Itzuli orri nagusira Bidali hau

Hamaika telebista egitasmoa aurkeztu dute gaur

© cc-by-sa  Sustatu ¦ 2006-09-19 ¦ 15:36 ¦ telebista

Gaur aurkeztu dute Bilbon Hamaika, telebista sortzeko talde berria. Jaurlaritzak EAEko 15 telebista barrutitan aterako dituen telebista lokal digitaleko lehiaketetara aurkeztuko da Hamaika, barrutiotan euskarazko kate bat ziurtatzeko asmoarekin.

Publizitatea

Europa Press-en teletipoaren arabera, EKT-ko Joan Mari Larrartek esan du proiektuak hiru oinarri sendo dituela jada:

  • telebista-kate berrien zabalkuntza errazten duen teknologia digitalaren eraginkortasuna
  • Euskaltelek emana; sektorea ezagutzen duten enpresa batzuren babesa
  • Eusko Jaurlaritzak emango dituen lizentziak.

Azken aukera hau Euskal Autonomia Erkidegoan, udazkenean, tokiko telebista digitalak ezartzeko lizentziak banatzeko lehaiketetan gauzatu beharko da. 15 telebista barrutietan euskarazko kate bana ziurtatzea da Hamaika taldearen helburua.

Hiru komunikazio talde daude Hamaikan: Corporacion Multimedia del Norte (Diario de Noticias-Deia), EKHE (Gara-Le Journal) eta EKT (Berria eta Hitzaren zazpi egunkariak), bakoitza %20aren partaidetzarekin. Euskaltelek bazkide teknologiko gisa hartuko du parte, zuntz optikoko azpiegiturak eta zabalkunde aukerak eskainiz.

Bestalde, Bainetek telebista-produkzioan duen esperientzia eskainiko du, eta Elkarrek euskal kulturako erreferentziak emango dizkio taldeari. Bi enpresa hauek %10 izango dute.

Partaidetzaren portzentaia hauek Sareko Argiak argitaratu zituen hemen.

Garan argitaratu denez, eskualdez eskualde eragile lokalekin harremanetan jarriko dira, eta egitasmora enpresa gehiago ere erakarri nahi dute.

Erantzunak

#1. Re: Hamaika telebista egitasmoa aurkeztu dute gaur

marikruz soriano ¦ 2006-09-19 ¦ 20:44

ta? ze izango da, gizonentzako bakarrik? por comentar...

#2. Re: Hamaika telebista egitasmoa aurkeztu dute gaur

felipe ¦ 2006-09-19 ¦ 23:36

>Proiektua aurrera ateratzen bada oso onuragarria izan daiteke. Egun tokiko telebistetan euskarak oso leku txikia dauka.

#3. Re: Hamaika telebista egitasmoa aurkeztu dute gaur

Ion Zabaleku ¦ 2006-09-20 ¦ 14:41

Ta hau zerta eldu da?? Zerbait esan dute emakumeen aurka edo???

Nik oraingoz gauza gutxi irakurri ahal izan dut, baino euskaraz den edozer aurrerantz eramatea beti izango da ona. Zeozer dezentea egin ezkero azkar gaindituko dute ETB1eko programazioa...

#4. Re: Hamaika telebista egitasmoa aurkeztu dute gaur

Sustatu ¦ 2006-09-20 ¦ 08:17

Gara eta Berria-ko kronikak Baietz Fundazioaren gunean elkartu dituzte. Erabili.com-en ere azalpen interesgarria dago.

#5. Re: Hamaika poz, hamaika beldur

Flipper ¦ 2006-09-20 ¦ 23:27

> Izugarri berri ona. Pozgarria alde guztietatik. Pegamentoa beharko du orain proiektuak barra-barra pitzatu ez dadin, alde guztietatik. Hala ere, gaurko BERRIAn aurkezpeneko kromoei begira eragile asko ikusi ditut erretratutan. Bitxia egin zait Aralarkorik eta Ezker Batua-korik agertu ez izana. Ez ziren agertu? Gonbidatuta zeuden? Erretratuetan leku nahikorik ez?
Inork ezer baleki, pistaren bat eskertuko nioke...

#6. Re: Hamaika poz, hamaika beldur

iņigo ¦ 2006-09-21 ¦ 09:12

Komunikabide ezberdinen kronikak aztertuz gero kuriosoa da kazetari bakoitzak egiten duen bertaratutakoen entresaka. Bata edo bestearen arabera batzuk joan ziren eta beste batzuk... agertu ez. Berriak berak zekarren zerrenda nahiko zabala.

"Hamaikaren sorrerak eragile askoren interesa piztu du. Euskalgintza, politika, kultura, kirola, sindikalgintza eta komunikabide arloko hainbat lagun bildu ziren aurkezpenean. Haien artean ziren Andres Urrutia euskaltzainburua, Kontseiluko idazkari nagusi Xabier Mendiguren, Hizkuntz Eskubideen Behatokiko zuzendari Paul Bilbao, AEKko koordinatzaile Mertxe Mujika, Eusko Jaurlaritzako Euskara zuzendari Igone Etxebarria, Iņigo Urkullu (EAJ), Rikardo Barainka (EA), Mikel Basabe (Aralar), Marije Fullaondo eta Joan Joxe Petrikorena (Batasuna), Jose Elorrieta (ELA) eta Rafa Diez (LAB) sindikatu buruak, Andoni Ortuzar EITBko zuzendaria, Gara-ko zuzendari Josu Juaristi, Josune Bereziartu eskalatzailea, Euskaltel txirrindulari taldeko manager Miguel Madariaga eta Kepa Junkera abeslaria, besteak beste."

#7. Re: Hamaika poz, hamaika beldur

Flipper ¦ 2006-09-21 ¦ 15:07

> Bai, zerrendatik ere erori dira izen batzuk, baina komunikabideetan benetan indarra duena irudia izan ohi da, izenburuekin batera, eta BERRIAko irudietan lorazainak baino ez ziren falta; aldiz, Basabek eta beste batzuk ez zuten lekurik izan.
Herri honek ezagutu duen komunikazio proiekturik zabalenean. Marka da gero!
Lehengo lepotik burua.

Erantzun (klik zabaltzeko)

Publizitatea

 Nabigatu euskaraz