorako prozesuen ebaluazio-eskemak zehazteko. Erabili.com-en Patxi Baztarrika sailburuordearen iritzi artikulua ere badator gaiaren gainean.

Atzo sinatutako hitzarmenean jasotakoaren arabera, honako lanak egingo dira aurten bertan:

  1. Ebaluaziorako eskema zehaztu eta aitortza-moduak finkatu ebaluatuak izango direnentzat
  2. Zabalkunde, sentsibilizazio eta sustapen ekintzak definitu eta komunikazio-ildoak zehaztu hartzaile-mota ezberdinen arabera
  3. Prestakuntza-egitarauen definizioa eta ekintzak nahiz ebaluaketa bideratzeko bestelako baliabideak eta laguntzak zehaztu

Kontseiluaren zertifikazioa Bai Euskarari Ziurtagiria da.

Erantzunak

#1. beste politika kolpe bat

Euskaltzale ¦ 2006-10-03 ¦ 12:09

Herrigintzatik Euskaldunon egunkaria sortu zenean atzetik Ardanza beste egunkari bat sortzen ahalegindu zen.

Kontseiluak herrietako plan estrategikoak proposatu zituenean jaurlaritzak azkar batean EBPN aurkeztu zuen.

Orain kontu hauekin datoz........

lotsagarria.

Atzo sustatuko beste artikulu batean nioen bezala, jar dezagun euskara dagokion tokian, politikaren GAINETIK.

#2. Re: Euskararen erabilerarentzako beste ziurtagiri bat

patxi ¦ 2006-10-03 ¦ 16:23

Hitz batean: penagarria.

Berriro ere EAJ-k herri mugimenduak lortu duena saboteatu nahi du. Ez dago eskubiderik.

Sindikatu abertzaleek ez dute ezer esan behar?
Rafa Diezek elkarrizketa batean, Garan, akordio oso positiboa izan dela eta beste arlo batzuetara eramn behar dela zioen. Mesedez, ez eraman inora!
Nola aldatzen diren gauzak, kamarada...

Erantzun (klik zabaltzeko)

Publizitatea