Interneteko albistegia

Euskararenjatorria.eu gunea eta Biltzarra

© cc-by-sa Sustatu ¦ 2006-10-02 ¦ 10:40 ¦ hizkuntza

Urriaren 7an Euskararen Jatorriaren 2. Biltzarra antolatu dute Euzko Izaera, Bizi-Hitza, Mikoleta eta ENA elkarteek. Lehen biltzarra iaz egin zuten Arantzazun, eta han eman zen informazioa eta beren jardunaren berri webgune baten bidez eman dute orain. Euskararen jatorri eta izaerari buruzko tesi heterodoxoak defenditzeagatik da ezaguna talde hau.

Publizitatea

www.euskararenjatorria.eu da ekimenaren webgunea. Europako .eu domeinu bat webgune euskaldu bat adierazteko erabiltzen den lehen aldia izan daitek (Sustatun ez dugu beste berririk).

Bigarren Biltzarra Aranzadi Zientzia Elkartearen egoitzan egingo dute, azaroaren 7an, Donostian, Zorraga gainean. Hemen dago egitaraua.

Bultzatzaileen izenean, biltzarraren aurkezpen testu bat argitaratu dute egunotan Berria egunkarian, Patxi Alaña, Remo Bianchini, Urtzi Ihitza eta Pako Iriartek.

Erantzunak

#1. Re: Euskararenjatorria.eu gunea eta Biltzarra

Xabi ¦ 2006-10-02 ¦ 10:29

Tira, "heterodoxoak" esatea nahiko eskuzabala izatea da, tartean Ribero Meneses edota Urtzi Ihitza egonda, enpin... .eu domeinuaren kontua, ostera, interesgarria da.

#2. Re: Euskararenjatorria.eu gunea eta Biltzarra

asg ¦ 2006-10-02 ¦ 23:43

Orrialde nagusiko behean eta eskuinean: "Creado y administrado con Microsoft FrontPage 2000".

euskararenjatorria.eu eta web 2.0 ez dira ondo moldatzen... Aspaldian ez dut ikusi webgune eskasagorik.

#3. Re: Euskararenjatorria.eu gunea eta Biltzarra

Xabi ¦ 2006-10-03 ¦ 08:08

Hori ere egia da, noski, gaur egun gutxi dira hain modu baldarrean sortzen diren webguneak.

#4. Tresna ez da arazoa

baldarzale ¦ 2006-10-03 ¦ 08:47

Frontpage da arazoa? Tresna da arazoa?

Ezagutzen ditut ustezko profesional asko, php, GoLive, .Net eta horrelako askorekin webgune okerragoak egiten dituztenak.

Webgile profesionala naiz eta nire ustez teknikoki webgune duina da. Nabari zaio ez dela profesional baten lana, baina adierazi nahi dena ongi adierazten du eta bilatzaileetan ere ongi posizionatuko da.

#5. Re: Tresna ez da arazoa

Xabi ¦ 2006-10-03 ¦ 09:25

Tira ados, ni ez naiz diseinatzailea eta zeuk jakingo duzu hobeto dauzkan alde onak eta txarrak; esaten dudan gauza bakarra da gaur egun gutxi direla horrela sortutako webguneak (pertsonalak eta agian bai, baina dauden tresnekin erraza da teknika eta itxura aldetik zerbait hobea egitea, ezta?).

#6. Re: Tresna ez da arazoa

asg ¦ 2006-10-03 ¦ 16:55

> Frontpage da arazoa? Tresna da arazoa?

Ez da hori kontua, kontua da jarri zezakeela "Microsoft FrontPage 2000rekin egin eta kudeatua" edo antzeko zerbait.

> Webgile profesionala naiz eta nire ustez teknikoki webgune duina da. Nabari zaio ez dela profesional baten lana, baina adierazi nahi dena ongi adierazten du eta bilatzaileetan ere ongi posizionatuko da.

Ni ez naiz webgile profesionala, baina egin izan ditut webgune batzuk, eta berriro diot, aspaldian ez dut ikusi webgune eskasagorik, eta ez dut uste .eu domeinuko lehen euskal webgunea izateko aurkezpen txartel ona denik.

Ez al zen errazagoa izango blogari.net edo blogak.com zerbitzuetako batean blog bat sortzea?

#7. Re: Tresna ez da arazoa

iñaki ¦ 2007-02-23 ¦ 13:59

> Ni naiz web hau egin dudana eta egiten ari naizena, ez daukat puta ideiarik web egiten eta nahiko gutxi euskeraz idazten, lagun baten eskaerengatik segitzen dut… mesedez jarri harremanetan web gunekoekin eta oso pozik jarriko nauzu…MILLESKER

Erantzun (klik zabaltzeko)